محاااااااااااوره .. والقريب يقلط

صــحــيــتـــوا يا شعـــارنـــا

المهاجر07

الله يعطيـــك العافيه على البدايـة الطيبه ولا يهونون بيقة الشعار

ولـــــــــــــو اننا تمنينا تكون المحاوره بين اثنين

لأن وبصراحــه المحاوره بهالشكل عليها ملاحظات

تابعوا تابعوا
وعلى القوه ان شاء الله

تقبلوا خالص الود

سعيد بن عبد الله
المعذور
المسكت
حسن آل مسفر
سيف العرب

حياااااااااااااااكم الرحمن .. والله لايهينكم ..
ولكن مثل منتوا شايفين الأمور ماهي لمثل ماتوقعنا لها ..
والمحاوره بين اثنين .. لذلك أنا بختار قبيلي بدون قصور في الباقين ..
وان ختمناا فماعندي مانع نبدا من جديد مع أي واحد منكم يالشعار ..

المشاركة الأصلية كتبت بواسطة حسن آل مسفر

اخوي الشاعر الرائع المهاجر

السلام عليكم



الحقيقه اني شفت بدايتك امس وكنت ناوي ارد بس يوم شفت اخوي سعيد دخل قلت خلاص ما عاد لي مكان لان اللي اعرفه ان المحاورة بين اثنين ويوم دخلت اليوم لقيت الربع كلهم موجودين قلت اجل حشر مع الناس عيد

وهذي ابياتي وعساي اوفي معك واستمر

مرحبا واهلاً هلا في مطلقاً وسنافي=
=مد لي بالطيب واقبل من فؤادي نده
بالثقايل ترتكي لي والخفاف خفافي=
=وانتبه تلعب معي بالهجمه المرتده

مودتي لك وللجميع

مرحبا ياشاعرن لاجاء يفز الغافي = ماقفك قد الكلام وماتقوله قده
إن بغيت إنك تقهوى ياهلا يالافي = قهوتي تاتي على ماتشتهي وتوده

مرحبااا مليوووون ياحسن .. وأنت واافي ماعليك قصور يالغالي ..
حياااك الله ..

اخوي الغالي الشاعر الرائع المهاجر

مشكور على اختيارك لي يابعدي ومحاورتك تشرفني يالغالي

والف شكر للاخوان المسكت وسعيد على ترحيبهم فيني ويعلم الله اني سعدت فيكم وتشرفت بمعرفتكم عن قرب وعقبال ما اشوف حبيب قلبي المهاجر واتشرف فيه والله

اسلم اسلم يالمهاجر وانت شوفك كافي=
=هات فنجال الغلا سلمت يد اللي مده
اعطني علم الهوى يوم الهوى شفافي=
=وافتني في مهرة ٍ لها قلوب ٍ عده

الله يحيك أخوي حسن ..والشرف لي طال عمرك ..
وأتشرف بمعرفتك يعلم الله ..

الهوى يذبح ويلعن خامس المتعافي = بس ياحلو اللقا بعد العناا والكده
والحبيب اللي يلفلف وأتعب اللفافي = ياحسن نعرف دروبه لاعرفنا قصده

لـــلـــه دركـــــــــــــــم

ولاهنتوا على كـــل حـــال

محاورة قويــــه وجيدهـ

المهاجر وحسن آل مسفر

من عمالقة شعراءالمنتدى

ولا من قصور في بقية شعارنـــا

واصلوا واصلوا وسجلونا متابعين

تقبلوا خالص الود

اخوي الغالي سيف العرب

مشكور على المتابعة وعلى التشجيع اللي اتشرف فيه والله


تقبل مودتي يابعدي

المهاجر يابعدي

استلم لاهنت

صادق ٍ والله صادق يالرفيق الوافي=
=ايه يازين التلاقي عقب طول الصده
بس اظن الوقت روح والسنين عجافي=
=والمعايير القويمة للهوى منهده

سلمت ولاهنت ..
والمعذره على التأخير .. لكن كاشتين انا وشباب وهذا رجعتي ..

ذا الزمن ياصاحبي صار الهوى أحترافي = يحسبونه لعبةٍ ومجنبين القده
والمصيبه صنفوه وكثروا الأصنافي = والهوى مبداه واحد والأوادم ضده

الله يعطيهم العافية



ولي عوووودة

جيت يا مهاجر بقول ابيات عـ الوقافي = حيل مستعجل ولكن لازم ان لي ردة
العرب تصطاف شهر ٍ وانا عام اصطافي = من يلومه واحد ٍ ساكن مدينة جدة

نقش خالد

هلا ابو راكان ومتابعتك شرف لنا يالغالي

مودتي

استلم لاهنت يالمهاجر ومعذور يابعدي وانت بعد اعذرني على تأخري

المحبه وارده لكن بخلف خلافي=
=كل ما قلنا بتضبط اصبحت مشتده
ما تهيا للمواجع غير قلب ٍ غافي=
=يحسب انه واعي ٍ والحب يلعن جده

رد لابو راكان

من يلوم اللي بجده حتى لو هو حافي=
=يعتبر كنه ملك كل الحياة بيده
يفترش ارض العروسه والسماء ملحافي=
=والبحر عطر المكان اللي يفوح بـ نده

الله حي اصحابنا الشعار الكبار...........

عموما على ما قال اخوي سيف العرب المحاوره كذا لك عليها و لذلك نبي شاعرين و بعدهم شاعرين و هكذا لين الله يفرجه و ترجعون ل النظم...............

الان نترككم مع الشاعرين الكبيرين المهاجر07 و حسن ال مسفر مع تمنياتي لكم بقضاء و قتا ممتعا في ميدان المحاوره و هاه يا البقيه خلوكم متابعين و فكونا من الرطرطه كل شوي و في نفس الوقت خلوكم حكام بدون تحيز...............

بيت القصيد