رحلة أبو سراج و مرته فتو للنماص .. (أربعة أجزاء) !!

هذه قصة بطلها واحد من ليتنا يقال له (غرم) وواحد من أهل جده يقال له (أبو سراج) سبق أن ذكرتها من عدة سنوات في إحدى المنتديات ..

الجزء الأول :

المكان / في عزومة على (الكورنيش) في جده .

والآن أترككم مع الحديث الذي دار بين الإثنين :

أبو سراج / حيووه .. الأخ من بيت الشهري ؟
غرم / هاه (تعيا مذا هي الروايا تيه ، ولكنه استدرك قائلاً أي وني من بني شهر من رجال الحجر .. وإنت من ذا أنت منه ؟
أبو سراج / محسوبك أبو سراج من النزله ..
غرم / حياك الله أنت وربعك .. وزيد .. أنا محسوبك غرم
أبو سراج / والله بيت الشهري وبيت العمري ناس طيبين ماتعرف محمد الشهري
غرم / أي وني أعرفه ماعندنا منه إلا واحد ! (كرررر هاق هاق : ضحكة غرم ، ماهو سهل !! )
أبو سراج / ديك المرة مراتي (فتو) أم سراج .. عزمتها زميلتها اللي معاها في المدرسة .. إسمها على ما أزكر (زانه) عندكم في الديرة .. كان عندهم يوميتها فرح في الصيف ( أخت زانه أو تعرس فيها تعزم زميلتها الأبله فتو..).
غرم / طيب وبعدين .. (قالها غرم بالمكاوي .. ما معك في الولد يعجبك)
أبو سراج / والله أخدنا بعضنا أنا وفتو والأولاد سراج وفتحية وفاتن وقلنا خلينا نروح نشوف الأوادم هادول زمايل فتو .. ونتفسح ونشم هواء ماعمرنا طبينا المنطقة هادي .. يعني حج وبيع مسابح .. مو كيدا ياواد غرم.
غرم / كيدا (حللللللوه منك ياغرم قدر يقولها بالمكاوي)
أبو سراج / والله ومشينا على درب الجنوب هادا .. وصلنا مدينة الباحة .. قلت لفتو .. زمايلك دولا هنا .. قالت لا لا ياأبو سراج مد رجلك شوية لقدام دولا في مدينة النماص .. والله ومديت ومديت وكانت مناظر في غاية الروعة .. شي مايصدق طبيعة وجو سبحان الخلاق العظيم .. لكن ياغرم وأنا بأوايق (يعني أشاهد) على الطريق ياخي كان عندي ملاحظات كتير ماني عارف والله!!.
غرم / مثل أيش يا معني؟.
أبو سراج / وأنا ماشي على الخط .. شايف لوحة مكتوب عليها (القوارير) .. وبعدين .. فيه لوحة تانية مكتوب عليها (ذات العلب) إيه دا ياخي علب وقوارير .. المهم هادا بسيط .. حاجة تانية فيه منطقة مكتوب عليها (الدقائق) أنا والله قلت أتر إنه واحد من زملانا هادا اللي أسمه (نبيل ساعاتي) منهم .
غرم / إيواه (غرم مشدوها) وبعدين؟
أبو سراج / كمان ياخي شايف أسماء قرى على الطريق أيش أقلك ؟
غرم / مثل ايش .. ماذا وتقول لي؟
أبو سراج / ياخي فيه لوحة مكتوب عليها (خميس العرق) .. قالها بفتح حرف العين .. وقرية تانية اسمها آل حشيش .. إيش قصدهم ؟
غرم / هذي قرية خميس العرق (بكسر العين) .. الله يهديك يابو سراي أفلحت بعيد .. والقرية التالية بكسر الحاء وفتح الشين وتسكين الياء ... يوووه منك يابوسراي!!
أبو سراج / أقول لك فيه لوحة على الطريق مكتوب عليها (لحبي) .. قالها بكسر اللام وضم الحاء .. أكيد قرية رومانسية كلها حب . وقرية ثانية اسمها (صدر) وكمانه (يد) .. من أعضاء الجسم !!
غرم / لحبي لحبي (بفتح اللام وتسكين الحاء) ويش الخرابيط تيه دادي بادي يابوسراي والله لا كنك تعرف العرب . والقرية التالية (صدريد)
أبو سراج / المهم ياخويه ياغرم .. طبينا النماص مدينة حلوة مره والله .. ورحنا عند هدولا زمايل فتو في حارة الله يديني إسمها ... (يحاول يفكر) ... إيوه إيوه حارة أبو بكر
غرم / إيه عند بني بكر الله يمنعك من أطراف النار يبو سراج قال حاره قال .
أبو سراج / والله وتقابلنا مع العمده حقهم (يقصد الشيخ) .. وكان ليلتها عندهم فرح (يقصد مرسام) .. راحت فتو والبنات عند زميلتها وأنا وسراج رحنا الفرح هادا .. بس ياخي أتهبلت !!! .
غرم / من أيش ؟ الله لايهبلنا
أبو سراج / ياخي في الفرح هادا اتهبلت دولا ناس بيعملوا حركات بهلوانية بالبنادق (قصده العرضة) الواد منهم (قال لك واد .. ماذا ويقولوا اليماعة) يرمي البندق لفوق ويمسكها باليد التانية يأخي مو زي المزمار اللي نعرفه .. وبعدين والله العظيم أتخضيت (يعني أرتعدت فرائصه) يأخي بيطرطعوا بالبنادق هادي والله بيطرطعوا كتير (الله يأخذ عمره آمين .. مذا أدراه)
غرم / الله يمنعك من أطراف النار يبو سراي وبعدين .
أبو سراج / ولا قبلين .. أنا والولد بنوايق عليهم لين خلصوا وبعدين قاموا فرشوا السفرة وجابو أكل في صحون كبار مصنوعة من خشب وأكلنا حاجة كدا بالسمن البري زي المعصوب بس لين شويه لكن حلو كتير .. أيش هوه هادا ؟
غرم / إيواه الله يمنعك من الدسم .
أبو سراج / المهم أنا اتبسطت وفتو أتبسطت والأولاد أتبسطو .. ياخي ديرتكم هادي مره مرررره حلوه وبيت الشهري كمانه ناس مرررره طيبين .

