أحرف شقيه خرج عنها الزمن

طفل قد نسيني في الذكرى
أحسبه
رحل وهو يمسك يديها
أحسبه
أضاعني وهو يطيل
النظر فيها
أحسبه أنا....
فلم أهتم بعلمي لو أكون برفقتهم


وحين أربكته رؤية
الزمن وهو يشيب
فاجئني
بندائه اليها

فعلمت أني أسأت ظني
وأني فقط
الحب الذي
لايعرف للنهايات أشكالا
فقط مكتوب عليها....

للحفظ....


بيتين والثالث بنى الشوق ميّال
وخيل الهوا شقرا تلاعب جفوله

تكفخ بقلبي فوق مدات وامال
واللي تثيره من فم الريح ادوله

أويل حالي منك شتت الاوصال
وصلن توجّدته ووصلن مهوله

العمر مرهونن على كف رحال
يرقى هموم البعد ويشهق ذبوله

والله من ليلن ولِهْ قربكم... طال
ساريه طفل وهمّه اللي يعوله

مفطوم حب مشيّب الهم رجال
وغصات حبه تسبق اللي يقوله


شخبطه بقلمي أرجو ألا تعكّر راقي أذواقكم ....

لون المسا ويفتنه لونك
فتنة بدر بالسما ذاوي

وحيد والعين هي كونك
كونٍ بها طلّتك ياوي

يامشغل النجم بفنونك
وبصدك النجم متهاوي

هالليل وان طال بمجونك
تصبح على عرشه الضاوي...

كل غدٍ لناظره قريب
الا غدي وناظرك بتنائي....

أرشيفيات

أنا الياس
أنا اليباس
اللي شاب ظله
وانحنى ظهره
أنا اليـــاس
كلي أشيله
على قهره
.على قهره ويموت أصدق الإحســـاس

كيف بقوا صدع في جذعـــي؟
وانتي مع الناس
في سمعي؟
وقلبي المهجور
مهجور
معتلّ بيباس


تشققيني بقايله من شفاه الناس
وتسفعيني
على خدي بسموم الكلام

بزيف خلي
...... او مهو خلي

اللي خلاهم حيـــارى
وخلاني مع الهوجاس
وحدي ... أشيل من ياسي اليباس
وينحني ظهري

بقلمي

إرشيفيـــات

ما أقول إنّا وصلنا للنهاية
كلي آمال ورجا لوتفهميني

من عرفتك أحسب إنك في رجايه
والبلا إنك لاختبارك تخضعيني

لا.. دخيلك ؛ اللي فيني لي كفاية
واختبارك يعني تضييع السنيني

اختبارك كان هو أعظم جناية
وكان يكفي بالعقل تتأمليني

يا غلايه ضاع رشدي والهداية
توّي أعرف إن ما أنتِ في يديني

مين نهاية؟ واحنا تهنا بالبداية
هو جوابك هدى سيني وسيني

اسمحي لي..رجعيني للحكايه
من عرفتك في البداية..سمعيني

واختمي في دمّ قلبي لي هنايه
واحلفي إنك دمي..قلبي..وعيني

واختفي عني ورا ذيك العبايه
واقنعيهم فعلا إنتِ تعشقيني

جيت أقنعك إنك بكلك معايه
وجيتِ أنتِ في هبوطي تدفعيني

هذي كلمة حق تحكي عن شقايه
ظني إنك أنتِ ما عدتِ تبيني

وهذا يعني إن في قلبك سوايه
ما تبيني؟!بس قولي ما تبيني

ليه نتخبا ورا سر الدعاية؟
أجمعك وأنتِ بظلمك تنثريني

وأسمعك تحكين بلسان الوشايه
ليه يا ضرة عزتي؟ ليه تجبريني؟!

كنت أحسبك كوكبي زينة سمايه
وشمسي الوضحا عساك تنوريني

صرتِ العتمة بقمرا يا دجايه
عن عمى نيّة وجيتِ تعتميني

وأصبح شعارك تهدين البناية
حيلي انهدم..بعدك بتهدميني؟!

أتحمل..آه ما أقسى لظايه !
أعشقك ما أبغى بهمّ تقاسميني

صدّ بأحزانه..وجيتِ من ورايه

ليه خنتِ المحبوب؟ّ!! ليه تعذبيني؟!!

كلماتي
وإن دخلت تحت مسميات أخرى

ارشيفيات


همسة استفهام

معقوله انت اللي احبه واهتويه
ما أصدق منك الاقي هالصدود
شابت اطلال ومداين بس ليه
وشبت معها احتري منك تعود

معقوله انت اللي هناي اموت فيه
ما أصدق تبعدك عني أية حدود

والله ما قصدت أزعج حضورك بالغياب
وكل ما حولي يبونك نافذه نافذه باب باب
وهقتني لهفتي لك وجيت نص ونص هاب
واستغلت ضعف فيني ضعف في ظل الغياب
إيه أحبك والبلا اني مدري اني كيف أحبك
وانا كتله من عذاب


انتثر باول الصفحه قبل ما اعنون كتاب
مدري عني.... وعن حروفي...
هي بسطر الحب باقي..!
أوهي لك تنادي... !
او حطامٍ الإرتياب.!

