¨°o.O (ديــوان الـشـاعـر سـعـد بـن جدلان الأكلبـي ) O.o°"

المشاركة الأصلية كتبت بواسطة الغراني

بيض الله وجهك يا سيف يا بن عمي

جعلك تفيد طيب البل
مشكور

الى الامام
فالك الطيب

وجهك ابيض يا الغرانـي
لاهنت وجعلك في الوجود يا ابن العم
تقبل أطيب التحايـــــــــــــا

هذه القصيده للشاعر سعد بن جدلان الأكلبي وهي بينه وبين الشاعر حمود الفريدي

ياتـل قــلبي تلـتـيـن(ن )بنـتلـه =كنه من الأضلاع ينتل بتلتال
من وضعي اللي شايف فيه شتله =دنيا تخلي صاحي الفكر يهتال
أحد(ن) توريـه السعد واضحكـت لـه= وتخلي أزنوده قويات وعتال
وأحد(ن) ليا مـنه مشى خـطرشـتلـه= مر (ن) يطيح ومر للحمل يشـتال
يبـغى يصافيـها وهي ما صفـتله =لاكان وده يفعل الطيب ماحتال
وضعه يسـوقـه والليالي أتخـتلـه =ويصير بين أثنين ناقـض وفتـال
ياحمود شـف للوضع والا التفـتله =شرواك له فالطيب منهـج ومبـتال

..........
ومن قصائــــــدهـ ايضاً

علموا اللـي كـل يـوم ٍ يقابلنـا بثـوب=مـا يخدرنـا كلامـه مـع مـن خـدّره
إن لقينا اللعب نزحف مـع جـو ٍ لعـوب=و ان هبطنا سوق طيـب ٍ خذينـا نـدّره
العرب ما هيـب تعلـم مسـدات الغيـوب=و وارد المـا مـا يدلّـه يكـود مصـدّره
و لا تجيك الحصبه إلا من فراش محصوب=وحبة الجدري تجي من فـراش مجـدّره
و المحب اذنيه ماهيـب تسمـع للعيـوب=و العدو لا درهمـت بـه تجـي متحـدّره
دامت الأخلاق يملك بها الواحـد شعـوب=ياجب انها فـي جميـع الامـور مبـدّره
و ان لقيناها طويله و موخرهـا سحـوب=و المـرض فيهـا فحولـه تهيّـج فـدّره
ان قدرنا نقفل الباب مـن دون الهبـوب=ولاّ جـا درب لنـا و القنـي مـسـدّره
الأصايـل كـل يـوم تلافـح بالكـعـوب=و الـردي لا عيّـن اللـي يهينـه قـدّره
ولا تعرف حسابك إلا ليا صرت محسـوب=وشرهة القـادر علـى العالـم المتقـدره
فالمقابـل نفتـح لـه دواليـب القلـوب=و المقفـي قلعـة الـوادريـن تــودّره

..........



ولــه أيضاً هذه الأبيــــــآت اللتي يتحدث عن هذه النوعية من العاجزين الذين يصدمونك بكلمة جوفاء هي " طنش تعش " لأنهم سلبيون ينعدم لديهم الإحساس... يقول ابو محمد

أصحاب طنش تعش و إيزي عادي شباب=يا لعنبو من حسب منهـم خليـل وفـي
و الله ان سبع الفواسق فوق وجه التراب=أطهر من سهومٍ لا تنّطـح و لا تنقفـي
اللب ما يطبـع إلا فـي قلـوب اللبـاب=و هزمة عدوٍ مبيـن و لا عـدوٍ خفـي

عودة مجدداً مع العملاق / سعد بن جدلان

قصيدة الرفيـــــــــــــق

راكب اللي يعجب السايق ركوبـه=لا وطا الأرض الجلد تسمع وحيفه
فالبريمي شابكينٍ عكـس هوبـه=سايقه يضرب به الدار لمخيفـه
كن شطرطون الوكاله في جنوبه=والرخوم اللي روابعهـم ضعيفـه
نحّروه سعود و الجود ابشروا به=فالمهمـات الثقيلـه والخفيفـه
شارب ٍ حب المراجل مع شروبـه=غير عيّت ما تجي الدنيا بكيفـه
لو تضيفه ما بملكه غيـر ثوبـه=فرّشك ديباج و الحفـك بقطيفـه
الرفيق اللي مساعيـه محبوبـه=فيه دايم شُـرد أفكـاري طريفـه
في شمال الدار ولاّ فـي جنوبـه=دامني ضيف وهو موجود ضيفـه
عن بنوك المال تكفينـي جيوبـه=كن لي في العاصمة راتب وظيفه
كل ما اندارت بنات الفكر صوبـه=خذ نصيفه و الأوادم في نصيفـه