أنتظرونا في الجزء الثاني

يخليكم ربي

عاااشق النماااص

الجزء الثاني :

ملخص الجزء الأول .. أن العم أبو سراج كان يسرد رحلته هو ومراته فتو والبزورة سراج وفتحية وفاتن على (غرم) في جلسة على كورنيش جدة .

خلاصة الحديث .. توطدت العلاقة بين غرم والعم أبو سراج .. وأصبح كل ما يأتي غرم لجده يتصل على أبو سراج ويزوره .. والعم أبو سراج يحسن ضيافته (الزربيان ، الكباب الميرو ، فتة العدس ، المنتو ، والحلويات البلدي اللي أنتم عارفينها اللدو واللبنية والهريسة والمعجمية والسمسمية وطبطاب الجنة والطحينية والمفروكة والنارجين و الدبيازه .. الخ)
مرت السنوات .. وكبروا الأولاد .. وبالطبع أصبحت (فتحية) عروسه .. وحيث أن الزواج قسمة ونصيب فقد تم زفاف (فتحية) إلى (شار بن غرم) وأنتقلت للإقامة مع زوجها في مدينة النماص . نقول للي مايعرف شار .. شار شاب طيب يعمل مدرس .. بار بوالديه وأكبر دليل موافته على رغبة والده الإقتران بفتحية رغم إن كان عينه على (غرسة) بنت خاله ولكن تجري الرياح بما لايشتهي شار !!

نترككم الآن مع أبو سراج ورحلته الثانية للنماص ..

