بيت على الكيبورد

كم نختلف مابين طيه وطيه
........واحيان محبوبك مع طي سجات
تكتب تباريحه ويكتب لغيّه
........فود اللغات احيان في فودالاهات
ولو ترفع السجات غيم وسميّه
.......قورن نبا المجنون في البحتريات
ولو دقق الراوي بمعنى الرويّه
...........مايدقق القاري بمعنات الابيات
هاك الدفين اللي تحت ظلٍ فيه
..........هاك الشعر والشعر ظلٍ وفيات
وانا اغتنمت الشعر قلبك إليّه
.........الحب صدقي والشعر فيه كذبات


الصيّاد

تختار مابين المواصل والجفا !؟
وأنا على وصلك حسمت الاختيار
كانك عزمت البعد لا تطلب وفا
البعد جرح ومايداويه اعتذار

#محمديات

ليت الاماني كلها تبتسم لي
لكن كل شيٍ مقدر ومكتوب.

الصاحب اللي عليه النفس ملتاعه
.............موجودفي ديرتة(ن)نجهل مضاربها

يشب نار الهوى من غير ولاعه
.............ويحرق مداين و لايخشى عواقبها

من يوم يذكر يجون الناس فزاعه
...........حتى سواعي البحر ترسي مراكبها

ابوخالد

بالهون يانفسي على النوح بالهون
هدي شـوي وكل مطرودملحوق

ياكم بهالدنيا من الحب مفتوووون
وياكم على ماقيل عاشق ومعشوق
ابوخالد

ثجّـت بنـات الفكر من جزل الابيات
........................ وأروت كبود الناس من حين ثجّـت

فرايدٍ كنْها النجوم المضيئات
............................ يمشي بها التايه ويصغي ويقنت

وين انت يا فرحـة ايامي**وين انت ماعادلك شوفه

وين انت يا ذروة الهامي**وين انت ياكامل وصوفه

آشوف صورتك باحلامي**صوره جليه ومعرووفه
من بوحي.

.
.
.

حنيت لايامك عسى ايامنا خير
واليوم خمس سنين وانا لحالي

ياعمري اللي فات؛ ماعاد لي غير
صورتك والذكرى وذيك الليالي

مستعمرت قلبي علمها يلوحي
يوم انتهك حرمة خفوقي وذاتي

حتى تشرد شوق والهام بوحي
وايتام دمعي ما تلاقي مباتي

جيت بالقي سلامي ع المقاديم الحشامي
يا سـلامي لكم حسبة هبوب الذاريـا تي

لشرقت بالحب شمسك يلحبيب
.................كل فيّه تختبي بين القمم
مختلفنا وفي معاني الحب ريب
...........والظلال اولى من إظلال العتم
كم بنظره نختلف ياكم نصيب
.............والمحبه ومالها ومال الذمم
جاوب اللي صوب السهم الصويب
..........من تشوف ومن تخبّى في إرم
واجمع القلبين واقلب من قليب
..........من جمع في بين من فرقا سلم

الصياد

صباح الهناوالطيب للقاري الذواق
صباح الهنا والعافيه والسعدفاله

.
.
.
.
.

أختصر لك في كلامي والكلام اصدق شعور
وانتظر فرصه وحيده لجل ابين لك غلاك

ألتمسنا منك شمعه تحترق للنور نور
من يخاوي شخص مثلك مايهمه ذا وذاك

مــدخل ~

يا الله يــا عــــالم بمـــا نخـفي ومــا قلنـــــا عَلَنْ
تغـفر ذنـــوب(ن) مستحيــــل اعيــــدها وآعدّها

آشوف غلطات البشـر واسكت لأني (لا) و(لن)
اخطي على مخلــوق حتى لو ظهر منْـه الدهـاء

يا طيري اسكن بالجبـال اللي على البيـــد اعتلن
واتركـ خيــام اهل الردى ,, خل الريـاح تهـدّها

معفسـ ~

الديـــرة اللي رحل منها الحجل والقطا
ماعاد ابي شــوفها , عيني قصـا نونها

دار(ن) بناها نشــاما واسكنوها إلقطاء
امّــا يهــــدّونها ,, والا يصينــــونـــها

مســكـ ~

على طاري افلاطون ~ وش قلت يا سقراط
تحــاول تنــال من العــرب وانت في سَـكرة

آشــوفكـ تلمّع فكــرة(ن) صــاغها الخطــاط
ليــا شــفتها ترغي ~ عرفت انهـــا بَكــــرة

..

--- اشهد انكـ جزل يا ابن عياش ,, ممتع يا رجل .....!
--- مشكور أبو خالد ~ الله يجبر بخاطركـ ويرفع قدركـ
الموضوع ممتع بجميع نجومه .. صحت الالسنة