exet...texe

مدخل



بوابة مغادرين
كن هالساعه تدق لهمستك
مع الساعه اثناعش تدق تدق
بين المسا والسهر تدق تدق
لجفن ناعس
يرافق اعذب حلم
مع همستك
اللي مالها أمس ومالها باكر

بعمق



كانت احزاني كثيره
وكنت انت ...اكثر
كانت جروحي خطيره
وتدري .. اكيد تذكر
انشراحاتي لحضورك
وابتساماتي لسرورك
رغم انو داخلي بجد
يتكسر
قلت لك مابقالي غير أهاجر
وموعدي بالمطار
لوتأخر
باكر لبعد باكر
وتصدق من غلاك
حجزت كل التذاكر
انتظار
وبعد باكر
وين مدري بس أدري
إن ذا قرار
وموهو بدري
وادري أني كنت أراهن بقوه عليك
أراهن ابواب المطار وصالات المطار
وكل من شبّه عليك
من عيون توله عليك
كنت اراهن ولكن
قبلك جا موعد رحلتي
اكيد ما أنتبهت أنت
يوم جيتك
شايل شنطتي
ابي اسلم عليك
ومع النداء الآخير
قمت اجرب رهاني الآخير
عليك مع شنطتي اللي شلتها
وانتثر كل اللي فيها
قلت يمكن تجي
تساعدني نلم اللي لنا فيها
وفوق مقعدي اللي جاور للجناح
خسرت أكثر وأكثر واكثر
وقامت الدنياتحت الجناح
تصغر وتصغر وتصغر