ترن ترررررن .. ترن ترررررن

أم سراج / آلوووو .. فتحية .. كيفك يابنتي ؟
فتحية / وااااي مامي .. كيفك إنتي وكيف البابا .. سراج وفاتن كيفهم ؟ ميتى تيجوا عندنا ؟
أم سراج / طيبين يابنتي .. أقولك إحنا جايينكم على النماص وحييجي معانا عمك لطفي .. وحشتينا كتير
فتحية / عارفين العنوان ياماما ؟
أم سراج / مو أنتو في الحارة اللي إتعزمنا فيها ديك السنة عند أبله (زانه) .. حارة (أبو بكر) !!
فتحية / شوفي يا ماما حنا في حارة (الكلاسمة) سيبوا سوق (التلوت) على اليسار ولفو يمين .. ولا ياماما .. لما تقربوا على الحارة أخلي (شار) ولا سيدي (غرم) يقولكم فين .

تحرك الركب باتجاه النماص العم أبو سراج والعم لطفي في المقاعد الأمامية للبيجو والست فتو وسراج وفاتن في الخلف .. وأثناء الطريق

العم لطفي / همه بيت الشهري هدولا فين ؟ (الله يأخذ عمرك قال فين .. في المريخ !!)
أبو سراج / هدولا في النماص .. كمانه (300) كيلو قدام (مذا أدراه .. أبعد مكان راح له محطة الرحيلي)
العم لطفي / طيب الأوادم اللي هنا مين ؟

أبو سراج / شوف هادا هنا بيوتات الزهارين والغماميد وقدام كمانه حتلاقي بيوتات الشمارين وبعديه القرنيين والعمارين ( أعقب يابو سراج .. سار خبير بالمنطقة !!)

أقترب الركب رويداً رويدا .. ( حلوة رويداً هذي)

أم سراج / يالله يبو سراج دق عليهم الجوال إحنا مرينا من (زات العلب)
أبو سراج / علبه فوق نافوخك يابنت .. إحنا لسه بدري ! خلينا نقرب شويه .. نكلمهم من (حلباء) ولا من (خميس العرق) ولا من (لحبي) ... (أقول لكم يصلح دليل سياحي !)
أم سراج / حبك برص .. (زعلانه !!)

ترن ترررررن .. ترن ترررررن

شار / إيوااه
أبو سراج / مين شار؟
شار / بووووو ... بوووووو .. بم .. قاح .. بم .. قاح .. مرحبا 1000
أبو سراج / إيش فيك ياولدي إيش هادا الزعيق . (الله ياخذه يرحب به ويقول زعيق)
شار / أقول الله يحييكم وينكم ذلحين ؟
أبو سراج / والله أحنا قدامنا جبال وورانا جبال ونازلين في دحديره !.. إيش أقول لك ياولدي .
شار / أقول لاتكون دليت تهامه .. ياعم كن قدامك لوحة ولا ؟
أبو سراج / استني أشوف أيوه أشوف لوحة مكتوب عليها (آل يسعد) .. (الرجال تعدى .. الضباب مغطي عليه!)
شار / الله يسعدك ياعم .. أقول الله لايهين معكم أحد إنت وعمتي .. هيا إلتف وعود في نفس الخط .. وإذا عدت عند أول إشارة خلك عندها أحاضيك !!
أم سراج / قايلك يبو سراج دق على الأوادم .. عاملي فيها فاهم .. مالك إلا إلي يديلك بالقبقاب . (راح فيها الرجال !!)
أبو سراج / ياحرمه أبلعي ريقك .. إنتي إشبك .. تري أفسخ الجزمة وأديكي بالشراب . (لا .. خطير أبو سراج !!)
العم لطفي / إشبكم إنتم .. روقوا المنقه ..

(نترككم مع فاصل إعلاني نعود بعده إلى تكملة قصة الرحلة في جزءها الثالث)

يخليكم ربي

عاااشق النماااص

الجزء الثالث :

في الجزء الثاني توقفنا عند طلب (شار) من عمه أبو سراج وبقية الركب (العمة فتو أم سراج والعم لطفي وبقية البزورة) انتظاره عند الإشارة في النماص والتي قد أتو إليها لزيارة إبنتهم (فتحية) والمتزوجة من (شار بن غرم) لكي يصطحبهم للبيت .

