بيت على الكيبورد

تدري وش اصعب من شعور اليتامى
عاشق يرى خله ولا يقدر يجيه
ياما في ذا الدنيا مظالم ياما
حتى حبيب القلب زاد بتغليه

#محمديات

المشاركة الأصلية كتبت بواسطة ابوفهد العمري

حب الوطن ماهو بيوم وساعات ... حب الوطن متمكن بالضمائر .
حب الوطن ماهو هتاف وشعارات ... حب الوطن قول وفعل وشعائر .
من ضيع الإسلام امر وطاعات ... ضيع بلاده ما حسب للخسائر .
حب الوطن والدين فينا علامات ... نلطم هل الميلات خُبث السرائر .

من قصيدة وطنية ان شاء الله ترى النور قريبا في همس القوافي ..

الله الله صح لسانك يامبدع ....
وننتظرك ...وننتظرها بكل الشوق

يقول ....

كن السما خطّت لعينك كحلها
اولونها الازرق ركع عند نونك

وسيعةٍ كن الفلك في حجرها
يدور بشموسه على كيف كونك

جيت باسأل على الغالين واهديهم سلامي
فان من واجب المسلم على المسلم سواله

يالجناب الدمث ياسلطان ندك
لي وصل عذري تكرم واقبله

مالناقدره على جورك وصدك
وانت عارف زين كل المسأله

طالبك يا سيدي عجل بردك
واكتب العنوان تحت البسمله

وابشر بسعدك اجيلك لين حدك
واطلب الغفران دقه و اشمله

وابوخالد
يهديكم سلامه

سلام يالحب الجميل العذري
اهيم بك واعشق هواك وتدري
أنا عليك من الوله متجنن
مكسور من بعدك ادور جبري
من لامني ماذاق راحة حبك
ولا عرف ويش الهوى ياعمري

#محمديات

يوم وشهر واسبوع
طولت في الغيبه
روحت دون رجوع
القرب وش عيبه ؟
الا البعد ممنوع
لو عنك مالي به

#محمديات

بلحظتها ....يقول ...


لو ساورك ظن المخاليق بي غن
للموت أحبك..أعشقك وآتمناك

دنياك ماتخلا ومطاميعها تسن
واحلا تفاصيلك عواديك لعداك

ذيك الوساع اللي على فنها فن
نعّاسة الرمشين في فتنة إنهاك

لو واكبت حكيك طلع لإنّها أن
وبآوانها تيهٍ يقدر مع شفاك

فن ساورك ظن المخاليق بي غن
للموت أحبك واعشقك واتمناك


الصيّاد

اعتزلنا بحورالشعر واوزانه وناسه
بعدماخابت الامال في مظنون عيني
الرد
كل شاعرقصيده لجل خلانه وناسه
إلاانا لجل مظنوني وعيا لا يـ عيني

مع تحيات شاعر الغفله ههههه
ابوخالد..

احتريك وادري انك لاهيه
اعترف لك ماني عارف اش يصير
ليت قلبي من القلوب الساهيه
والا طيرن كل ماضاقت يطير

#محمديات

يقول...

يبـداه وقتي مع تفاصيـل الإسعاد
جسـمٍ مثير ووجه مورود رويان

وصدر اذا اقبـل عـلي رج الأنهـاد
يلقاني أحضان ويودعني احضان

وقلبن عشقته ماقوى لحظة ابعاد
من لهفته يـردد هلا بأغلا انسـان

حـتى الفـراق يـمر لـحظات تنـعاد
امـا طيـوفه ولا هـمسـات تحنـان


الصيّاد

والله ماغتاظ من ذاماقبلني في حسابه
كل واحد على كيفة يصادق من يرااحلى؟
......
غالي التمر بالفقره وبيشـه والحسـابـه
ماهوإلا القصيم اللي نخيله تمرها احلى
ابوخالد..

علموه ان البطى ماهو حلو
وان تعذر بالله قولوا له ولو
كيف تبخل بالمواصل واللقا
وانا انتظر منها رساله او الو

#محمديات

خارج السرب...
ويستمر العطاء...

الشعـر شعـري والمعاني لجنّك
في قـالب امأدلِجْ ومعنى يلجّـا

حـبيّب وحـقك عـلـي أوهجنّـك
هذا انـت ولاّ غيـرك اللي تهجّا

والسابق بـلاحـق تولـمّ هجنّك
يسبك قوالب من مبادي همجّا

سمّاج بيت بنهح عكس انهجنك
لا البيـت عامر ..لا النوايا تحجّا

فيـك اتغـزل... واتـغـزل بجنـك
حتـى ظـلالك فـي ظـلالي تزجا

فيـك اتغـزل ليـن لحني يشجنك
والين من شاف الضواري يهجّا


الصيّاد

شفت لي بنت ناسٍ ذوق من سكان جده
من بنات المؤذن واهلها ناس(ن)مشاهير
.........
سبقني واحد (ن) لابوووه لابوجد جده
انتهبهاوامام الناس وسيوفه مشاهير؟