مدرج



كل حلم مثل طير
قبل احلمه طار

الصياد

لهفتي له وأُلفتي له والموده والحنان

كل مافيني حليله مالي مني أي شي

بالمحبه امتلت له هالمساحه والزمان

وامتلاني العشق له ماملّته العين ذي

ومثل ماهي العطايب واقداتن للمهان

وأكثر أكثر من بقا..ياحي هالغالي علّي

قدّت اللي مايقدْ وقادته يم الهوان

والعزا قدّت وقادت قادةٍ ماهم شوي

قدّت اللي مايقدْ وقادته يم الهوان

للأسف فاجأ عيوني..! وانا للي هو يبي

ياصديقي مالضيقي ظني الا الذكركان

وهلمكان وهالزمان اللي ترا ضّيق علي

الصيّاد

قلبي وانا نذكره مع ذيك الاخفاق
............ياسامع لسولاف خفقه خفقها

سولافةٍ للحب من قبل الفراق
........... في كل عرقن يارفيقي دفقها

مشهود ياطوقن يحلله العناق
..........سلسال به دبله يطوّق عنقها

والعهد ياواقع يفرقنا باخلاق
........... إني لاعلق دبلتي في عشقها


الصيّاد

ماكان علمتني الوصل وطروقه

ثمٍ تقاسا علي اصبحت تهملني

ياصاح مالحب هذي هيّه حقوقه

مرات تصفي ومراتٍ تجاهلني

اجتاح قلبي هواك وحل بعروقه

ياكيف بقوا بعادك ساعةٍ عني

ياكيف والقلب دايم يجنح لشوقه
يمحيلذواكر بغيرك ثم يشغلني

اتشوقك بس والعوقه هي العوقه
لاشوقي اغراك لاهو قّربك مني

الصيّاد

بالله ما اشتقت شوفي في حلم ليلك

دام الفراق انكتب في نومة البارح

ياخلّي اللّي وحشت الليل قنديلك

مُرْ السهر عقب نومك بالحشا جارح

الصيّاد

الشمس تشرق وتغرب مع مغاربها

مامورةٍ مسفرت بالكيف والخيره

مرّت بناسن تفتّل في شواربها

ومرّت على اللي لقاها الصبح تكبيره

ما غطّت الوجه عنّا ولو نحاربها

ولوتلثم الوجه كان البرق تبشيره

ان طوّل البعد خلّك في مواربها

ولا ضيّق الله بالخلان في ديره

مثلك يدل المواصل وانت بأعربها

وغيرك ربا بالعَجَمْ محتاج تاشيره

الصياد

اذكرك ليل ونهار اذكرك للحظه

بالحلم اشوفك وبامالي مع القومه

اذكرك والشاهد اللي يعرف بمحظه

محدن تناسى مجاز الليل من يومه


الصياد

ابطيت مبطيت بالهم وغرابيله

..................من حزة افراقنا وانا على همي

اشب ضلعن عوج اشوف قنديله

..................واجالس الظن وانا ماحدن يمي

مامرني يوم فارغ منه ما انعي له

.................وقت معاه ومضى ماعاد ينزمي

ياكود في ذكرياتي تم تدويله

..................ويعود في مقبل الايام مع غمي

وقت نثر سكره في فم تبجيله

...................في ظلة تجمع الأوراح وتلتمي

مسكوبة في بيوت الشعر ترتيله

...............ياساعي خذ لها شعري وقل سمي

موصوفة بالحسن والحسن تكميله

...................والله فرقها بجمالن زاد بالكمي

في مفردات التشابه فرق تمثيله

.........هي مصدر الوصف والموصوف م عمّي

اقصد اذا وصفوافي الوصف تضويله

.............وصف من وصوفها منثور من جمي

مثل السحاب ومطرها لنتثر هي له

.....................كله ومعناه جله ومنه ماتمي


الصيّاد

ــــــــــــــــــــــــ

فرقاك فاني حياة ووصلك يصيّر

................من قبل عرفك ونا موجود موصاير

يعني على افراقنا الموجود متغير

....................واللي تغيّر وجوده جد مو ضاير

مثيل تمثال للسَّاحات اذا جيِّر

....................عمرك سمعتي بهوا تمثال للزاير

من آخر العلم سيّر وين يامسيّر

.....................عاشقك مهما تباعدنا مهو طاير

ماني من الي يحب في شهر القصيّر

....................ويغير الحب عيد الفطر وشصاير

تدرين ماني بتوي العام وصغيّر

..............لي فلسفه صح ...ومنتي بعيني الباير

الناس بالعرف بين اصحاب وخشيّر

................والضحكه اللي مع العالم مهي معاير


الصيّاد

ماضرنا نافخٍ ينفخ على كيره

..............اما نفخ ضيق ولا ينفخ ابكبره

النار في منسمه تاكل مناخيره

..............ومرد سبابته تنخر طرف دبره

الصبر فالجوع كله يموت تصبيره

.........وابن ادم ان راح ..راح يعوّد لقبره

هونك على هون يامبري مناشيره

........ماكل محزم حطب بعض الحزم دبره

من شاش اوطاش ماشّوش على غيره

..........واهل اليمن درس للتحذير والعبره

صحيح ماجابها اللي تم تكبييره

........يوم احتدم بالجيوش وبان له صغره

آوى على كهف ياماوي على جحيره

..........مامعك غير الهوان وذل في حجره

روّح زمانن به النعرات والطيره

..........اليوم غير امس ولى الامس يابكره

لا أهتدى الشارع ...لخلي

ولا ضاعت النظره

بزحمة عناوين

لاشك ننتظره...انا والقلب

وعيوني والنظره
ولا نعرف اهو وين


اللي بقى منه ...عطره

وبقايا لهفة الشارع لظله

اتعبها الحنين

والكثير اللي أشتكى قله
كان السهر ...كان بحرٍ
وكنت الوحيد اللي أستقله
وينك انتي من السهر
وين كنتي والقمر
ماغاب نص من الشهر
وينك انتي من كل هذا الحب كله

بعض المسافه ليل وامطار وبروق

وباقي المسافه قلب تسمع حنينه

لو ينتهي دربك يفجج لك الشوق

اثناعشر دربن تصوّرك عينه





الصياد

كيف يهمني ان القاك ....فما بغد يوم لقياك ...سوى تبجح غيابك ..وحياتي
ولفهتي وأشتياقي ...ومعاناتي وأوراق في مهب الريح

وأسطر تعنيك ..ولا تعنيك ...تستأجر كتاب تقرأنيه عني... وتستأجر عينيك ...لتحكي معاناتي...
كبف يهمني ان القاك ..!!؟


الصياد

هل أعتنق الرحيل...بعدك ..

وانا من وجدت في مدينة ..أغراب..

لايعرفون من الوقت سوى وقت الأصيل
لايعرفون من الملامح سوى ملامح الرحيل

لن يشكل ذاك الإعتناق فرق

فما بالوجود بعد الغروب شرق
وذاك الشرق مناديل غرقى ودمع يسل

مازلت امجد سهرتي

انثل من ضوء الشمع.. وعدك
وعدك المنسي ...
وحبيبك المنفي ...
وأصور ظلال على جدران النسيان


الصياد
الصيّاد