المهم وصلوا إلى منزل شار ورحب فيهم الرجال وسهل وعلى شرفهم أقام مأدبة عشاء دعى لها بعض جماعته ، ونترككم الآن مع الفصل الأول من الجزء الثالث من القصة مادار في العزيمة بين الضيوف من الرجال وجماعة المضيف .

شار / أعرفك ياعم أبو سراج ذوليه يماعتي وربعي .. ذا بيالك إيه مغرم بن سعيد ويه نايبنا ، وذا بينبه خلوفة ولد حياة بن محسن .. وذا في الطرف ليت العم لطفي إيه ولد إبن التيس (والله لامعه من القرون لحسة) .. وذا على يمينك عمي خو بويه شار ذا أنا مسمى عليه .
أبو سراج / حصل لنا الشرف وحقيقة أنا والأخ لطفي نقول أيه وإلا أيه ..صراحة أنتم يابيت الشهري الله ربنا وربكم .. مافيكم هرجه .. وتشرفنا كمانه بمقابلة العمدة مغرم بن سعيد .. آسف قصدي النايب حقكم .
مغرم بن سعيد / الله يسلمك يبو سراي .. وحقت قول المهري الله يحيي ملفاكم وانتم بين ربعكم وعوالكم .. والله إن كنكم المطر (على الدويسة) .. الحاصل يبو سري إنت ولا يهون لطفي أنتم ضيفونا لغد باسم اليماعة في بيتي .. هذا علمي وسلامتك ومن يسمع .
أبو سراج / أنا سامعك إيش الهرجة؟ .. ماني فاهم؟ . (<< أعقب .. قال الهرجة قال)
شار / ياعم أبو سراج الجماعة مقدمين لك عزيمة يعني عازمينك بكرة إنت والأسرة الكريمة.
أبو سراج / يبويه عزيمة إيه .. إحنا ورانا مشوار بكرة .. رايحين نتفسح في حواري تنومة .. هادي اللي يقولوا عنها .. يقولوا فيها عقبة القامة وجبال كتير زي منعا وجبل تاني إسمه غلامه وشلال الدهنا والشرف .. وحاجة تانيه الله يديني إسمها فيها رجه .. إيوه ... وادي ترج . كمانه فيه أصحاب حقين لطفي في تنومه بيمر عليهم .. بعدين دوبنا ماكلين !!
العم لطفي / إيوه ورب النعمة .. مواعدين ( حكيم المنتدى) في تنومه .. عنده استراحة هناك .. قايللي عدي عليه لمن تيجوا (<< والله لاأفتكر يذبح لك )
ولد إبن التيس / أقول مانعذركم .. هذا دسمالي عندك (رمى الدسمال في حضن العم أبو سراج)
أبو سراج / إيش أبغى به .. مانت شايف العمه فوق راسي .. مديني الشماغ أتصور فيه .(<< مذا أدراه بعادات الشعوب)
خلوفه / عرب أنتم عرب ياعرب وإلا.. لا.. زان يالربع .. لاعاد تقولوا لفظة .. الله يجعل ماقبلك وراك يبو سراي .. عسانا مانسمع أخبارك إلا في (خاط) . (<< وصلت معاه خلوفه)

أما في الفصل الثاني من هذا الجزء فأحداثه دارت عند (فتحية) أثنا العزيمة التي أقامها شار

فتحية (زوجة شار) / يأمي هادي ستي زهبة أم شار
أم سراج / كيفك ياأختي أم شار وكيف النماص معاكم .. إن شاء الله البراد مو مبهدلكم .
أم شار / عساني عيدك كيفلي إنك ييتي قبل كذيه .. والاته ..أيمان الخمسة والعشرين يانيدية ياتنا .. وياضريب يانا إنه يشوي الحصى .
أم سراج / أختي زهبه .. شكلي ماني فاهمة شي .. إيش حكاية الخمسة والعشرين هادي !! ممكن تعيديها ؟
فتحية / هيه قصدها ياماما إنه كان فيه براد أكتر من كذا (<<أحسن يامترجمة!!)
أم شار / عسى الديرة تيه أعيبتكم .
أم سراج / كلكم سكر إنتم يالكلاسمه .. وديرتكم عسل .
أم شار / أوف أخذني موتك .. هثر ديرتنا طابت لك .. عساكم أو تبطون معنا .
أم سراج / والله هيه شوفت البت فتحيه والواد شار .. بعدينه .. يمكن نعدي على الأبله (زانة) .. تعرفينها يأم شار .
أم شار / منهي بنته عيدك .
أم سراج / هادي من بيت البكري ..اللي أعرفه إنها ساكنة في الحارة التانية .. حارة أبو بكر (قصدها عند البكارية).. ديك المره جينا على الفرح حقهم . (راجع الجزء الأول من القصة) .