ولــــــــــه ايضاً

خاوينا على سعد الخوي و افي الاشبار=شيخٍ من جنوب المملكة جابني صيته
دماث الجناب اللي تباشر به الخطـار=تشوف الكرامه في حجاجه اليا جيتـه
والهقوات في عبدالعزيز الكبير كبـار=لا جيته تبي لـك لازم ٍ مـا تعديتـه
خوي أبو تركي كل يوم ٍ على فكس آر=و غيره خويه ما يعيّـن عشـا بيتـه
عسى الشايب اللي عقّبه ما يطب النار=و الله يرحم أم ٍ جابته حيـه و ميتـه

يتبع بإذن الله
تقبلوا أطيب التحايـــا

بهجة عيوني على الدنيا ورونقهـا وأملهـا=صاحب لا أمل من شوفه ولا أسمح من كلامه
شوفة عيوني تكفيني عـن الدنيـا وأهلهـا=كل نظره من حدث الأحوال تعطيني علامـه
وان ذكرت مرصعـات بالزمـرد لا عزلهـا=يا صلاة الله على وجه الرسول ويا سلامـه
أعتقـد مـن قابـل الدنيـا ولقتـه بقبلهـا=عاش في برزخ سعيد القبر إلى يوم القيامـه

لي مدة مـن بهازيـج الكـلام معـزول=اسمـع جهازاتهـا ومطـفّـي نـورهـا
وأنا خفوقي ودود ولـي مـزاج ملـول=أحـارب انفاقهـا واعاشـر جسـورهـا
أوحيت من ثامر بن قطيم صـوت تلـول=لايـق لمرضيهـا لايـق لجمهـورهـا
كنه يحول على لـب المسامـع محـول=وتلـد لـه لـدة الطـيـح لمقهـورهـا
واسند على كوكب بالشعر يطلـل طلـول=سـود الليـال يتبـدد منـه ديجـورهـا
عيد السمير المزيني مثل ضرب المثـول=ما يستلـم كـل علـه كـود دكتورهـا
وأخذت فنجال كيف مـع الفناجيـل دول=ضرمت يـوم القهـاوي دنـت نجورهـا
وشرد القرايح خزايزهن حـذور جفـول=تسكن مساس الصدور وتدهـل اقفورهـا
يا صاح مهلك ترى ابن آدم ظلوم جهول=حمله رفضته جبـال الأرض وبحورهـا
تجار مصر الكنان مـن الفلاليـح فـول=وتجـارة الشـام تفـاحـه وبنـدورهـا
وتجار بغداد بـر فـي بطـون الحقـول=وتجارة أهل الحسا تفخر مـن تمورهـا
وجميع ما في البسيطة من كيـان يـزول=والامه أمر الله الغالـب علـى أمورهـا
وأكثر عيون العرب من شارة الحق حول=لو تشرق الشمس من صوبه حجب نورها
والفرق بين العلالي والسهـل والسفـول=مثـل الأصابـع بنانيهـا وخنصـورهـا
ودي يا ذات اللبيب اليابغيـت الوصـول=لا تبحث النـاس ليـن تثـور شعورهـا
ومن العدود اشرب الصافي وكب الحثول=واسرح وخل السواني في ظهـر ثورهـا
فاح النفل والخزامـى بالفـلا والميـول=فأول شطور القصيدة وآخـر شطورهـا

تعليم الكبآر

يافقيـه المحـو الامـي لتعليـم الكـبـار = ليش حنا والهوى والنفوس مطـارده
والقلوب اللي تحاور وتبطي بالحوار = والنتيـجـه واقــع الخـطـر المـتـوارده
ياجميلـه كـان بـه للهـوى رد اعتبـار = عـاود يلـي يارقبـة المـهـاة الـشـارده
مايجي في الكبد لذع يشابه لذع نـار = كود من فتنة شياطين الانس المارده
المخاطـب بالنظـر يافتـاة الاختـصـار = تعتبر في عالـم العشـق ميـزه نـادره
والتبسـم بالنواعـس وعــزال الفـقـار = والله ماخلت على الارض كبد بـارده

