المركــاز

سلااااام الله عليك يا بن شفياااا

اولا الله يوفقك يابو فهد ...... وأدري إنه يا ومتي منك بس ههههههههه

العمدة ........ شكلك قد يالك كية بالمحماس تحت العفلة هههههههه

حياكم جميع

الله يوفقكم
كنا في فترة الدراسة الثانوية في الرياض ساكنين بعزبة انا ومعي من الرجال الطيبين شرواكم ستة رجال وكنا مقسمين العزبة كل يوم على اثنين من الصباح حتى الليل .
في الصباح يقوم واحد يجهز الحليب والشاهي والثاني يروح يجيب الخبز وعلى فكره في ذيك الايام لايوجد تميس في الرياض .
كان معي خوي يساعدني في كل شيء لكن العشاء ما يحضر معنا على شأن اغسل المواعين وحدي .
المهم مالكم بالطويلة البيت اللي نحن فيه لاكهرباء ولا ماء .
ومن كثرة ما يكرر الغياب عن العشاء قررت ان اجمع المواعين على فراشه والحفها شرشفه وفعلا حصل ذلك ولما سمعناه جاء طفينا الاتريك وتلحفنا ورقدنا نريد نشوف ردة فعله .
دخل الرجال ويتلمس الطريق ليصل لفراشه وساعة وصله وحاول يسحب الشرشف الى القدور والصحون والفناجيل بين ارجوله .
وعاد تصوروا الصدمه له والضحك منا .
قمنا وولعنا الاتريك وقلنا لاهنت اولا صلح لنا شاهي ونشربه فيما تغسل المواعين ولا عاد تعيدها .
قال توبة حرام ماعاد اعيدها بعد هذه القرشعة بغيت اختلف .
راح غسل المواعين وردها مكانها وقلبناها سمرة وضحك وشاهي الى ان صلينا الفجر وافطرنا ورحنا للدراسة .

الله يعطيك الصحة والعافية يابو فهد ايذاك شبّة لعبدالعزيز ههههههههه
قصة جميلة والاجمل اسلوبك الممتع كيف ان فيه تلفونات ذاك الحين هههههه
الله يوفقك

بس حلوة شبة لعبد العزيز ...... يقولك ماشئ كهرب في الرياض .... يعني الملك عبد العزيز باقي ما فتح الرياض ولا زال في الكويت مع ابوه هههههههههه

بس مهما كانت ايام العزوبية صعبة وقلة حيلة إلا إنها حلوة وأحلى المراحل لأي واحد خاصة إذا كانت مع مثلك وشرواك (شروايه الطيب )ههههه

وهذه الحركة تأديب بطريقة رائعة خله يعرف ........... يعطيك العافية يابو فهد

خالد بن مشرف

بوسيف العمري

هههههههههههه ههههههههههههههه

حرام عليكم انا ماقلت الرياض قلت البيت اللي نحن فيه عبارة عن غرفة شعبية ومعها حوش صغير هجرها راعيها وسكن بيت شعبي لكنه جديد .