(نتوقف مع فاصل إعلاني .. ونعود لاستكمال الجزء الرابع )

يخليكم ربي

عاااشق النماااص

الجزء الرابع :

العم لطفي / يالله ياولدي شار قوم سوق (البيجو) .. ووصلنا أنا وعمك لطفي وفتو على تنومة عند الواد (حكيم المنتدى) .. هادا من بيت العمري بس عامل له استراحة آخر روقان في تنومه .. أبو حكم .. يحب الشعر والخضرة والوش الحسن !!

(تحركت السيارة باتجاه تنومه) .. وبينما هم في بداية عقبة القامة

فتو / ول ول ول .. إيش هادي الدحديرة ياواد يا شار
أبو سراج / إي وربي دحديرة
العم لطفي / وحدوووه
شار / مذابكم .. طلاقه إنه قبل مايفتتحوا طريق عقبة القامة ياما أصعدت وانحيت وادرفيت مع بويه وحياة يدي ولا صحت مثل صياحكم ذيه .

نزل المركب بسلام .. وبعد عدة كيلومترات ..

فتو / ول ول ول .. شايف يبو سراج على يسارك .. الجبل هادا قد إيش كبره ..
ابو سراج / إيش الجبل هادا ياولدي يا (شار)
شار / إيه جبل منعا .. أنت ولا قد سمعت البدعة ذي تقول ( يايبال الظهارة سلمي لي على منعا .. وان منعا تسلم لي على وادي تنومه)
أم سراج (فتو) / حلو كتير .. هوه فيه أوادم فوق الجبل هادا ؟
شار / الله الله .. لك الله إنه ملان عرب وبلاد .. ماذا فنحاكم ؟
أبو سراج / ولسه عايشين ؟
شار / ههه .. طبعاً عايشين أحسن عيشه .. لك الله إنه أحلى من النماص

العم لطفي / تنومه حقت (حكيم) بعيده من هنا
شار / الله يقهرك ياعم لطفي .. هبت تنومه كلها لحكيم !! .. عايل المنزل والاستراحة ذاك .. ذا حذا المسيد من شام .. إيه حكيم .

قرب الركب رويداً رويدا .. من استراحة وبيت حكيم .. وأضحى ( البيجو ) بين دفتي حوش حكيم .. في اليرين

ظهر حكيم بكامل أناقته وتسليحه .. وما هي إلا لحظات ..
7
7
7

(طخ طخ طخ .. بم قاح ، بم قاح ) .. طلقات ترحيبية كما جرى عليه العرف

أبو سراج / أذكروا الله .. وحدوه .. هو حصل أيه .. هادي فايدتك يالطفي .. صاحبك حكيم المنتدى هادا ناوي يعمل إيه ولا أيه ؟
العم لطفي / طل يبو سراج .. مراتك فتو مغمى عليها .. شكلها اتخضت من اللي شافته
حكيم / أرحبوا .. مرحبا عداد ما مضيتوا عليه
العم لطفي / ياواد سيبك من البهلله .. أشبك إنته شايل المسدس الطويل هادا .. مدري البندق .. وكمانه جالس تطخ .. عاجبك دحينه أم سراج (فتو) اتخضت وما هي راضيه تفيق ؟
حكيم/ أفى يالعلم .. استاخر ياعم لطفي .. يايون الحريم ذلحين بعطر أبو طير .. والله ما تقر إلا قد فزت
أبو سراج / زيك عارف ياحكيم .. هادي مراتي وخايف عليها أودي وشي فين ؟
حكيم / أقول أقلطو الميلس .. عد بهم يا شار

