||... الزمان اللي خذانـي مَنْـه واهدانـي غيابـه ...||

الزمان اللي خذاني مَنْه واهداني غيابه
.....................آااه .. ليته ماخذ(ن) عمري قبل ياخَذْه منّي
صرت "انا" والعالم المجهول واطوار الغرابه
.....................والسراب اللي يكحّل بالأمل طرف التمنّي
والسطر والهامش المهجور وانماط الكتابه
.....................والفواصل يوم همزات الوصل مَنْه اقطعنّي
والله اني يوم اغنّي له ترى مابي طرابه
.....................مدري وش جابه عليّ ؟ وقمت ادندن له واغنّي
جيته من اقصى شمال الحزن لاطراف الكآبه
.....................بس في نص الطريق اللي يودّي تاه عنّي
قلت يا ليل السهر ما شفت في دربك سحابه
.....................ما تشابهني وَلَا اشْبهها وهي كنّي / وكنّي
ل/ امْطَرَت ما تمطر إلاّ شوق وفصولي تشابه
.....................والعروق اللي ذبحها الياس لرضاه ازهرنّي
وكان شحَّت يا ضما الضلع الشمالي يا عذابه
.....................والله ان يمحل وتحرم عَنْه بنت انسي وجنّي
شوقي اللي لا كفر عقبه وش يطهَّر جنابه
.....................لا هو اللي دَاهَن الشيعه ولا هو صار سنّي
وحظي اللي ما عطاني مَنْه لا ينزع حجابه
.....................لو تخيَّبني ظنونه ما يخيّب فيه ظنّي
وصمتي اللي جرَّح شفاتي على ذمَّة رضابه
.....................ما نشف ريقي على طاريه وضلوعي تونّي
والثياب اللي لبسها في حدادي من ثيابه ؟
.....................كيف يلبسها وهو يسمعني ارْغي له واحنّي ؟
من كثر ما تشربه روحي وتعطش له صبابه
.....................لو يحط ايده على روحي لمس حدّ التجنّي
ومن كثر ماني تحرّيته وضيّعني شبابه
.....................قمت ادوَّرني اليا ما شاب في رجواه سنّي
ومن كثر ماني احبّه واشتهي حتى ترابه
.....................صرت اراعي في مداسه .. واجْمَع ترابه وابنّي
ومن كثر ماهو يكيّفني عسى يبطي صوابه
.....................دوم احب انّه يجي في كل لحظه يمتحنّي
اذكر انّي كانت في بابه وهو واقف ببابه
.....................والتفت احايل انفاسي وَلَا ادْري من طَعَنّي
ما تسآئلته وانا ناوي اعلَّمْه الاجابه
.....................لكن دموعي على طاريه هلَّن وافْضحنّي
اتذرّا بآخر النسيانْ وتبراني ركابه
.....................كل ما غمَّضت ابسلا عَنْه وافيته ب/ ننّي
علّموه يحلْ عن جوّي ترى ما هي طْلابه
.....................الزمان اللي خذاني مَنْه ما ياخَذْه منّي

لـ/ بدر الدخيل

من كثر ما تشربه روحي وتعطش له صبابه
.....................لو يحط ايده على روحي لمس حدّ التجنّي
ومن كثر ماني تحرّيته وضيّعني شبابه
.....................قمت ادوَّرني اليا ما شاب في رجواه سنّي
ومن كثر ماني احبّه واشتهي حتى ترابه
.....................صرت اراعي في مداسه .. واجْمَع ترابه وابنّي
ومن كثر ماهو يكيّفني عسى يبطي صوابه
.....................دوم احب انّه يجي في كل لحظه يمتحنّي

BNOoOT3 NA3MAH

عوافي ولاعدمناك يالغلا
على الأبداع في الأختيار , وان دل دل على الذوق .
تقبلي مروري وتقديري ودمتي بخير ..

ومن كثر ماني احبّه واشتهي حتى ترابه
.....................صرت اراعي في مداسه .. واجْمَع ترابه وابنّي
ومن كثر ماهو يكيّفني عسى يبطي صوابه
.....................دوم احب انّه يجي في كل لحظه يمتحنّي



BNOoOT3 NA3MAH


لا عدمناك يا احلى من كتب
واعذب من طرح وتنفس
عبير انفاسك ونبضات قلبك
تداعب منتدانا الغالي بجمالك وروعتك



تحياتي ايتها المبدعه

جيته من اقصى شمال الحزن لاطراف الكآبه
.....................بس في نص الطريق اللي يودّي تاه عنّي

7
7
7
7
7
علّموه يحلْ عن جوّي ترى ما هي طْلابه
.....................الزمان اللي خذاني مَنْه ما ياخَذْه منّي

الله عليك بنوته ناعمه
روعه لايشبهها شئ
شكراً لك ولاعدمنااك

اخووك

لآهنتي علىآ القصيـده الـذوق ..

لآخـلآ منك يالغـلآ ..

لاهنتوا على المرور العطر
ولاعدمت هالطله ..

BNOoOT3 NA3MAH

دائما متميزة حتى في طرحك للمواضيع وصياغتها ,,

لــــــــك الــــــــتـــقـــديــــر

لا هنتي على القصيده الرائعه ,,

لكي ودي

شاكره لكم مروركم الكريم ..
واسعدتني طلتكم العطره ..