سجين القوافي

ينجرح قلب.. لكن ترتفـع هامـه =والله اني لاموت ولاانحني راسـي
لو رماني زمانـي وسط..دوامـه =العواصف شديده .. والجبل راسي
أنقل الحزن وامشي منتصب قامـه=قاسي الوقت .. لكني بعـد قاسـي
واسمع الحلم يصرخ لحظه اعدامه=رابط الجاش ... ماهز الخبر باسي
عزتي غاليه ..والنـاس سوامـه =قلت ماابيع حتى تقطـع انفاسـي
زانت ايام عمري .. شانت ايامـه=مارجيت العزى من رحمة الناسـي
من عجز لايدوس الهـم باقدامـه=لازم انـه مـع الايـام ينداسـي
يندمل جرح قلبٍ ..ماتت احلامـه=بس ما اظن يبرى جرح الاحساسي
يوم صارت مابين القلب والهامـه=وش ابي بالحياة الياانحنى راسـي

مساعد الرشيدي

المهاجر07

اختيار جميل وموفق

يعطيك العافيه وبارك الله فيك ع النقل

غلا.....ي

أبدعت,,,, وامتعت

بدري نجي مثلك بدري,,,, وكيف اشكرك والله مدري

غلا.....ي ,,,,, بيّض الله وجهك ,,, تسلم على إبداعك وشرفتنا بحضورك ونتمنى ان يستمر إبداعك وأن تحاول تقسمه بين قسم الشعر وعطر الكلمات والقسم الآخر قسم الخواطر ,,, انا مشرف بشكل مباشر على قسم الشعر,,,أمّا قسم الخواطر الذي يهتم به هو البرنس الجنوبي ,,, الله يرده سالم من رحلته إلى المسجد الحرام ,,,, فلذلك يهمنّي وجودك في قسم الشعر وأتمنى إستمرارك معنا ,,,, لا هنت لاهنت,,,,,

لــــــــــــــــك عـــــبــــيــــر أشــــــــــــواقـــــــــــــي

المهاجر 07

غالي والله غالي ,,, إبداعك بالعلالي

مافي زيّك والله ,,,, وإبداعـــك خيالي

الشكر موصول لك أيضا ,,, وللعضو الذي سيشرفنا بعدك ,,,,

لـــــــــــــــــك عــــبــــيــــر أشـــــــــواقـــــــــــــــي

ابدآآع يالثلاثه
ابداع فالموضوع
وابداع في اختيار الضيفين
الف شكر

الشهرية ,,, دخون ,,,, المسكت ,,,, الفارس الملغمق ,,,, الcــoـــري ,,, عود الليل ,,,

الشــــــــــــــــكر موصول لكم ,,,,, واعتقد الفكرة وضحت للجميع وأجادها الضيوف ولا تستغربون يكون احد منك الضيف القادم ,,,,,, والاعضاء جميعا بإذن الله سيمر الدور عليهم ,,,,,,

للجمــــــــــــــيع لــــــــــــــــــــكم عـــبــــيــــر أشــــــــــــــواقـــــــــــي

أعتذر من الجميع على التأخر في الرد
ولكن حصلت بعض الظروف التي منعتني من التواجد على الشبكه العنكبوتيه
على كل حال أنا أختار مشرفنا العزيز
جبرني الوقت وراح يكون ضيفنا القادم بإذن الله
حياك الله يالغالي
وفي إنتظار إبداعاتك