العم لطفي وأبو سراج دخلا برفقة شار لمجلس حكيم .. وبدأ الحديث يدور بين الرجال الأربعة
7
7

العم لطفي / والله زمان ياحكيم .. لمن كنت جارنا في جده .. زكريات
حكيم / الله يسقيها من أيام ياعم لطفي .. من يوم صدرت هنيه مالقيت غالية .. كل يوم عند المسيد .. العلم يقاك يقاك .. والا عسكري بالباب .. خطاب استدعاء .. شهادة ولا خصيمة ... عودت حليت في تنومه .. آه ياعم لطفي .. جده غير
أبو سراج / على فكره ... إنت وشار قرايب
حكيم/ الله لايقولها .. أنا من صبيان عمرين !!
العم لطفي / بس كلكم من بيت الشهري
حكيم / لا .. لا .. أنا من بيت العمري.. لكن شار من بيت الشهري .. الله خلق وفرق!
العم لطفي / إيوه ياحكيم .. ديك المره في جده حكيتنا قصة (الطيارة) .. بيقولوا إنه واحد من بيت الشهري تاني واحد بعد إيش أسمه هادا عباس بن فرناس .. قدر يسوي طياره ويطير بيها . ممكن تعيد القصة لأبو سراج
حكيم/ أما من قد الطيارة .. فمثل ما قلت لك .. تراهم صبيان بني شهر أول من فكر وسوى في هذه الديرة .. حتى الحريم لهم دور كبير في الموضوع .. ماذا فنحاك إنه .. ترى ياعم لطفي ولا يهون أبو سراج .. وشار يوكد على كلامي .. الطيارات تي ما تشوفونها تطير مثل البوينج والأيرباص .. لكم الله إن تصميمها مأخوذ من عندنا .
شار / لكم الله إن مطار (الإقلاع) لازال موجود بالقرب من النماص .. فوق عقبة القامة بشويه وأنت طالع على اليمين !!.
أبو سراج / ما شااااء الله .. تبارك الله ... بس ياولدي .. المحركات كيف كانت .
حكيم / ههههه .. المحركات (دفي يامره) .. المرأه عنصر فعال في مجتمعنا .. ماهم مثل مرتك تي داخت على صوت مقمع .
أبو سراج / حلو كتير

قد يكون هناك جزء خامس .. هذا يعتمد على مدى تفاعل الأعضاء!

يخليكم ربي

عاااشق النماااص

عااااشق النمااااص
استهلاله ولي عودة
حراااام عليك قطعت قلبي من الضحك !!!

وكلها كوم والاخت اللي سارت مترجمه كوم !!!

والا محركات ( دفي يامرة ) !!!

باختصار اسلوب قصصي خرافي

انت بصدق مبدع

تقبل تقديري واحترامي
اخوك
حكيم المنتدى

الغالي عاشق النماص
الله يعطيك العافيه اسلوب قصصي رائع
مواضيعك تاسرني وانا من المتابعين لك

بكل صراحه اضحكتني اضحك الله سنك

واما خلوفة قصة لحاله
خلوفه / عرب أنتم عرب ياعرب وإلا.. لا.. زان يالربع .. لاعاد تقولوا لفظة .. الله يجعل ماقبلك وراك يبو سراي .. عسانا مانسمع أخبارك إلا في (خاط) . (<< وصلت معاه خلوفه)

انا متابع لك وفقك الله
تقبل مودتي
ابو عبدالله

المشاركة الأصلية كتبت بواسطة حكيم المنتدى

عااااشق النمااااص

استهلاله ولي عودة
حراااام عليك قطعت قلبي من الضحك !!!

وكلها كوم والاخت اللي سارت مترجمه كوم !!!

والا محركات ( دفي يامرة ) !!!

باختصار اسلوب قصصي خرافي

انت بصدق مبدع

تقبل تقديري واحترامي
اخوك

حكيم المنتدى

الله يسعدك راعي علم .. وسلامة بطنك ذا تقطع من الضحك .. وماقدامك الا العافية .. واحد سفن دايت وتزين الأمور ..

