سعيد بن ذياب في قصيدة عزاء وبيعه

وهذه قصيدة للشاعر سعيد بن ذياب بعنوان( عزاء وبيعة) وقد قالها الشاعر

بين يدي مولاي خادم الحرمين الشريفين في قصره حفظه الله

يامن له الأمر من قبل وبعد يا منزل الآيات

لحكمك صابرين وسنتك فينا مواريها

تباركت وتعالى اسمك وما تامر علينا آت

نريد أو ما نريد اللي يريد الله واليها

فقدنا غالي حبه في اقلوب الغلا ما فات

أبوُ شيخ زعيم لدولته عزز مباديها

ألا يا روح فهد المطمئنة بايمن الدعوات

إلى الله راضيه مرضية ٍ والعفو حاديها

ألا يا لله تغمره بملايين من الرحمات

وسكنه بجنان الخلد طوباها وعليها

بحق صراخ طفل ودمع شيخ وزلزلة وآهات

بحق الراعي اللي عالرعية كان راعيها

توسع مدخله واكرم نزله بكوثر الجنات

وروّه سلسبيل واطعمه كرمة دواليها

فهد فهد المراجل والمواقف ساعة الزحمات

رسى لحمولها واشتالها وادرك مغازيها

فهد فهد المحبة والسلام وشامخ الرايات

ليا منه بدا يطفي الفتون ونار موشيها

فهد فهد الإعانة والإغاثة صدق أبو الفزعات

مع أول داعي للخير تلقى اسمه يلاقيها

فهد يا خادم البيتين كم في اليمين هبات

جعلها مسرح ايمانه وتفكيره يناجيها

لو انه ينفدى جينا ملايين لابو الطولات

نبيع أرواح مجاني وروح الفهد نشريها

لو انا ما نموت ان كان قلنا نكبة النكبات

ولكن البقاء لله باولها وتاليها

سهام الموت ما عنها مصاف ولا لها درقات

تجي مامورة باحكام رب العرش تبريها

يارب احسن عزاءآل سعود واكرم وارحم اللي مات

وعاف الحي وارشدهم سبلك اللي انت راضيها

ووحد رايهم وارفع نباهم واصلح النيات

وسددهم على خير البلاد وخير اهاليها

عزانا يالشعب فيكم يا مال الخير والطيبات

يا بيت الجود يا آل سعود يا فرحة مناديها

اذا بدر غرب يشرق بدر متوهج الطلعات

ويبقى الخير موصول بدار ٍ حبنا فيها

يابو متعب وانا في موقف كله نقا واثبات

أغص بعبرتي ويردها إيماني ويثتيها

يدٍ تمسح دموع الحزن وايدٍ ترسم البيعات

إلى اللي ربٍ اختاره زعيم القوم باديها

نمد لك اليمين على الوفا في العسر واليسرات

يمين عن جميع الشعب قاصيها ودانيها

يمين ما تغيرها محون أيامنا الصلفات

ولا يخلع لزمها إلا بشر مالله بهاديها

يا عبدالله وحبك له مرابع في صميم الذات

يمين الله كل الشعب يذكرها ويرويها

سألت اللي بحمده سبح الرعاد في المنشاة

ومن جلى النهار بزينة واغطش لياليها

يهبك العون والتوفيق والراي السديد البات

ويمنحك الهدى والنور في ظلمة ديا جيها

ويشد ازرك بسلطان سيفك أينما الوجهات

ويجعل حظكم نو يسمهر في علاليها

يقوله شاعر حب الوطن في ذاكرته أبيات

أرددها وادونها وطول الوقت أغنيها

محمد ال النبخ

من اعماق القلب
اشكرك جزيل
الشكر والعرفان
على النقل والطرح الرائع
للشاعر / سعيد بن ذياب العمري
سلمت اناملك الكريمتان
التي خطت وسطرت ونقلت
لنا هذا الابداع الرائع المتميز
تقبل مروري
لك مني
أجمل تحيه وفائق الاحترام والتقدير

يعطيك العاااافية ..
وصح لسان شاعرنا المحبوب ..