|| ليـنـت لــك قـلـب (ن) لغـيـرك مــا يليـنـه الـحـديـد ... ||

البارحه ياروح روحي خنجر عتابك حديد
............................. تومي بها وإليا أسهبت بين الضلوع أركيتها
حُكم الغلا خلاك تطعني وأنا اللي مستفيد
............................. فديتك أنت وكل طعنه من يدك فديتها
محبتك تجري بدمي من وريد إليا وريد
............................. بين الضلوع العوج بخشتها وقلبي بيتها
لينت لك قلب (ن) لغيرك ما يلينه الحديد
............................. ولديت لك عين (ن) لغيرك ما بعد لديتها
وغنيت فيك النادرات الشاردات من القصيد
............................. اللي تثير الصمت في الجمهور لاغنيتها
ونشرتها باشهر مجله للقريب وللبعيد
............................. على غلاف المختلف كلن قرا منشيتها
عقد (ن) يليق بجيدك اللي فارق (ن) عن كل جيد
............................. والشفه اللي هرجها معسول يخرب بيتها
لاقلت أريد وقالت آمر قلت مدري ويش أريد
............................. قالت علامك قلت أنا بغيتها وأخطيتها
مره من المرات في ليل (ن) نسانيسه جليد
............................. هزتني الذكرى وسرتني وأنا سريتها
مدري بطل مدري خبل مدري ذكي مدري بليد
............................. مير المهم إن العنود إليا دعتنيي جيتها
وإن شفتها عقب التعب والليل والبرد الشديد
............................. أقول ياليت الليالي كلها يالليتها
مرة شقاها للشقي ولذة سعدها للسعيد
............................. وألذ منها الجمره اللي في يدي ضميتها


للشاعر / سلطان بن وسام الهاجري
أتمنى ان تنال على رضى اذواقكم .. ...

راائعه ولشاعر راائع
شكراً لك ولإختياراتك والتي دوماً تكون جميله
أجمل التحايا ولاهنتي

اخووك

صح لسانك ياعلس
الف شكر لك ع تلك الاطروحة

وننتظر المزيد من عطائك
تحيتي لك..

( المسكت - عينك سماي )
مروركم هو الاروع ..
لاهنتوا ..

قصيدة من أجمل القصايد التي أحب أن أستمع لها دائما ,,,

أشكرك وأغبطك على ذائقتك الفريدة
لـــــــــــــك التـــــــــــقديـــــــــــر