تقبلوا أطيب التحايــــــــــــاا

~~ عــنـــا الــقــــنــــآص ~~

ياعنا القناص يالصيـد المّدسـم=ياكتاب الشمس وكتاب الطلاسـم
أمسك أعصابي وإذا شفتك تّبسم=كنك تكويني على الكبد بمياسـم
كن بياضك من حمارك لاتقّسـم=عارض في وجنتك موكب مراسم
حبكم سيطر على قلبـي ورسّـم=مثل ماسيطر على بغداد قاسـم

~~ الــــجــــهـــــآلـــــــــه ~~

الجهاله في بنـي آدم توليـه الـد بـور=لـو طريقـه غـادي يحسبنـه متـجـه
يحسب ان ما مثل شوره مع الاشوار شور=ما يعرف أن له مـزاج وللنـاس أمزجـه
يمكـن ايلاقـي مـزاج يبتدلـه الشعـور=وهو على فلم الشطـارة وفلـم الدبلجـه
وآخر المشوار لا حصلت ما في الصـدور=كل زور فيه شور لمـن ضـاق هرجـه
يحسب أن معه أفضليـه توليـه العبـور=ان لقا الملح أزعقه وان لقا الحلو أسمجه
القمر والشمس كنها تسلـف منـه نـور=والحبال تصيـر تحتـه خيـول مسرجـه
والسما عجزت تصل له جناحين الطيـور=مـا وصلـه إلا محمـد بليلـه معرجـه
يـا بنـادم يلعـن الله مختـال فـخـور=من تواضع تحـت ربـه يعليـه درجـه
لأجل ما تدخل جهنم على شـأن الغـرور=للعرب حـاول تواضـع وتعطيهـم وجـه
من لقا عذب المشارب ومثمـرة الزهـور=ما قعد يغرف من البحر ويسوق أحدجـه

~~ يــا يــــبـــــه ~~

المصيبـة لا تصـادم أصـول مـع وصـول=الوصـول تواصـلـه و الأصــول تجنـبـه
و الله مدري وش أسوي و لا أدري ويش أقول=و الحقايـق تيقـظ آخـر سبـاتـي ينتـبـه
البهـى الفتـان يخلـف موازيـن العـقـول=و الغلا يثـر علـى النفـس لومـه و اعتبـه
يـا يبـه الصـورة اليوسفـيـة و القـبـول=يا يبـه مـن لهفتـي و اشتياقـي يـا يبـه

~~ الـسـيـف الـشـقـيـر ~~
في صاحب السمو الملكي الأمير / فيصل بن خالد بن عبدالعزيـز
_ نآئب أمير منظقة عسيــر _

الأوله مـن الأولات عبـادة المعبـودي=الله اللـي يولـج لياليـه فـي الأيامـي
فاح ريح الجاوي من العود والكمبـودي=مع ذعاذيع الصبـا لا هبـت الأنسامـي
يا قريحة خاطري مع فوح ريح العـودي=في نحور الطرس الأبيض سجلي ياقلامي
واكتبي سطر سواة اللولـو المنضـودي=وابدعي قاف يغني في اليمـن والشامـي
في نبا فيصل ولد خالد زعيـم الجـودي=يا سلام الله على راعي المقـام السامـي
يسمو الإبداع في السيد من المسيـودي=وفي سما الأسياد يوضي كوكـب قدامـي
أهل عقال القصب والجـوخ والحمـودي=واهل السيف الشقير مناصـر الإسلامـي
حبنا آل سعود قاد المجد في ابن سعودي=وأنت يا هداج تيمـاء بهجـة للضامـي
جيت أهني جيت أبارك جيت لي مقصودي=فيك تكبـر شرهتـي ويحققـن أحلامـي
جيت أبي منك الفرج يا فزعة المضهودي=و ابني آدم يرمي الأسهام والله الرامـي
والختام اسلم عدد مـا نسنـس النـودي=من هجوس ما تساق إلا علـى الحكامـي