هو أنا شفتك....وكيف ابذكر..؟
وأنت شوفك يوم ابرحل
وكيف أشوفك؟....
وكبف اخليها لوقتي الثاني
أو وقتي التالي
وكل وقتي وقت الذهاب

ارشيفيات




أحببت فقط أحببت

فلأي حد أنا اجرمت ؟
أجيبيني!!!!!
هل أجرمت؟
عندما أحببت!!!!

يأبى الزمان إلا أن يذلني
وبمن أحببت!.

فما أصعب العيش عندما تحمل قلباً قتيلاً

فلست انا الحي وأنا من لم يمت

ما أصعب العيش وحيدا
وحيد أنا مهما عاشرت

فقدت نفسي فقدت أمسي
فقدت قلبي وأتيت
وحيدا الى الامس

أجيبيني
أنني أحببت
فهل عندما أتيت الأمس أجرمت؟


أنزف كل يوم بحرا من أحداقي
وما أبحرت

أقطع كل يوم ألف ميل من اشواقي
وماوصلت

كم أنا أذنبت
كم انا غفرت
وكم أستغفرت

فهل أجرمت؟
عندما أحببت

كم أسرفت عشقاً
ولكنّي مابذرت

فهل اجرمت

أجيبيني

عندما أحببت

هل أنا اجرمت

ليأبى ألزمان إلا أن يذلني...... وبمن أحببت



أأسأل نفسي وانتي منها إليّ اقرب؟

فمعرفتك بي من مولدي أقدم


اجيبيني أنتي

هل اجرمت
عندما احببت
ليأبى الزمان إلا أن يذلني
ويذلني بمن أحببت

كلن على همه سرى
وانا على همي سريت

ارشيفيات قلمي

هلهلي لي بالبشاير يالوصايف
في محيّا اهل الحمّيا ثم طوفي


في سِماتن للحبايب والولايف
حزة اللقيا سِماياها اللحوفي


سيّري للجادل بهمسة شفايف
ثم ردي ماطرن يحيي وقوفي


طولن بي وقفة اللي منه عايف
واعذلني غيرتي والقهر شوفي

ارشيفيات

*
*
*


*
*
*
*
*


حبيبي وكل عشاقي
فقدتك حيل ياشويقي

تـعـال وبشّـر احداقي
بـشـوفك فـنّ تعليقي

نسيت انه تبي فراقي
احسّب بس تشويقي

دخيـلك قول كـم باقي
على همّـي وتغريقي

طلـبتـك قبـل ماإلحاقي
لـبـعدٍ مـالــه أطيـقــي

مـعي تبقى للأشراقي
أبي أسـهـرك تشريقي

وبـعده لـوتبي احراقي
بهـجر يشب معاليقـي

تفضـل فوت لأعـماقي
وجـرحـك خلّه عميقي

وبـعـده روح والبـاقـي
لك مسامح بك يليقي

وذا دربك ويـا الـلاقـي
بـدربك خيـر وتوفيقـي


*
*
*


*
*
*
*
*

بقلمي

قلبي وانا نذكره مع ذيك الاخفاق
............ياسامع لسولاف خفقه خفقها

سولافةٍ للحب من قبل الفراق
........... في كل عرقن يارفيقي دفقها

مشهود ياطوقن يحلله العناق
..........سلسال به دبله يطوّق عنقها

والعهد ياواقع يفرقنا باخلاق
........... إني لاعلق دبلتي واشهد..عشقها


الصياد

[/B]

لمشاهده لحظتينن تروي الظامي
لحظة يقين ولحظه صعب ارويها

فزة عروقن يباس بقسوة ايامي
واسراف تقبيل يا اقبالن تهليها

مدموح ياذنب لو ترسمك الاحلامي
مدموح لو شالتك باعظم امانيها

ربآآآه
بك استجير ومن يجير سواك فأجر ضعيفا يحتمي بحماك
اني ضعيف استعين على قوى ذنبي ومعصيتي ببعض قواك
يا مدرك الأبصار لا تدري له ولكله ادراك
أتراك عين والعيون لها مدى ما جاوزته ولا مدى لنداك
ان لم تكن عيني تراك فانني في كل شيء أستبين علاك

المشاركة الأصلية كتبت بواسطة (ابوخالد)

ربآآآه
بك استجير ومن يجير سواك فأجر ضعيفا يحتمي بحماك
اني ضعيف استعين على قوى ذنبي ومعصيتي ببعض قواك
يا مدرك الأبصار لا تدري له ولكله ادراك
أتراك عين والعيون لها مدى ما جاوزته ولا مدى لنداك
ان لم تكن عيني تراك فانني في كل شيء أستبين علاك

شكراً لهذا الحضور شكراً لهذا النور

في ذمتي ماغيرت بي لك شروح
لازلت فال الحب والحب فالك

وفي ذمتي لو تاخذ القلب وتروح
ماسأل غيابك لاولا أحرج وصالك

العام في جرحي وهالعام بجروح
وان جيتني أهديت كلي حلالك

عشرة سنين وكيف ياخلي تروح
وياكيف بنساها وكلي الوفالك

بعضك حلومي وبعضي بعطرك يفوح
وبعضك أشغلني بيوم كله ارتقالك

مزيون وجهك يرسمه الوقت باللوح
بعد الدقايق بكل ساعه ... اخالك



الصيــــاد