رعاك الله

هلا بك اخوي المهاجر 07

ومعذووووووور
وإنتظروني

لــــــــــــــك عبــــيـــــر أشـــــــــــــــواقــــــــــــــــــي

استهل بدايتي بالحمد والثنا لله ,,,,,,,,

وهذه قصيدة للمحيط الهادي وشاعر المليون / محمد بن حمد بن فطيس المري

لو لا فيوز وسط قلبي تماتيك

ياللـي دخلـت السـووق وقـف بحاكيـك
وش ذا العيـون اللـي تسـوي سـوايـا..
كـهـربـتـنــي بـالـعــيــن الله يــجــازيــك
نظـرات شـلـت فــي ضمـيـري خـلايـا..
لــولا فـيــوزٍ وســـط قـلـبـي تومـاتـيـك
مـاكــان عـيّــن مـــن فـــؤادي بـقـايــا..
يفصـل إلـى مـن شـاف هـذي وهاذيـك
صــادف مـواقـف مــن بـنــات الـقـرايـا..
قـالــت تـحـمـد يـــوم ربــــي مـنـجـيـك
ولا تـوقــف فــــي طــريــق الـصـبـايـا..
قـلــت الـصـبـايـا والـمـزايـيـن تـفـديــك
ماشفـت عيـنـك فــي جمـيـع البـرايـا..
قالـت هـذي عينـي عسـى الله يقويـك
وشلـون لــو بتـشـوف بـاقـي المـزايـا..
لـكـن مـادامـك مـمـن القـلـب بسـويـك
رح فـــي طـريـقـك والـنـوايـا مـطـايــا..
والا تــــرى بـتـعـبـك وأعــلــن تـحـديــك
وأشـــوف قـلـبــك بيـتـحـمـل حــلايــا..
قلت أسمعي:وأن فزت..قالت: بكافيك
عـلـى حسـابـي مــن مـحـل الـهـدايـا..
بـس أنتـظـر لحـظـه بسيـطـه وأرويــك
ثـــم أظـهــرت ثــغــرٍ زهــتــه الـثـنـايـا..
قـلــت أنـتـبـه يـاقـلـب مـنـهـا تـوطـيــك
وأسمـع صـداه يصيـح خـلـف الحنـايـا..
ثـــم أنـفـجـر جـــد الـفـيـوز التـومـاتـيـك
وأقـفـت وأنــا أجـمـع بقـايـا الشظـايـا..

(سلطان الهاجري)

ويقول
ــــــــــ

يا الله أني دخيلك يا منجـي الدخيـل
جعلني دايم(ن) متهـوم وا نـا بـري
مايـذل العزيـز ولا يعـز الذلـيـل
كود مسرا الخطا في ليـل ماينسـري
حسبن الله على الظالم ونعم الوكيـل
كل ماشفت طلت زينـب العسكـري
ياوجودي وجود الي عشق مستحيـل
قلت وش تحتري وقال وش تحتـري
قلت طرقي ومتغرب وعابـر سبيـل
والمصيبه انا يا بـري حالـي بـري
والله اني من الـوزن الثقيـل الثقيـل
مير بعض المواقف ماتجـري جـري
مادري ويش احط ومادري ويش اشيل
بس اغني بسببك يالابـس الغنـدري
زينب العسكري (بأم) آخـر موديـل
ماركـه عالميـه تتعـب المشتـري

قصيده للشاعر الكبير/ سعد بن جدلان الاكلبي

انقلها لكم هنا مع التحيه



جل شان اللي ملكوته علـى عرّيشـه = المكارم مـا تعـادل مكرمتـه لعبـده
ياخي الشاعر ترى ما فوق رأسك ريشه = ما تحتك الا ظلالك ترمحـه و تهبـده
ما يهم تسب تمدح شخص تطلب عيشة = المهـم إن الاوادم يفهمـون الـزبـده
تتقي و تبين كنـك تلعـب الخشيشـه = تحرق اعصاب المشاهد لين تدبل كبده
بالمزاج المنجرف و افكارك الطنيشـه = لا تسّمع في السديس ولا محمد عبـده

وهذه قصيدة للأمير الشاعر / خالد افيصل

ليت عقل العود في سن الشباب
وحكمة السئين في عشرينها
كان ما جرَ القدم درب العذاب
وانتهزت ظروفها في حينها
وكان ما ضاعت دقايقها هباب
وكل لحظه أستغل سنينها
كم تركت من الفرص واقفلت باب
بعتها واهل الفرص شارينها
وان نصحني ناصح أحسب حساب
قلت يمدي .. توَنا بادينها
العمر باوَل زمامه لا تهاب
والَليلْ طوال يا سارينها
ما هقيت إن الزمن مثل السراب
والَليالي خيَبت راجينها
أثر ساعات العمر مثل السحاب
بالظلام تمر ما ندري بها
ويل من همَاته صعود الهضاب
ترجمه ريحانها بايدينها
وحظ من همَاته يحوش التراب
يبشر بكثر الذهب في طينها
وكل قصر له أساس وسقف وباب
يحكمون اركانها بانينها
والصيانة للقصر وإلا الخراب
أفطنوا للدار يا حامينها

وهذه من قصايد الأمير الشاعر / عبد الرحمن بن مساعد



تعبت أنزف جراحي حبر و أدور للألم iiأسباب

لجل أكتب شعر يحكي بعض أصغر iiمعاناتي

قفلت من الأسى بابي وسجنت الكون خلف iiالباب

وعصتني دمعةٍ فيها سؤال لكل اجاباتي

ملل أخبار حسّادي أحد صادق وأحد iiكذاب

و أحد ما طال تجريحي و أحد عايش iiلزلاتي

أنا شاعر رغم أنف الحسد والحقد و iiالأحباب

وانا ياحاسدي المسكين بعيد العيب عن iiذاتي


أنا ما زادني شعري ولا زادتني الألقاب

تجي دنياي أو تدبر عزيز فـ كل حالاتي

أنا فرحي لمِن حولي وأيامي فدى iiالأصحاب

قصيدي بلسم المجروح ونبض الناس iiأبياتي

كسرني قلبي المكسور نادت دمعي الأهداب

تعبت أركض ولا أوصل ولاتوصلني غاياتي

أبي ذل ٍ يغطي الأرض لك يا رب يا iiوهّاب

وابي أحيا جبيني فوق ما تملكني iiرغباتي

من الدنيا أنا مابي سوى عفو العلي iiالتواب

ويحسن خاتمة فعلي ويغفر لي ضلالاتي

أبملا العمر "بالتوبة" و "نوح" و "هود" و"الأحزاب"