ياأخي تفاعل الأعضاء مش ولابد .. الظاهر أنا وياك .. وأحد يبدع والثاني يرد .. إذا بقى العلم على ماهو عليه بأدور للجواد ذا جيت عليه .. ندور على مضارب أخرى !! .. أنت مارأيك ؟!

يخليك ربي

عاااشق النماااص

المشاركة الأصلية كتبت بواسطة صالح آل سلمان

الغالي عاشق النماص
الله يعطيك العافيه اسلوب قصصي رائع
مواضيعك تاسرني وانا من المتابعين لك

بكل صراحه اضحكتني اضحك الله سنك

واما خلوفة قصة لحاله
خلوفه / عرب أنتم عرب ياعرب وإلا.. لا.. زان يالربع .. لاعاد تقولوا لفظة .. الله يجعل ماقبلك وراك يبو سراي .. عسانا مانسمع أخبارك إلا في (خاط) . (<< وصلت معاه خلوفه)

انا متابع لك وفقك الله
تقبل مودتي
ابو عبدالله

مرحبا لي ملايين ملايمة يابو عبدالله .. وأتشرف أن تكون من المتابعين للهليل ذا ماأقول .. وإن كانت مداخلات الاعضاء مش ولابد .. خصوصاً في الابتسامات .. مافيه مشجعين .. المدرجات فاضية .. أعتقد أن هذا القسم يحتاج لإعادة هيكلة !!

أكرر شكري وتقديري ياعاااشق بني عمرو

يخليكم ربي

عاااشق النماااص

انا معك اخي عاشق فيما قلت
ولكن اعتقد ان اسلوب بعض الاعضاء الكرام في نشر مثل المواضيع التي تضيق الصدر
مثل تلك الالعاب التي لا فائدة منها بعكس مواضيعك الجميله المشوقه
والتي بكل صراحه انادي الجميع لمتابعتها بدلاً من مواضيع بعض الالعاب التي لا تقدم ولا تؤخر
ولا تزرع البسمه على الشفاة
الصبر كفيلاً بتحويل الانظار الى هذا القسم الذي هجره الاغلبية للاسباب التي ذكرتها انفاً
اشكرك مرة اخرى ومتابع لك
ابو عبدالله

رحلة أبو سراج و مرته فتو للنماص .. (الجزء الخامس) !!

يعلن حكيم المنتدى عن بدء الجزء الخامس من فصول رحلة ابو سراج ومرته فتو الى النماص

والمذكور حاليا بالنماص

لتمثيل الدور
دوروا له في ضواحي بني بكر
وسلامتكم على الله

مع تحيات
حكيم المنتدى

المشاركة الأصلية كتبت بواسطة صالح آل سلمان

انا معك اخي عاشق فيما قلت
ولكن اعتقد ان اسلوب بعض الاعضاء الكرام في نشر مثل المواضيع التي تضيق الصدر
مثل تلك الالعاب التي لا فائدة منها بعكس مواضيعك الجميله المشوقه
والتي بكل صراحه انادي الجميع لمتابعتها بدلاً من مواضيع بعض الالعاب التي لا تقدم ولا تؤخر
ولا تزرع البسمه على الشفاة
الصبر كفيلاً بتحويل الانظار الى هذا القسم الذي هجره الاغلبية للاسباب التي ذكرتها انفاً
اشكرك مرة اخرى ومتابع لك
ابو عبدالله

أشكرك أخي الكريم .. أحاول دائماً أن يكون هناك هدف أو رسالة أرغب في إيصالها لأي موضوع أكتبه .. سواء في منتدى النقاش أو القصص أو الابتسامات سواء في هذا المنتدى أو خلافه .. هذا ماألتزم به وما أفكر به دائماً .. وأميل دائماً إلى الطرفة والموروث الشعبي .

أشكر لك مرة أخرى جبرك بخاطري .. أبو عبدالله

يخليك ربي

عاااشق النماااص