يا بو عوض

بسم الله الرحمن الرحيم

السلام عليكم ورحمة الله وبركاته

قصيدة متواضعة اوجهها للشاعر سعيد بن عوض العمري

واتمنى منه الرد عليها

يا بو عوض كيفك عسى حالك بخير=عليك مني كل يومٍ سلاما
خطرت انا يا خوك في حزة عصير=سوقٍ لنا توه حديث الفطاما
ابغى منه وردٍ وفل ونواوير=وابغى منه نفلٍ وشيح وخزاما
لكن جيت وشفت وضعٍ معيثير= عاينت شيٍ صابني بالحماما
شفت العرب ما بين هايم وسكير=وشفت البضايع كاسدة يا حراما
وحصلت بخلٍ في عربنا وتبذير=وحصلت ناسٍ ما تقدر مقاما
وحصلت من يهجم على خوه ويغير=ويرفع عليه رماحها والحساما
وحصلت قولٍ فيه غلطة وتقصير=ما قاله الا راعيات اللثاما
هرجٍ سمعته لو نزل عكر البير=من سمع له يفطر بشهر الصياما
وحصلت وسط السوق كذبٍ وتزوير=وبعض المشايخ عن عربهم نياما
ليت الملك عنده حدودٍ وتعزير=للي يثور في عربنا الخصاما
وانا ربوعي من رجالٍ مغاوير=قدواتهم سيد جميع الاناما
اشد من ضرب السيوف السواطير=لا حان وقت الفشق والحزاما
لا لمتهم ماهو بحقدٍ وتحقير=ومن حبهم يمكن يزيد الملاما
لوقارهم ابغى لهم زود توقير=ومن حبهم ما ابغى يجيهم كلاما
ولولاي رجلٍ من رجالٍ مناعير=ما لمت في بعض الكلام النشامى
وصلاة ربي عالنبي مرسل الخير=والمسك هو ذكر النبي في الختاما

وسلامتكم

سيد الموقف

صح لسانك يا سيّد الموقف ..
قصيدة جزله ووافيه ولها قوة رائعة وتمكن رائع بكلماتها ..
لله درك وبإذن الله أبو عوض سيحضر ونرى إبداعه ..
كل التقدير ..

وعليكم السلام ورحمة الله وبركاته
حياك الله أخي الغالي سيّد الموقف
شاكرا لك حسن ظنّك في وتلك
الثقة التي منحتني إياها دون قصور
في بقية شعراء هذا الصرح الشامخ
في الحقيقة لم أقرأ الرسالة إلا في
وقت متأخر بعد الثانية عشر ليلا
ولكني عزمت على الرد فإن أصبت
فمن الله وإن أخطأت فمن نفسي والشيطان

يا مرحبا واهلين يا لافي الخير=ترحيبة ٍ ترقى متون الغماما
ترحيبةٍ واخصها لك بتسطير=امدادها التّبر المصفّى لزاما
عبيرها نفح الزَهرَ والنواوير=مخلوط بالمسك المعفّر ختاما
عنيتني بالبدع ما فيني آخير=ولا استخير آرد قاف النشاما
إلا عصبت الراس كني آبا طير=أزلزل الأفكار تنشد علاما
واقول ما به وقت راي ٍوتفسير=أنا جبل بركان وانتي الحماما
يا الله وانا طالبْك حسن التعابير=ولسان صدق ٍمثل حدّ الحساما
مهنّدٍ للحق ما عنه تحوير=ما ينطق إلا بالدرر مالكلاما
شكيت من حال البشر والتفاكير=تموج بك موج البحر لا تحاما
حال ٍ على الله المشاكى وتغيير=الناس للأحلى وترك الحراما
ماني بلايمْك ابورود ومصادير=الهم واحد مسهدٍ للنياما
حرصك له اعنايه وشكر ٍ وتقدير=ينمّ عن فكر الحريص الهماما
والمعدن الطيّب لأصل المناعير=اللي لهم وقفات صدق وذماما
لا بد لاهل العلم وقفه وتذكير=للغافل من اهل الردى والخصاما
واصلاح يبدا بالفتى دون تقصير=يصون نفسه عن مواطي الرخاما
وتآمر ٍ بالعرف حبٍ وتبصير=في السر يُبعد عن عيون الأناما
نصيحةٍ ما هي فضيحة وتشهير=تزين (ع) الخاطر بليا ملاما
واتمسّكن بالشرع في كل تدبير=محجّةٍ تهتك ستار الظلاما
واختامها صلّوا عدد زاهي الطير=على النبي ما ناح فرخ الحماما

صح لسانكم جميعا قصائد جزلة وشعار كبار


وموضوع هام وفي محله


لا هنتوا تحياتي ,,,,,,, بحر

صحت السنتكم جميعا ...

