نداء لـ سعيد بن عوض

يابوفارس ابنشدْك الحقيقه متى اتبين
.............. عند رجلٍ يمدّ بخُمسْ ماله وبيِدَه

هو وأهله وربعه واللي معهم مساكين
............ مالهم راح لكن ويش وضع العقيده

من يرقّع وانا عمّك بفكر المعاقين
شي ما هو يصدّق من عقولٍ سديدة

والله لا دين لا دنيا حطب نار مقفين
والعمايم هي اللي وحدها مستفيدة

ناس تحذف بحذفه وناس تحذف بثنتين
............ واللي يحضْر ويلْقِف واللي يشحن رصيده

صدّق او لا تصدّق والدلايل براهيين
................... راحت اعلومهم كنْها سواة العصيده




ابوفارس كل الشكر والتقدير على اجابة النداء
تشرفت باللعب مع شاعر مميز وكفو مثلك
وهذا آخر بيتين في طاروقنا

أشكر كل من شارك وعلّق وحضر
تقديري

يالله ان تحفظ ارض الحرمين الشريفين
من قلوبٍ حسدها ما يونّي صديده

ثم نصلي على محمد ميات وملايين
كل ما ناح قمري و ارتفع في نشيده

العفو يا شاعرنا الكريم

بل نحن من يتشرف ويسعد بذلك

والشكر موصول لك من تابعنا و شاركنا هذا اللقاء

والعذر كل العذر عن القصور

بيض الله وجيهكم ياشباب اثريتوا المكان والشعر صاحبناكم في صفحتين ممتعه
كنت أتمنى فقط توضيح الطاروق بصراحه انا أول مره أسمع فيه

بيض الله وجيهكم وصحت السنتكم .
محاورة رائعة ذات اهداف رائعة بارك الله فيكم .

قواكم الله .. ممتعين !