تقدر تسيطر على دموعك وتحبسها داخل عيونك؟

ااااااااااااااااااااااااه يا امــــــــــــــــــــــــــي




خايف عليها من الثرى غطاها

ـــــــــــــــــــــــ والا الحصى حافيه اخاف اذّاها

اكرم عليها بالكفن يامطوع

ــــــــــــــــــــــ بالبيت ظّل فراشها وغطاها

اكرم عليها بالكفن هذي امي

ـــــــــــــــــــــــ واشهد عليها بما عطت يمناها

هذي الضحى والليل يتحروها

ــــــــــــــــــــــــ هذي السما ونجومها تنعاها

هذي السوالف مثلنا تبكيها

ـــــــــــــــــــــــــ والارض تنشد عن اثر لخطاها

هذي الكبيره كبر هذي الدنيا

ـــــــــــــــــــــــــ هذي العظيمه جلّ من سواها

ابكي عليها مو نهار وليله

ـــــــــــــــــــــــــ ولا سنه تمشي واعد قضاها

ابكي عليها كثر ما شالتني

ـــــــــــــــــــــــــــ وكثر الحنين اللي اختلط بغناها

وكثر الاسامي وكثر من سموها

ـــــــــــــــــــــــــــ وكثر النجوم وكثر من يرعاها

ابكي عليها من القهر يادنيا

ــــــــــــــــــــــــــــ من لي انا من لي عقب فرقاها

من فتحت عيني ولاخلتني

ـــــــــــــــــــــــــ شوفوا ولدها بالقبر خلاّها

هلّ التراب بوجهها ماقصر

ـــــــــــــــــــــــــــ شفتوا ولدها كيف هو جازها

لو انها مكاني ماسوتها

ـــــــــــــــــــــــــــ لكن اعزّ عيالها سواها

يالدود شفها ذابله جنبها

ــــــــــــــــــــــــ انا ولدها وحاظر وافداها

قطّعني هاك اللي تبي من جسمي

ــــــــــــــــــــــــ بس الكريمه لاتجي بحداها

واوصيك امانه قلها تعذرني

ــــــــــــــــــــــــ وتكفى تروح تحب لي ماطاها

ابيها تغفر لي مثل ماكانت

ــــــــــــــــــــــــ كل خموه منّي بطيبها ترفاها

يالله عساها بالنعيم الخالد

ـــــــــــــــــــــــ وعساها في جنة عدن سكناها

يافضو هذا الكون ياهو خالي

ــــــــــــــــــــــــ ياضيق هذي الدنيا يا مقساها

يامر طعم فراقها يامرّه

ـــــــــــــــــــــــ ماني مصدق ارجع وما القاها

وش لون اجي غرفتها ماهي فيها

ــــــــــــــــــــــــ وش عذري لسبحتها ومصلاّها

شقول انا لدولابها لشنطتها

ـــــــــــــــــــــــــ واذا سألني مشطها وحنّاها

وعباتها وماي زمزم ومصحفها

ـــــــــــــــــــــــ والمبخره ورشوشها ودواها

الكل في غرفتها متفقدها

ــــــــــــــــــــــــ حتى الجدار مفطّر ويرجاها

الكل يبكيها ماهو ناسيها

ــــــــــــــــــــــــــ يالله صبّرني اش لون انساها

ياليتهاااااااااا ماراحت وخلّتني

ـــــــــــــــــــــــ او وسعت لي بالقبر وايآآآآآآآآآآآآآآآآآآآآآآآآآآآآها




اخبرني عن شعورك عندما قرأت الابيات اليست مبكيه ؟

فماذا عنّي وانا الذي هلّيت التراب على الغاليه على الحبيبه قبل حوالي الشهرين والنصف


رحمك الله ياحبيبتي يا امي واسكنك فسيح جناته

تكفون ادعوا لها


هذا ما أثر فيني فأخترته لكم انشاء الله ينال اعجابكم


ودي واحترامي للجميع

محمــــــــــ بن صوفان ـــــــــــد

أخوي محمد أســــــــأل الله ان يرحم أمك وأم أمك وأنا بلمث وأن يجمعنا بهم في الفردوس الاعلى وجميع من فقد له غالى

صراااااااحه انك جبتها على الجرح ولكن نسأل الله في العفو والعافية

وتغمدها بواسع رحمته وانشاء الله انها تكون آخر الاحزان

تقبل مروري وحترامي ياااااااااغالى

اللهم امين

اشكرك استاذي ابوزياد على مرورك الكريم

ودي للجميع

كلام هز مشاعري وكان صداه دمعة حجبت ناظري عما سطر قلبك المتالم
احسست بـ ألمك كما لوانني انا من فقدها

استاذي ... لعل الله اراد ان يريحها من عناء الدنيا
رحلت وتركتك ولد صالح ان شاء الله ف الدنيا يدعوا لها ويتصدق عنها
اسال الله ان يجعل مثواها الجنه وان يجعل قبرها روضة من رياض الجنه
وان يجمعك ويجمعنا بمن فقدناهم ف الفردوس الاعلى

تسلمين جزاك الله خير

اشكرك شيخه على مرورك الكريم ودي واحترامي

محمد بن صوفان أشكرك على الأبيات الجزله وأسأل الله العلي العظيم أن يرحمها ويسكنها فسيح جناته

وعليك با الصبر فأنت مؤمن بقضاء الله وقدرته



تقديري

محمد بن صوفان


اسال الله ان يرحم امك وان يتغمدها بواسع رحمته


كما الله اسال ان يجمعك بها في جنات عرضها السموات والارض


اشكر لك حظوركـ وتواجد واما قصيدتك فكلمات تسيل الدموع


وتهز الوجدان وتحرك المشاعر.


لا هنت يا غالي ولك الموده ,,,

استاذي مخاوي
استاذي عمري
تقبل الله دعاءكم يارب

شاكر لكم روعة تواجدكم ومروركم الكريم

ودي لكم

احتـــــرامي للجميع