من قصائد الامير خالد الفيصل

بنت الكحيله
بنت الكحيله مهــرتي
وخيالتي من كل اصيل
ألقى عليها طربتي
بين المعنق والشليل
صدر وقطاة فلـــوتي
العنق والساق الطويل
وقع الحـــوافر نغمتي
وحداتنا رجع الصهيل
أبوي وجدي قدوتي
لو ما لهم عندي مثيل
بالدين تفخر عزوتي
والرمح والسيف الصقيل
ماكر حرار ديرتي
ما في هل العوجا ذليل

سحاب
سحاب انا من بدة الناس مغليك
اغلى على من الهوى في حياتى
سحاب سميتك على غيث واليك
ياغيث قلبى فرحتى يانجاتى
اخايل بروقك واراعي مناشيك
واشفق على هل المطر منك ياتى
سبحان من علاك عن كل راجيك
ارض تعداها حياها فواتى
هواك طوفنى معك في مساريك
من فوق أناظر قالبين العباتى

همسات رائعه من احساس راقي
ذائقة حملت الرقة بين حروفها
وعذوبة معاني انساب منها
شهداً وصل إلى القلوب ..
من ذلك القلب المغرور
سلمت وسلم لنا حبر قلمك العطر

لك خالص الأمنيات وأرقها
تحياااااااااااااااااااااتي

فدوة عيونك
فدوة عيونك لو غدت روح مغليك
وش عاد لوراحت لعينك عشاير
ابيع مايغلى على الكون واشريك
واسوق لى جتنى علومك بشاير
وازعل جميع الناس بالحيل وارضيك
واصبر ولودارت على الدواير
وآخذ من ايامي لك ايام واعطيك
وان راح عمري لك فلا هو خساير

سريت
سريت ليل الهوى لين انبلج نوره
امشي على الجدي وتسامرني القمرا
طعس وغدير وقمر ونجوم منثوره
انفاس نجد بها جرح الدهر يبرا
يا نجد الاحباب لك حدر القمر صوره
طفلة هلال وبنت اربع عشر بدرا
حبيبتي نجد عيني فيك معذوره
معشوقة القلب فيها للنظر سحرا
فضة شعاع القمر في نجد مسحوره
من شاف لمع قمر في خدة سمرا

ايوه
ايوه قلبى عليك التاع
مايحتمل غيبتك ليله
عساه عساه مايرتاع
عليك يانافل ٍ جيله
غنيت يابو عيون وساع
من غيرك اقصد واغنى له
معذور لو صرت بك طماع
من حبكم مالنا حيله
القلب من يمكم نزاع
لوحاولو صعب تحويله
مانيب من عاذلى سماع
والله ماقطع مواصيله
من لام راعى الهوى خداع
سيور الايام تبدى له
ماضاع عمرى معك لو ضاع
ماضيه والا مقابيله
سلمت لك خافق ٍ جزاع
عساك يازين تاوي له

المشاركة الأصلية كتبت بواسطة اميرة الجنوب

همسات رائعه من احساس راقي

ذائقة حملت الرقة بين حروفها

وعذوبة معاني انساب منها
شهداً وصل إلى القلوب ..
من ذلك القلب المغرور
سلمت وسلم لنا حبر قلمك العطر

لك خالص الأمنيات وأرقها
تحياااااااااااااااااااااتي

شكراً لمرورك اميرة الجنوب

ابو فواز
سلمت يداكـ على هذه المقتطفات الشعريه للامير خالد الفيصل,وهو شاعر غني عن التعريف..
تقبل مروري..

المشاركة الأصلية كتبت بواسطة حفيد الملوك

ابو فواز
سلمت يداكـ على هذه المقتطفات الشعريه للامير خالد الفيصل,وهو شاعر غني عن التعريف..
تقبل مروري..

سعدت بمروك حفيد الملوك الف مليون شكر على هذا المرور الرائع

المشاركة الأصلية كتبت بواسطة عــذبــة الـــروح

مشكورة على مرورك