السلام عليكم اول مشاركة لي و الله يعينكم علي
على طاري العزوبية و ايامها
المهم كنت انا و خوينا ابو ليلى ساكنين في خميس مشيط و كان الوضع نوم في النهار الى الليل من بعد ما نطلع من الدوام المهم ذاك اليوم طلعت من الدوام و اسحبها نومة و لا صحيت الا على صلاة العشا الله يغفر و يرحم المهم و تحلم حلم غريب شوي
اني نايم و شوي يدق جوالي و اصحى من النوم الي بالحلم على نغمة الجوال
من توقعون المتصل
ملك الموت يتصل بك كاني اشوف جوالي يوم دق و الاسم ملك الموت و الغريب كان رقمه تحت الاسم
المهم اصحي ابو ليلى و انا خايف من الحلم
صحى ابو ليلى صلينا انا وياه و طلعنا تعشينا و نفسيتي تعبانة من الحلم الله لا يوريكم
ابو ليلى يسالني وش فيك يا رويال عسى ماشر اليوم متغير علينا
و كنت خايف من تفسير الحلم
في النهاية على الساعة 12 من الليل علمت ابو ليلى بالحلم عاد تعالوا شوفوا مفسر الاحلام ابو ليلى وش قال
رويال انت خلاص بتموت قريب طح الى ربك عساه ينجيك و حلمك واضح ما يبي له تفسير
المهم فيه ثنين من الشباب كانوا عندنا و جلسوا ينصحوني حوالي ساعة الين ضاقت بي الارض و قلت خلني اغير الجو و ارفه على نفسي لأن الوضع ما ينطاق
و اشغل البلايستيشن و نلعب مبارة ثنتين و ثلاث و ياخذ ابو ليلى جوالي و يغير اسمه عندي و يسمي نفسه ملك الموت
على الساعة 3 الفجر و انا متحمس و العب بلايستيشن الا يدق جوالي و الا ملك الموت يتصل بك
دورني ساعتها ما تلقاني و الله اني وقفت ابو دقيقة و لا حركة و اطالع في الشباب و عبرتي بتطلع و بكل برائة قلت عيال ملك الموت يتصل
وشوي الا ابو ليلى ميت من الضحك اهو و العيال و انا خايف خوف الله لا يوريكم و ازعل على ابو ليلى الي يبس الدم بعروقي
اخذ ابو ليلى جوالي و عدل الاسم و غير اسامي الشباب الي كانوا معي بدون ما ادري
المهم صلينا الفجر و بعدها داومت ذاك الصباح و على الساعة 9 و كنت يوميا شبه اجتماع على مستوى الوحدة
صح الاجتماع مايوصل لطابع الرسمية بس يظل احترام الرتب الكبيرة و كبار السن مطلوب
المهم يدق جوالي من توقعون كان المتصل و الله بالاسم هذا
رضا تكر يتصل بك
و اضحك ضحك و الشباب يطالعون فيني وش فيك تضحك مدير الوحدة يطالعني بحقد مستنكر حركتي و انا ما قدرت اسكت
و شوي يدق جوالي ثانية حمد المنتشري يتصل بك
دورني ما تلقاني من الضحك و اشر على جهازي لمدير القسم احاول ابرر السالفة و الضحك و بعدها مساعد مدير القسم يطالعني و يضحك و انا تركت غرفة الاجتماع و يناديني مدير القسم و مساعده و اشرح لهم السالفة و يضحكون على ابو ليلى و حركاته بس قال لي المدير لا تعودها بمشيها عشان ملك الموت

الشباب الي كانوا معنا غير اساميهم ابو ليلى واحد رضا تكر و الثاني حمد المنتشري
الي ما يعرفهم ذولا لعيبة الاتحاد

المشاركة الأصلية كتبت بواسطة ابوفهد العمري

خالد بن مشرف

بوسيف العمري

هههههههههههه ههههههههههههههه

حرام عليكم انا ماقلت الرياض قلت البيت اللي نحن فيه عبارة عن غرفة شعبية ومعها حوش صغير هجرها راعيها وسكن بيت شعبي لكنه جديد .

صررررررف وإلا ما تصرف قبل عبد العزيز يعني قبل التوحيد ههههههه

استعنا بالله يابو سيف .