~~ قــــــــــلآدهـ ~~

يا ابن جاسـر لا تقـول الوقـت جانـي منـه خيفـه = وأنته احصان طويـل احبـال مـن حصـن بتوعـه
مركـز الرجـال ماهـو فـي معـاش وفــي وظيـفـه = مركـز الـرجـال عـنـد الـلـي يحـبـه مــن ربـوعـه
الـفـتــى لـشـتــدت الأزمــــة بـدنـيــاه الـكـلـيـفـه = ينحـر الـلـي ينـفـع المضـيـوم لا جـاتـه فـزوعـه
الـزحــول الـلــي يـشـلـون الثقـيـلـه والخـفـيـفـه = عـنـدهـم لا ينـكـنـا خـوفــه ولا يـنـغـط جــوعــه
الـرجـال السـامـيـه مـثــل الضـلاعـيـن المنـيـفـه = كـــل مـاتـرقـاه تـلـقـى مـايـسـرك فـــي فـروعــه
وأنـت مـن غيـرك عـرب حدتهـم الدنيـا المحيفـه = ولا يـزال الأمـل قـدم عيونـهـم مطـفـي شمـوعـه
أحـد يفرشـلـه مــن الـدوبـاج وأحــد لــه قطيـفـه = وآحـد نزمـه علـى صـم الحصـاة بــراس كـوعـه
وأنت من روس النشاوى منت من قـوم ضعيفـه = مثـل نجـم مـع مصابيـح النجـوم أبــرز طلـوعـه
وأنــت مـــن بـــرود لا وادي مـســره للجحـيـفـه = فـي عيـال كليـب درعـك يــوم كــل لــه دروعــه
استحلـوا نصـف بيـشـة والقبـايـل فــي نصيـفـه = تحت وسم (قلاده)(ومغزل)(وخذعه)(ومهزوعه)
أرض بالمقسـوم ماحـد قــد خــذا كيـفـه بسيـفـه = كـود امـام المسلميـن اللـي نصـر ربـي جمـوعـه

يتبـــع بإذن الله بعض قصآئد ابو محمد قريباً
تقبلوا أطيب التحايـــــــــــاا

في أثناء وجود الشاعر سعد بن جدلان في(( في مزاين ام رقيبة)) وبالتحديد في مخيم الامير فيصل بن سعود بن محمد آل سعود
والد رئيس الهلال الأمير محمد بن فيصل وبعد فوز الهلال في إحدى المباريات و ولادة الناقه سهاية ببكره و بعد أن لمس فرحة ذلك على محيا الأمير تفاعل الشاعر مع ذلك بهذه القصيدة :

يا فيصل سعود فوقك ترفع الرايـه=تحققـت غايتـك و الله محققهـا
مبروك فوز الهلال و بنت سهايـه=صفـرا تلـول ٍ وقـلاط عواتقهـا
من الوبر كنهـا مكسيـة كسايـه=مكسية ٍ مـن قراهـا لا معنقهـا
كنها مقعس تقـول بانيـه بنايـه=وكن الاذاني جنود في خنادقهـا
لا من ضين الشواوي ردة الفايـه=الفيصليـات دار القفـر تطرقهـا
في كل عنقا زعوج فامرهـا تايـه=ما فوقها الا عمد الاسياد وحلقهـا
متيهات من ابل سعود و اطغايـه=يشفق عليها و يكرمها و يعشقهـا
ذيدان شيخ ٍ بطيبه مالـه نهايـه=في كورة الارض مغربها و مشرقها

وهذي ايضاً قصيدة لسعد بن جدلان يقول فيهآ:

ياالله وحنا لـك عبيـد ملاكـا=ولمن يسالك مع رواق السما فك
يامهلـك العـزا معـز الهلاكـا=والمبتدا والمنتهـى كلهـا لـك
يامالك ملك مال ملكـك شراكـا=افرج لجاش حط فيه الدهر حـك
ابـا اتحكـا ماعرفـت اتحاكـا=من همي اللي قاطع له علي صك
وظيم الدهر منه النشاما تشاكـا=التك خلاها دبـل والدبـل تـك
عطى ضعيف العقل ياكا وياكـا=ولا حكيم العقل مايلحقـه شـك

وهذا رد الشاعر :عبدالرحمن ( المطوع ) على القصيدة السابقة

لاباس ياللي وقتك انهك صباكـا=وخلا لسانك لاحكى في الجما لـك
واطراف جسمك من دهرها تشاكا=وتشوفها وتقول كن ماهيب لـك
هـذا دليـل مـن دلايـل وفاكـا=وصفاة قلبك بحرها هاج واغرقك
وصقور غيرك بالطويلـه وراكـا=و كل معه محزم من الصك للصك
تملى محازمهـم عيـون قبلاكـا=وهي على روس المحاجي تضاحك
لين أنغلب قلبـك وغيـم سماكـا=وبركتلك مبرك على غيـر مبـرك

