تعالو نرجع للماضي وكل واحد يدخل يسدح موقفه هووونا

الموضوع من عنوانه كل واحد يتذكر موقف من ماضيه يسدحه هوووونا سواء مضحك او مخيف خلونا نتذكر الاكشن اللي مرينا به ولا المواهب او المواقف المضحكه ,,,, فهمتو عليه شباااب/صبايا

ابدأ بنفسي اتذكر ايام واحنا نسمر وقتها ماكان فيه كهرب وكنا نستخدم بطارية السياره في الاضاءه واحللللى قعده واحلللى سواليف وكنا نشووف المسلسلات البدويه محد قدنا من الوناسه
والمصارعه الساعه 12 اوووووووووووف ياهذا ال 12 متى تجي مشوووار واوووم الحماس ع المصارعه
وبعد البطاريه جاء ماطور <<< اوووم اللهجه الموووهم ماطور الكهرباء ويااااهذا الماطور كم مرينا معه من المواقف
من اللي يروح يشغله ومن اللي يروح يطفييه واووووف ياااحليل اللي يروح يطفيه اووم المعانه يمر بجمييييع مراحل الخوووف وهو رايح وهو جاي ,,, الله يسقي ايااام كانت حلووووه بصفااء قلوب الناس وكثرة مواصلتهم لبعض

ياله ننتظر مواقفكم او مواقف من حولكم تنقلونها لنا نضحك وننبسط وبكووون شااكر لكل من يشاارك
واتمنى هالموضوع مايكون قد سيقني احد ف كتابته,,,

لكـــمــــ ودي ..

الموضوع ممتاز وبما أنه في قسم الموروث فأتمنى تكون المواقف مرتبطة بالماضي الجميل أو ما يخص النواحي التراثية إن أمكن..
بإذن الله لي عودة ..
تقديري لك ..

ذكرتني بأحد الزملاء ..
يقول كنا نحب المصارعة أنا وولد عمي هذا وقت كانت تجي يوم الإثنين ..
المشكلة الكهرب لازم يطفونه بحدود 9 مساء ..
المهم يقول مالنا إلاّ بطارية السيارة ونشبك التلفزيون ونسهر ..
الكلام يقول أخوه الكبير تنبه للمسألة وصار يوقف السيارة بعيد حول المسجد ..
قال وجتنا فكرة نشيل التلفزيون ونروح للمسجد ( استغفر الله ) ..
قال فعلاً وشغلنا التلفزيون وننتظر المصارعة قال جاء حفل وتأخر الوقت وما عاد حسينا ونمنا
يقول قسم ما حسينا إلاّ وأبويه يدخل المسجد عشان يأذن وهو يقول أبو ولدي بوووه
وهتك ضرب لين عافوه ..
تقديري لك ..

اشكركـ اخي ابو ريــان ع المرور والمشاركه الراائعه
ولكن عشان اكون صريح اكثر بصراحة الموضوع مو انا اللي نزله بل هو اخي اتوقع انه من اسنان [يدك]
كانت فكرته ولكن ماطلبته يتقمس شخصيتي لاااا وابو الشباب مسوي بعرف للهجات الشبابيه مدخل الواو بأغلب كلماته
ماادري وش يحس فيه ولكن الحساب عندي [يابحلق]
هو بصراحه الموضوع راائع ولكن ماعندي من الذكريات الا ايام الغش وايام الهروب من المدرسه وتكسير قزاز سيارة المدرس اللي ناااشب لي وغييييرها وغيرها من الجرايم خلونا ساكتين لعيووون الاجيال القادمه
تقديــــري,,

ههههههههههههههههههههههههه حلوه من اخوك ~~

عموما انا ماضيي كله اجرام ,,

خلوني اعطيكم وحده طارفه ,,,

تزاعلت مع ولد جيراننا ,,

اجتمعت انا واثنين من اخويايه وقررنا نفجر فيه ,,

المهم جو عندي البيت والعذر اننا نذاكر بعد المغرب ,,

طبعا جمعنا عده القنبله ,,

فلاش , قصدير ,ملح , كلوركس , دوا صراصير ,زيت طبخ , بنزين ,, وماخلينا شي حولنا ماحطينا منه في علبه بيبسي ابو ثلاثه ريال << ذاك الوقت ,,

وقلنا اذا طلع للصلاه بنحذفها عليه

المهم بعد ماخلصنا دخل علينا الوالد فاشتلها واحذف بها في الدولاب اثرها انخضت ,,

في الوقت الي ابوي يحاضر علينا لان ماقدامنا كتب ويقولون الهتكم السواليف ,,

العلبه جالسه تنتفخ ,,

بعد تقريبا 3 دقايق تفجرت ,,

بالحرام ياللي في اخر الحي انه سمع صوتها ,,

طبعا انجنوا الي في البيت واخوياي شردوا ,,

ومابقي الا انا ,,

واستلمني ابوي الله يطول عمره فرش فرش الين قلت العيد بكره ,,

هههههههههههه هذي وحده من كثير وعلى قولتكم حفاظا على الاجيال القادمه ,,

اعطيكم تشويقه للجايه ,,

في احد منكم عمره ركب سيارته على سطحه ونزلبها من اعلى عقبه الين اسفلها



كل الود

هههههههههههههههههه موقف رهييييييييب [من حفر حفرة لاخيه وقع فيها]
اشكـــر لكـ مرورك ومشاركتك
ولكن نتظر سالفة السياره ع السطحه
شوووقتني

العذر والسموحه
فالموضوع لايخدم الموروث الشعبي
ولايمت له بصله والموضوع انحرف
عن ماكنا نتمناه
واصلو هنا ولكم تقديري واحترامي

ابو صاهود المعذره ياعزيزي ,,

اتوقع انك كنت تامل في قصص تتكلم عن الرحا والنجر والمحماس ,,

هذي لم اعاصرها ..

كل الود ..

اخي سامي
الحقيقه اين فكرت في صياغة موضوع
فيه قصص قديمه وسوالف الاولين
بس بعد دراسه للموضوع اتضح ان اغلب القصص
تكون مدح لناس وسب لناس وهذا يثير العصبيه
القبليه ويجلب الكثير من المشاكل
وسلامتك والحاضرين

الله اكبر العصبيه القبليه مره وحده ؟

<< داخ

ابو صاهود معك الحق وودي والله اني اشارك بما يتعلق بالموروث ولكن سني مايساعدني والمشكله اللي وهقني ماعاد فضي لي
وكان ودي منن الاخوان ممن مرو بتلك الايام ان يتحفوونا بماضيهم وذكرياتهم
لكـ تقديري واحترامي..