استفسار ههم جدا جدا ؟!!؟!؟

السلام عليكم
أنا بزوج إن شاء الله الصيف بس عندي استفسار
عن مهر قبيلة آل الشيخ بالتفصيل
على ما ذا يكون الحلف الذي يطلب من العريس أبو العروس
طيب طلب الزوجة من الزوج الزواج في قصر يعتبر تعدي على قوانين
أعطاء أم العروس هدايا فيها فيها مشاكل
يعني تكفون إللي عنده خبر يقولي بتفصيل التفاصيل في الموضوع
عشان ما نتوهق بعيدين
ولكم مني جزيل الشكر والعرفان*

حياك الله
ابو فيصل
بالنسبة للمهر الحين 13000الف ريال
6000مهر و7000ذهب للعروس بالنسبة للحلف
انك ما تزيد على هذا المهر حتى الام ما تعطيها مبلغ مالي تسليم عليها
اما الهدايا العينية اعتقد ما فيها شي
بالنسبة للقصر في النظام الاساسي لا يكلف والد العروس بوضع الزواج في القصر
اما الزوج بكيفة اذا بيدفع من جيبه فالله يعينه
ولكن خلال الصيفية الماضية كثير من الاعراس صارت في
قصور افراح باشتراك الطرفين ,,,
وان كان ودك بالشور رح انت والشايب واخوانك واثنين من اليماعة
وخذ عروستك وربي يبارك لكما وعليكما ويجمع بينكم في خير

وترا البركة في السهاله

والف مبروك مرة اخرى وربي يتمم لكم بخير