ابدعتوا بصراحة ....

تقديري

ابو ريان


شهادة اعتز بها من شاعر واستاذ كبير



محبتي

المشاركة الأصلية كتبت بواسطة سعيد عوض العمري

وعليكم السلام ورحمة الله وبركاته

حياك الله أخي الغالي سيّد الموقف
شاكرا لك حسن ظنّك في وتلك
الثقة التي منحتني إياها دون قصور
في بقية شعراء هذا الصرح الشامخ
في الحقيقة لم أقرأ الرسالة إلا في
وقت متأخر بعد الثانية عشر ليلا
ولكني عزمت على الرد فإن أصبت
فمن الله وإن أخطأت فمن نفسي والشيطان

يا مرحبا واهلين يا لافي الخير=ترحيبة ٍ ترقى متون الغماما
ترحيبةٍ واخصها لك بتسطير=امدادها التّبر المصفّى لزاما
عبيرها نفح الزَهرَ والنواوير=مخلوط بالمسك المعفّر ختاما
عنيتني بالبدع ما فيني آخير=ولا استخير آرد قاف النشاما
إلا عصبت الراس كني آبا طير=أزلزل الأفكار تنشد علاما
واقول ما به وقت راي ٍوتفسير=أنا جبل بركان وانتي الحماما
يا الله وانا طالبْك حسن التعابير=ولسان صدق ٍمثل حدّ الحساما
مهنّدٍ للحق ما عنه تحوير=ما ينطق إلا بالدرر مالكلاما
شكيت من حال البشر والتفاكير=تموج بك موج البحر لا تحاما
حال ٍ على الله المشاكى وتغيير=الناس للأحلى وترك الحراما
ماني بلايمْك ابورود ومصادير=الهم واحد مسهدٍ للنياما
حرصك له اعنايه وشكر ٍ وتقدير=ينمّ عن فكر الحريص الهماما
والمعدن الطيّب لأصل المناعير=اللي لهم وقفات صدق وذماما
لا بد لاهل العلم وقفه وتذكير=للغافل من اهل الردى والخصاما
واصلاح يبدا بالفتى دون تقصير=يصون نفسه عن مواطي الرخاما
وتآمر ٍ بالعرف حبٍ وتبصير=في السر يُبعد عن عيون الأناما
نصيحةٍ ما هي فضيحة وتشهير=تزين (ع) الخاطر بليا ملاما
واتمسّكن بالشرع في كل تدبير=محجّةٍ تهتك ستار الظلاما
واختامها صلّوا عدد زاهي الطير=على النبي ما ناح فرخ الحماما

صح لسانك يا بو عوض

شاعر كبير وجزل

وقصيدة رصينة ورائعة

ورد رائع من شاعر مبدع


ولومك في محله وعلى العين والراس

وكلامك سليم ويستحق الوقفة والاحترام


اشكرك كل الشكر على تفضلك بالرد

على تلميذك


محبتي وتقديري استاذي الكريم

تسلم يا بحـــر

ومرورك من هنا شرف كبير

من مشرف قديم وقدير على المنتديات الشعرية

محبتي وتقديري

المشاركة الأصلية كتبت بواسطة جبرني الوقت

صحت السنتكم جميعا ...

ابدعتوا بصراحة ....

تقديري

جبرني الوقت

اهلا بك يا ابو عبدالله

والابداع تفضلك بالمرور من هنا

شهادة اعتز بها


شكري وتقديري

سيد الموقف
صح الله لسانك ولسان ابوعوض
شاعرين رائعين و قصائد لها قيمه
لله دركم ...ولكم كل التقدير

لا هنت يا الخطاف


تقديري