رويال

اما رضا تكر بعد ملك الموت فانا ما الومك .ههههههههه

ولكن بعد ما انكشف امر ابو ليلى وربعه بماذا جازيتهم ؟

يابو سيف اظن ابو فهد كان من ضمن الاربعين اللي جو من الكويت ههههههه
الله يسعدك يبو فهد ونستنا

اما انت يا رويال اعتقد انها جاتك فرصة العمر وضيعتها
لو انك رديت على ملك الموت وقلت له ترى صاحب الجوال متوفي
ما كان بعد التفت فيك لكن بعد عمر طويل انشاء الله

بن شفياااا ..
من فين انفلت ..مدحدر يا هووووه
حط حجر ..ولا اسحب جلنط
ههههههههههه

بس ما فيك جميله ..
يا راعي الثور ..
خخخخخخخخخخ

نفزع لك وتقفي.... وتخذفنا كمان



رويااال ...
سواها فيك ابو ليلى
ههههههههه

بس تستاهل ..
تضرب في الدسم وتلحفه لبن
وتنااااااااااااام ..
ايش رااااح تشوف !!!!
قماري يعني ..
هههههههههههههه
هههههههههههه

كويس ما طلع لك رضا تكر
وانبرش عليك وجااااب اجلك
ههههههه


تقااااض يا روووويال << يحرش على ابو ليلى
احقب للرجال


سلااااااااااامـ..

العمدة ...... حرام ماني فاهم شئ ...... لكن تراك نشبة ههههههههه

أيام العزوبية لأول مرة تقريباً نوينا نعمل فطور برمضان بس صدفة وبدون تخطيط وما كانت على البال
يعني كل شئ سريع سريع بعد ما صممنا
المهم كل واحد أخذ مهمته ويالله من سنبوسة إلى شوربة إلى عصيرات ومكرونه وكل واحد ومهاراته
الشئ اللي اشتركنا فيه كلنا هو الشوربة لأن شكلها عيت تضبط
مرة نزوّد ماء فتسير خفيفة ومرة نكثر شوربة فتثقل وياليل مطولك
المهم تحضرت السفرة هذي بعد مشاكل وأذّن وافطرنا وماشية كل الأنواع ومقبولة إلاّ الشوربة
المهم فيه واحد من المجموعة مدمن شوربة وما زانت له فصار يشرب لبن ويقول في راسي شوربة
مثل طلاب أول ابتدائي إذا صاروا يعدون ويحسبون والله الله من ضحك

عد وإغلط إما أيام العزوبية ........ الله الله يا ما أحلى تلك الأيام

( تجي في الفراع دايم ) مثل قديم

ايام الابتدائي :

كانت المضاربات من ساعة ما نسرح للمدرسة حتى نصل ومن ساعة الانصراف حتى نفترق وكل يروح بيته والمسافة اكثر من ( 3 كم ) .
كان معنا شباب كبار في السن يدرسون معنا اي انهم حصلوا على السادس الابتدائي وراحوا توظفوا على طول ( كبار ) .
وكانوا يناشبون بيننا نحن الصغار نتضارب وهم يتفرجون ويشجعون القوي على الضعيف .
اسأل الله ان يعفو عن الميت والحي منهم .
مرة تضارب اثنين من الزملاء وكنت اتمنى فوز احدهم على الاخر فمسكت اللي ابغاه ينضرب وكأنني افرع وتركت الاخر طليق عساه يدبغه .
المهم ربك بالمرصاد . !
انا ماسك هذا وجاك ابو فلان لقط حجر ويبغى يضرب به راسه ولكنه راغ فاضرب بالحجر جبهتي الى الدم يصب على الارض .
فكيته وقمت اصيح من حر الحذفه ومن كثر الدم والحذاف حط رجله وعلى بيتهم وتجمعوا عليه الباقين وجابوا ( عثرب ) ( شجر معروف ) ويدقون ويضعونه على راسي حتى وقف الدم واربط الدسمال عليه .
المشكلة الآن ماهي الحذفة فريتها .

لكن ماذا اقول للعوال في البيت ؟

المهم وصلت وقالت الوالده منذا طق راسك ؟

قلت ( طميت ) اي ( طحت ) قالت تستاهل .

قلت اشوى صدّقت . !!

وبعدها حلفت ما عاد افرع بين اثنين لو كان يصل الدم الى الركب .