تعال يالمعاند ...

المحاوره تحسب من بدايتي معك اللي فات ماات ...
اسمع

اسمع اسمع ما نقوله لكم يا سندباد
ما علينا من ضعيف الهقاوي والبلاد
انا عمري وافتخر والبطل يبقى بطل
ما حن اللي من جيوش العدو دايم نذل
منهو المقتول والقاتل اللي ما انقتل
يا عيون الجهل..هذي كتبنا واقتريها
كم رقاب ٍ قد حكمنا على عدامها





في بلاد العرب بدون و بارض السند باد
لو هم ابني شهر فالدار يا عز البلاد
و العلوم الحق تنحق والباطل بطل
انحن ابني شهر ما يرتبي فينا النذل
وان تجرّا الخصم حنّا نتل العنق تل
الثمار اليانعه طيبها من وقت ريها
لا تحاول تدّنسها ولا عدامها

ابو زيااااد ادامك الله على خير وطاعة وعافيه ....
دوبي انتبه لتوقيعك وان كانت لك فانت كتبت دره مرصعه بجمال المفردات المعدوده المتكرره ......
قبورنا تبنى ونحن ما تبنا
ياليتنا تبنا قبل ان تبنى

يا صبي الله يريح لك
توقيع ابو زياد جميل جدا
لكن البيت قديم من قبل لا اخلق انا وانت
شكلك باقي صغير الله يطول في عمري وعمرك

رح للموضوع اللي نزلته وليلنا حامي ........الخ

ابو زيااااد ادامك الله على خير وطاعة وعافيه ....

صبي بني التيم..وانت أدامك الله لمن تحب ويحب؟؟

دوبي انتبه لتوقيعك وان كانت لك فانت كتبت دره مرصعه بجمال المفردات المعدوده المتكرره ......

أما بنسبه لعدم انتباهك لتوقيع.. فنت شكلك طاب في المنتدى تبي مناحله مو تواقيع (مستعجل)...هههههههههههههه
قبورنا تبنى ونحن ما تبنا
ياليتنا تبنا قبل ان تبنى

يكفيني فخراً أعجابك وتذوقك للمعاني

لك خالص تقديري


صبي بني التيم


الحق على الاخ / فارس القوم قبل يبرد.ههههههههه

يا صبي الله يريح لك
توقيع ابو زياد جميل جدا
وانت أجمل يداًيدا


لكن البيت قديم من قبل لا اخلق انا وانت
شكلك باقي صغير
لايهم الشكل أو السن المهم الخُلق والذوق ولايهون العقل..
الله يطول في عمري وعمرك
أمين على طاعته أجمعين..

رح للموضوع اللي نزلته وليلنا حامي ........الخ
اعداك صبي بني التيم في العجله..ههههههههه ..شدوا حيلكم فنحن متابعين لكم
لك خالص تقديري
فارس القوم

المشاركة الأصلية كتبت بواسطة فارس القوم

يا صبي الله يريح لك
توقيع ابو زياد جميل جدا
لكن البيت قديم من قبل لا اخلق انا وانت
شكلك باقي صغير الله يطول في عمري وعمرك

رح للموضوع اللي نزلته وليلنا حامي ........الخ

اييي بالله باقي صغير والصوره توثق علومي .....
اما انت يابو زياااد اشكرك على اختيار هذا التوقيع اما المناحله فلابد منها ههههههه...

اظن انا فتحنا الموضووع هذا للمحااوره ...
ما هو سواااليف ....
على العموم هذا قصيده ختاميه لهذا المتصفح

البدع
كل ما قلت التقي لي خصيمٍ صاملي
طحت في هاوي وسامع ورجلٍ جاهلي
السوالف لاهلها والقصايد من ذهب
شل عفشك قبل ناهب على راسك نصب
يا غبوني يا مبارك ويالرّيس سعيد
والمهلهل وابن بطاح صاحبنا العنيد
شانت الدنيا ولا عاد اشوف الا بزوره
الله يرحم من بناها وشيد ساسها

المشاركة الأصلية كتبت بواسطة الشيباني

اظن انا فتحنا الموضووع هذا للمحااوره ...
ما هو سواااليف ....
على العموم هذا قصيده ختاميه لهذا المتصفح

البدع
كل ما قلت التقي لي خصيمٍ صاملي
طحت في هاوي وسامع ورجلٍ جاهلي
السوالف لاهلها والقصايد من ذهب
شل عفشك قبل ناهب على راسك نصب
يا غبوني يا مبارك ويالرّيس سعيد
والمهلهل وابن بطاح صاحبنا العنيد
شانت الدنيا ولا عاد اشوف الا بزوره
الله يرحم من بناها وشيد ساسها

الله يطول بعمرك ولا يهينك ليه الزعل ذا قلنا شي غلط جبنا علمن ماهو زيين ...
اما ان كان جاك مني علمن شين ولا علم ما يشرف فابشر بطيب خاطرك وابشر بللي تطلبه وانا معقول وحاضر باللي تبيه .....
استلم ...
قال ربي من يصلي له ومن صام لي
انا جاريتك بجاهه فرد الجاه لي
لا تناقش منذا عوّد ومنهو ذا ذهب
وابني آدم قد خلق في مشقّات ونصب
قلت ما نبغى الزعل ودي ان اخرج سعيد
وانت تدري بان ذاليد مختلفه عن يد
ياعرب لا واني اعرف منازيله بزوره
وا يعلمني بما قال و شي ادساسها

يا اخي السالفه ماهي زعل....
الله يحييك وانت ونعم وقبايلك ونعم
لكن هذي محاوره...خلوالسوالف بعدين

اسمع
كل شاعر له مذاهب وعنده منهلي
والكفو بين المطاليق دايم يجملي
وانت من قوم عزاز ومعروف النسب
غير لا تقرب من النار وتشب الحطب
كان تبغاها قصايد تجهز للقصيد
والبضاعه بين تجار والزايد يزيد
لو نشدنا المنتدى منهو الي صح شوره
قالو الشرهه على من ضرب مرواسها؟

ما عليكم زود ما عليكم زود ...
استلم استلم .....
تعرف انته من ربوعي وتعرف من هلي
وانا شاعر والمعالي بعلمه يجملي
الكفو ما سبنا والكفو حن ما نسب
بندقي لا ثار يا خوك تسمع له حطب
غير ولع بالقصايد وزين بالقصيد **
لا تنادي بالفزيعه على زايد وزيد
ضارب المرواس ما نبتغي معه العشوره
يوم يسعى للصفى لكن المروا سها
,.,.,.,.,.,..,..,..,..,...,..,...,
** القصيد = القصد او المعنى ...