متى كانت سنيني عمر انا عمري في iiركعاتي

قصيدة الهنوف للشاعر / ضيدان بن قضعان

الشاعر الشعبي ضيدان بن قضعان من الشعراء القلائل الذين لديهم قدره عاليه على ترجمة همومهم

وتسطيرها في ملحمه شعريه ...... معاناته في هذه القصيده تكمن في ابتعاد من أحبها - إن لم أكن واهما

فهي زوجته - والتي وصفها بقصيدته بــ الهنوف والهنوف من الأسماء التي يطلقها الشعراء الشعبيون

ليقصدو بها جمال وعذوبة ورقة من وصفوها بهذا الإسم.

علماء النفس بل والرسول محمد صلى الله عليه وسلم قبلهم كان يستخدم كثيرا عبارة (مابال أقوام يعملون

كذا وكذا) مع الجزم أن الرسول صلى الله عليه وسلم يعلم من هم الأشخاص الذين عملوا العمل الذي إنتقده

الرسول صلى الله عليه وسلم إما عن طريق الوحي أو عن طريق اطلاعه على عملهم الذي لم يعجبه

ولكن كان من كمال أخلاقه صلى الله عليه وسلم أن لاينتقد أحدا بالتصريح باسم المخطيء .

ونعود لعلماء النفس حيث يقولو أن النقد بالتلميح أقوى وأقرب إلى علاج المشكله من التصريح.



ربما أكون شطحت كثيرا بهذه المقدمه ولكن وأنا أقرأ قصيدة ضيدان أجد مخاطبته في القصيده

-لهنوفه- خارجا عن المألوف حيث لم يوجه لها هي إشاره صريحه في خطابه إنما كان يقول

في أبياته أعلموها و أخبروها !! بل و تنساب القصيده على هذا المنوال .. وإن كان من البدهي

-الصحيح في اللغه بدهي وليس بديهي- أن القصيده كتبها لها هي ... لنحلق مع ضيدان إذن :-





الهنوف اللي سرت من نجد وامست بالحويه
ضيقت صدر الرياض وسافر الطايف وجاها

وانثنى غيم الحجاز...وخـد نجـد النرجسيـه
يوم جاته من زعلها كنـها تقصـر خطاهـا

زعلوها وازعلت واخلت قصـور الفاخريـه
والحقتني شرهة الزعلان واخطاني رضاها

سافرت... والله ماخبر.... اللـي يزعلهـا عليـه
واستباحت... يالله الخيره سهر عينـي وماهـا!!!!!!

ليتها... يوم... استباحت دمعـة العيـن الشقيـه
استباحت... دم قلبي.... من خلاهـا فـي خلاهـا

سامح الله... ظلمها وطعونها الخضـر النديـه
والله يسامح... خناجرها.... ويعفو عـن خطاهـا

عرضتني للهبايـب والظمـا والمهمهيـه!
وتركتني للزعل والشوق والكبـر وغلاهـا !

الغـلا ماهـو فـي يديهـا! .... ولاهو فـي يديـه
الغلا شي(ن) من الله... واشهد ان الله عطاهـا ....!

ومن غلاها؟ لو توردني على حـوض المنيـه !
كنها تسقيني الشهـد المصفـى مـن شفاهـا !!

ومن حلاها ما توصفها الحـروف الابجديـه !
كيف توصف وردة(ن)يبري من العله شذاها !

الورود تغـار منهـا مزهريـه مزهريـه
وان تباهت عذرها معها يحق لهـا تباهـا !

مـا يشابههـا شبيـه... ولا يحاليهـا حليـه
جل رب (ن) يوم صورها ..........فرقها عن سواها

لا اقبلت هيجنت ..... ولا اقفت جذبت السامريـه !
وا عذابي ان عطتنـي وجههـا والا قفاهـا !!