عــــــــودة من جديد مــع بعض فرآئـــد هذا العلم الفريــــــــــد

~~ عـــــدآلــــــــة عـــــــمـــــــــر ~~

الصبا هاج بعبير أبهـا وهـاج بياسمينـه=وجو بيشة وارضها تستنشق الهوج وعبيره
وبركتها مـن زيـارة سيـدي ومرافقينـه=خالد الفيصل ولد نطاحة الوجيـه المغيـرة
زاد منطقة الجنوب اقبـال وارقاهـا مدينـة=لين حتى واكب الركب الحضاري في مسيره
مرحباً بك عند بن منفور في بطن الجنينـه=في رباع كليب يا نجم الجنوب ويـا أميـره
يا ندي الـراح لا شمـت ملايكتـه يمينـه=يا عدالة عمر يا هيبة ولد صقـر الجزيـرة
مرحبا ترحيبـة المسجـد لـزوار المدينـة=ومرحبا ترحيبة المؤمـن بالأيـام الكبيـرة
يا جناب عانـق الزحـل وخلاهـن قرينـة=واصطغى لا سماع لبه في المنصات الشهيرة
ريشة اشعاره تعزف أوتار شتـان الرطينـه=في المواضيع الكبيرة والمواضيع الصغيـرة
سيدي من باع تمره في هجر ويني ووينـه=من يقول ان تمري الغالي يفوقه تمر غيـره
دام عين الشعر عندي خالد الفيصل بعينـه=يا ذوي الألباب يكفيكم قليلـه مـن كثيـره

أمسية ابها

سلام عدة وبـل مـزنٍ مراديـف=نو ٍ مـن المنشـأ تزبـر جويـره
يا سيفنا الدايم و يا دايـم السيـف=ابن الملوك أحفاد صقـر الجزيـره
أهل الجمـوع مفرقـات المواليـف=و اهل المقصب و السيوف الشقيره
حبيت أقدم عندكـم باقـة الصيـف=في ملتقى السواح مـن كـل ديـره
شمت هوا تونس و باريس و جنيف=في طلة أبها و الجنوب و عسيـره
خواطري مثل السبـور المشاريـف=المغريـات الـسـرد المستـذيـره
اللـي تهـاوي طيبيـن المواقيـف=و تهيم في مدح الاسامي الشهيـره
تقلط على فيصل تـرز الغطاريـف=شعر يهيـج داخلـه عبـر أثيـره
فيصل ولد خالد مغيـث الملاهيـف=فراج كـرب المعضـلات الكبيـره
المملكه ما رد جيزان لـي طريـف=عاشت بخير الله بـدي ثـم خيـره
وفيصل سمي اللي فتح خط برليـف=يوم انعمت عند الرجـال البصيـره
و فيصل تعشقه طيبات السواليـف=وتخرم لريحة مستكـاه و عبيـره
عز الله انها تنلقى بهجـة الضيـف=علـى كواكـب حاجبيـك المنيـره
يا الهيلع اللي ما تحسب التكاليـف=وهايبـك تغنـي اليديـن الفقيـره
كبر الوهايـم للرجـال الجوازيـف=اللي يشوفـون الكبيـره صغيـره
ولا ترى اللي دايم شبـره ضعيـف=ما يبغـي الا العافيـه و الستيـره
يا سيفنا الدايم و يا دايـم السيـف=المعـذره كـان القصيـده قصيـره

لكم تحياتي

الله يعطيك ألف ألف عافيـــة سيف العرب

ولاهنت على المجهود المتواصل للرقي بهذا القسم ،،،

تقبل مروري واعجابي بفكرك وذوقك ،،،

77777
7777
777
77
7

ولـ(آل عطيفة)ــد

اولا اشكر سيف العرب على هالمشاركة وارجووووووووووه يعذرني لأنه والله انشغالنا بمواضيع يعرفها
الثانية اقول يا عقيد القوم مثل هذا الكلام فتحناه فما شفنا إلا التجريح من بعض الأعضاء اشكرك لأنك مهتم قصائد بن جدلان من القصائد اللي دايم اتابعها واهتم بها مثل بن جدلان ما يفوت قصيده الروعة والصور الجميلة والجمال بصفه عامه وترك لنا سيف العرب قصائد جميله بعضها ما قد قريتها وبعضها مرت علي اشكر المشاركين واتمنى يثبت مثل هذا الموضوع لأهميته فبن جدلان يمثل الجنوب بصفه عامة ونهتم به ويستحق التقدير
تقبلوا مروري واعتذر على الإطاله

هلا وغلا بالطير الحزيـــن


الشكر لتواجدك العطر يا غالي
لاهنت ولك كل الشكر والتقدير
تقبل أطيب التحايـــــــــــــــا

ddfrad")