روآيـــا الديـــــره..

ابشر ياابو ريان بالقهوه والبخور والعلوم الزينه


هذا البخور حق اليمعه هذا الشنيصري



وعندك هالمبخرين واختر الي ودك به ..

هوانلي عن ذا ما درى

ههههههههههههههههههههههههههههههههههههه

ههههههههههههههههههههههه
حليل الضعيف بينكــــم ...

سلام يا عرب
ريحة الشنيصري من آخر المسراب
هو عندكم ضيوف والا مذا سنع الصياح ذا في اليرين
ايش يا يمكـ عسى به عندكم عشاء الليلة

مرحبآ ملايين مهندسنا
وابشر بالعشاء والعلوم الزينه على الساعه 8 على اساس نمشي معى نظام الديره والعشاء على السفره الله يحييكم ولاتنسون تايون بالعوال والبثور معكم ..

الاماريق : هي ما يظهر من سنبلة القمح على شكل ابر ومفردها ( امروق ).



نقاب الزوايا : حفر الاماكن التي لاتصلها اللومه ( المحراث ) اثناء الحراثه لكونها في زاوية ضيقة .


اليرام : قصب الذره بعد ما يجف ومفردها يرامه.





لقاط النيمه : النيمه هي شجر الثيّل الذي يطلع في البلاد ويتم تلقيطه خلف الحرّاث لتنظيف البلاد منه .

حياك ياابو فهد وعلمك
شرح كافي ووافي لاهنت ولاعدمناك ..
اليوم العشاء غير فمرحبآ بكم مندي محشي بالمكسرات ..

وعصيده ومرق ..

خلوها يالربع

اين كبار اليماعه ماعاد شفتهم هنيه ؟.

ذا يراهم منكم فيعلمهم بعد المغرب معنا علم في منداة المسيد لايغيب منهم حي فيتنكل .

وعلمنا ان رفيقنا معه عرس لبنته ومعنا ايناب او يلفون ومثلكم عارف ودنا تزهبون النواب ( جمع نوبه ) وتشوفون ماذا ودكم به قبل يدهمونكم العرب ام يلحقكم منهم شرهة ؟.
وعفاكم .,.,

المسيد : المسجد
ايناب : اجناب
يلفون : يفدون او يصلون
تزهبون : تجهزون


وبعدين واينهم العول ذوليه يوم انه ما يلا يمك دروبي تي تظيف الظيفان واليماعه ؟

سلام عليكم ومذا حالكم

اما انا يا يماعة الخير وصيت على العوال قبل البارح يعلفون الثور وما قصروا اعلفوه واشبعوه
ما غركم ودي نثني للزرع ذا ذرينا زل
ام ايني سرحت صبح ولا صليت ألا خلف عاد في الميرة و القتب عليه والزمام والحبل والعيلة والدراية مركبة
ام اعود اسد المكظم واسوق الين امتلى ام اربط الثور عند المقرب واهب له علفة
وافك المكظم وادلي اسقي بالماء وابشركم ايه اخذ الحامل مع اربع جصاب من الوارد
ام اعود ازدر الى ةن ريحة القهوة والفطور اقبلت .. افطرنا والذي علينا بالخير
ام عودي دلي يا كهلتي تسجي وانا اسوق دلا قبل خلف الثور من المقرب الى النهاية .. نهاية الميرة طبعا ..
الى ان حمينا شمس ام اينا نجيل عز الحمطة تي ينب البير شويه ام نستهمل ثورنا ونروح البيت ونتغدى
واما نزدر روحة نلاحق الحكرة ...

وعفاكم

تعافا وحياك وعلمك

ولا عاد ياي لها ثانية او نعاد نجافر ومن يصيد الجفره يستاق ماهو كل يوم وانت مركب عدادك على البير والبقية يخيلون فيك .
هيا شلها او نعاد نايي بمجافرة من اليماعه .

حياك وعلومك ياابو حسن الي مادريت مذاهي نصفها
لكن تسلم انشهد ان أحييت الدار بحضورك الجميل وروايا الفن ..
ومادام ان ابو فهد هنيه ذملوا لابو ريآن وصدى شوقي يآييون ينتدون معكم ويدفون ويتغملون ..

ابشر يا بو فهد

ولكن ترا اليماعة لسبوع ذا عاد اللي انتظر ولا ما كنت فعلت

وابشر بالسعد ...
غير تعال نعدي عند يمك دروبي عاين القهوة زاهبة والغميلة
والنار مشبوبة ويا زين الدفا

وعفاكم

يسعد صباحكم ومرحبآ بالغايب والحاضر منكم
جينا بالمصفاة والبلح وقرص فحياكم ..

يمك دروبي

الله ينعم عليك ويرحم والديك .

سلام ولعون ولعون

العلم سلامة ذالويه

معي شقتن كبيرتن كبيرتن وودي بعمالتن من اليماعة يحاوشونا أو نعملها ودنا نذراها ذرة

وعفاكم يميع