ان بدا لي وجهها يشبـه صبـاح اليوسفيـه
وان غشتني نفحة(ن) من ليلها يسعد لي مساها

درة(ن) ... بالمـوت محروسـه...... والبحـر محميـه !
البحر من دونها ..... والموت الاحمر من وراها

دونها ما اغليت؟ ...... واسمح لي ولا شداد المطيـه!
مرخص(ن) بالقاع عمري.... والثريا فـي سماهـا

لايمي ؟ ..... يبلى بحب الحضر في عيون بدويـه !
في ظروف(ن) ما يقـارن مستـواه بمستواهـا

الله اقوى يافقير القلب ابو نفس (ن) غنيـه
مالك الا الصبر والجنه لقاها مـن لقاهـا

والهوى؟ اللي يطرح الرجال في يدين أجنبيه
علـة(ن) .. بالجـوف لا تبـرى ......... ولا يلقـى دواهـا !

والهنوف ؟ .... اللي رضت بالثار تاخذها الحميـه
شفتها بالعين في قلبي وهي تاخـذ قضاهـا

وشفتها تشتاق ...تطعني..... بـلا ذنـب وخطيـه
كثر ؟ ما تشتاق لاعماقي..... وانا اشتـاق لدفاهـا !

كل ما ؟ عرقـت بنسمهـا تحريـت لخويـه
والحقت الميسم بميسم كـذا علـى عماهـا

عاقبتنـي كـل يـوم تلحـق الكيـه بكيـه
واتعبتني وادركتني والحقت نفسـي مداهـا

وان تمادت؟؟؟ جهزو قبري..... وانا ابكتب وصيـه
ابكتب ...... الله لا يعاقبها ويرضـى لـي علهـا !!!!!!

العمـار تلفـه الايـام والدنـيـا مـديـه
والسنين تلف بي والنار تحرق من وطاهـا

علموها؟ تلحق الباقي ......مـادام الشمـس حيـه !
..و ..تغانم ما بقـى منـي ومـا تطلـب فداهـا

لاتمـادى فـي جفاهـا..... والريـاح الموسميـه ؟
ما تقدر ...... وقفت الاشجـار وتثمـن عطاهـا !

علموها ؟ ما بقى لـي غيـر...... ادن... الهاشميـه
كان ترضاها علي ؟ ...... والا تهون عـن جفاهـا !

وانصحوها ؟ لا تحمل نفسهـا..... نفـس بريـه !
وذكروهـا ؟ .... بالقبـر لاعلهـا والا عسـاهـا !

وعلموهـا ؟ علموهـا ؟ ..... لاتطـول بالحـويـه !
ديرت(ن)ماهي بديرتها لو اعجبهـا هواهـا !!

في الختام ،،،،
اختم رحلتي في التحليق بالشعر في سجن القوافي وهو لي كالحرية في التذوق للشعر ,,,, اتمنى أن أكون أمتعتكم وأشبعتكم شعرا من خلال الشعراء الكبار الذين اخترت من قصائدهم ,,,,,,, وأخيرا وليس آخرا هذه قصيدة لي وقد كتبتها ووضعتها في المنتدى بموضوع مستقل وأتيت بها إلى هنا لأنّني أرى فيها الإبداع الذي أمتعني وأتمنى أن يمتعكم,,,,,,,,,,,,,,,,,,,,


ودّي أبكي بس عيّا دمع عيني مانزل
ودّي أبكي وانفض من الصدر حزنه والهموم

ضاق صدري ماقوى يبرح وينسى ماحصل
ويتراكم فوقه الهم كـــــوم فوق كـــــــــــوم

آه يادنيا تضيق بواحد تـــــوه طـــــفــل
لا قدر يبكي ولا يشكي وحظـــه مـــايـقـــوم

والله إنّـــي مثل هذا الطــفل لا والله أقـل
حــالـــتي تصعب على الإنسان لو هو مايصوم

الهنـــا مثل المــطر رحمة ولكن ما هــطل
حالتـــــي دايم ظلام وشمسها دايــــم وغيـوم

يالطيف الروح عوّد وخّر أجواء الملل
واقرب اقرب من جروحي يـــوم صابتها السهوم

ارسم البسمة ولو ماكان للبسمة مـــحل
وازرع الفرحة بقلبي ولو هـــي ما تــــدوووم

الأكيـــد إنّي عن النّـــاس كائن منفــصل
والغريــــب إني أنا ميّت ولكنّي أقــــــــــــــوم

والله إنك لو تجيني كنّــــي أذوق العسل
ومن يذوقــك يالعســـل مايشــــوفك يالسقوم

إتـــصــل قلّي متى بتوشوفك عيوني تصل
والله إنــّي ياحبيبـــي ما حتمــل فرقاك يــوم

بقــــلـــم / جبرني الوقــــت

لـــــــــــــــكم عـــــبـــــيــــر أشـــــــــــواقـــــــي