بيت على الكيبورد

تراحيب غيث(ن) من ديارن جفاها السيل
تحب المزون وجالها إسيول وأمطـاري

هـلا مرحبـا ترحيبـة مايجيهـا ميـل
وترحيبة المشتاق لأشـواق الاشعـاري

عدد ماعطى المسمار نكهه لحَب الهيـل
او الزعفران اللي نماء بني الازهـاري

المسكت

مريت ديرة كلها ورود وزهور
حـتى المطر منشي مزونه عليها
يا ليتهـا الساعة بها عدة شهور
واقابل الأصحاب ونعيش فيها

يا عاشق الورد عمر الورد ساعات ويموت
وان طــــــــــال عمره خذا يومين او خمسه

دور على الصــــــــاحب اللي ما يباك تفوت
ولو فت يلـــــــــــحقك من طيبه ومن رمسه
!!!

فكــــــرة رائعة من انســـان راقي
لكم تقديرنا سيد الموقف
وأعتذر على التأخير




لا جــاكـ علــم الكريـم فلبّ مطلوبه
وإن جاكـ ضيف ٍ فكمّـل له مواجيبه


واعلم إذا جــاتكـ الهقـــوات مقلــوبة
ما فيــه قلب ٍ خلقـــه الله بلا طيبـــة



احتراماتي

آآهــ بس
آآآهـ

ليا مر طيف اللي ذبحني غلاها
اضيع الحاجه وهي في يديني


هذا وهو طيف ٍ يجي من حلاها
وششششلون لوتقبل علي وتجيني

شفته حبيبي ولا غيري أحد شافه..
يوم الخلايق تالي الليل ممسيني ..
حلو الشعر أشقر وضافي على أكتافه ,,
وله من سنين العمر اثنين وعشريني,,

آمنت بالله والرجاء فيك لازال
يلي منح قلبي بطاقة عبوره

الحال ون تغير الحال لاحال
لاتحرم المشتاق لذة سروره

خل الامل مربوط بأمال وأمال
لايخلفك وقف الزمان ومروره


المسكت

فكرة اكثر من رائعه ياسيّد
وهذا خلها يعتبر متنفس للشعراء

...

ياقلبي أرتاح ولايزيد النبض فيك
... أدري بك تفز لا من حلّ طاريها
والله لو هي بيدي ياقلب لا ارضيك
... لكنّها أقدار والله اللي حكم فيها
ويازين ربي على فعلك يجازيك
... سويت فيني سواةٍ محد يسويها

نـفـسي عـلى رحلـةٍ وأبـعـثـر أوراقـي
..............................................وأقول يا نفس طيبي وقت ترحالـي
أفـكار بانت على روحي لها إغراقـي
.............................................تعسف ركوني وفـيهـا تشرح أقوالـي

تدرين إني لا صرت ابي اكتب شعر
..... أتخيّّر في الوزن وأتنقى في القوافي
ومثل ماكل شيٍ في البلد له سعر
.... حتى الأشعار فيها مالثقال ومالخفافي
وإيه ياوجه السعد قلبي من فراقك ذعر
.... بطلّي هذا الغياب أرجوك ماجاء منه كافي

على فكره أنا أبيح للجميع سرقة ما اكتبه وما ادونه في هذا المتصفح
وأعتبره ملك للجميع وماراح أقوم بمقاضاة أحد < ارحمنا يابن جدلان هههههه

أشكركم يا أحبتي الغالين

على هذا التفاعل والمشاركات الرائعة




يا ابو سعد جارت على خوك دنياه
يسعى لها وآآثــآر ماهي بـ حوله

لعيونها كم حثت رجوله خطاه
واثر العثر يرقب خطاوي رجوله

يا كم ادور مقصدي غير ما القاه
حتى حسبته مستحيل حصوله

اقول بالقى الحظ وتضيع لقياه
كنه على مثلي حرام وصوله

.



يا خـــافقي وشـــهو له اليـوم تنـــدم
كنــكـ تذكّــرت الليــــــالي الســعيــدة

الصبـر يشـفي كل جـــرح ٍ نـزف دم
والهـــم يفتـــح لكـ جـروح ٍ جديـــدة





.

موضوع جداً جميل
وياليت التقيدبالموضوع ...




كل المعاني تنحدر له من الراس

................................ لاشفت زوله تنحنيله متوني..



مودتي

لاتشتكي همك وخله على الله
.... اللي تصر دينه بنصرة رسوله
مافيه شخص إلا وعنده معاناه
.... خلك جمل مايبرك من الحموله

يا جمالك يا شروق الشمس من خلف الغصون
والــشـجـر يـهـتـز .. والـغيمة تـكمـل مـنـظرك

ما كـنـك الا طــلة الاحـباب في وقـت الـحـزون
تـجـلي الـهم الـذي في داخـل اضـلاعي بــــرك