|
#1
07-04-2006, 12:03 AM
|
||||||||
|
||||||||
:: تو .. طين ::
:: تو .. طين ::
وش عاد يا دار ٍ بها صار ( توطين )=و في مكتب التوظيف سوسن و ميسون !
مديرهم مدحت و نائبْته نسرين=و على الرسبشن حمّص و فول و زيتون ! كل ما اتصلت اسمع ( الو مرحبا مين ؟=بدّك وظيفه ؟ .. مين دلّك على هون ؟ ) اقول انا لي اتصل صار شهرين=و انتوا وعدتوني متى بس توفون اسمي ( مواطن ) ( جامعي ) طيب و زين=كني ابخطب عندكم و اتّغلون ! عندي شهاده طايحه بكبدي سنين=عشش عليها شي له ستة عيون !! لو للشهاده لسان قالت ( على وين=ناوي توديني .. تلف فيني الكون ؟ ) من كثر ما صورتها غارق بدين=للهندي راعي المطبعه صرت مديون لا ليلي ليل ولا نهاري نوى يبين=دقيت راسي لين ما صرت مجنون ! مطلوب خبره عالأقل في مجالين=ولا تجينا بواسطه و سير مدهون ! ولا انثبر في بيتك .. افرك بكفين=يومك يشابه امسك و عيش مغبون تعدادنا ويّاهم عشرين واربع ملايين=و اهل البلد للحين ما صاروا مليون !! ويلاه من باكر اذا وضعنا الحين=و احنا اقل من الربع حالنا شجون ! و اللي ابتسم له حظه والله مسكين !=حصّل وظيفه .. بس في وين .. تدرون ؟ ساكن في الجوف.. حطوه في الرين!!=و اللي سكن في الرياض.. في السلع مدفون !! يشوف اهله بس في الأسبوع يومين=و اذا حسبتوا الدرب كم ساعه .. تبكون يعني في كل احواله ذاق الأمرين=شغّال محزون و بلا شغل محزون و الأجبني اللي راتبه فوق عشرين=فله و سياره و تذاكر .. و طاعون عنده بدل كل شي عالراتب الفين=حتى بدل معجون اسنان و صابون ! و من بعد ما يجمع من بلادي فلسين=و يربّي م القعده على الكرسي بطون و يصير في بلاده غني و عنده برجين=يرحل و هو جاحد .. و كم مثله ملعون ! و حتى الجماعه قوم مدحت و نسرين=مردّهم لبلادهم لو يطولون يرضون بشوية دراهم .. و شفتين=صبح و عصر .. لو حتى في الليل يرضون بس لو سمعتوا همسهم بينهم بين=وسط القهاوي يلعنون و يسبون ! لا تحسبوني عنصري .. كلنا طين=و الخل لو عاتب محبينه يمون داري و انا اولى بها من الغريبين=ما يوصلون لحبها لو يموتون و ( الأقربون اولى ) .. كلام ٍ من الدين=ما جبته من شعري مع الهام و ظنون ولد البلد ما يبغي لبلاده الشين=بالروح بالدم يفتديها ولا يخون لكن سؤاله يوم قلتوا له ( توطين )=يا كيف بيد الغرب توظيفه يكون ؟؟!! شعارهم معروف ( راجعنا بعدين )=و باين من التأجيل .. انهم يخافون اذا معك خبره .. يا اهلين و سهلين=و اذا شهاده بس .. عنك يصدون ما عندنا شاغر .. و بطلنا تعيين=ولو تحرق الهاتف ترى ما يردون ! من وين اجيب الخبره ؟ من وين من وين ؟=دام الوظيفه عند سوسن و ميسون ! عندي بمطبخ بيتنا خبره سنتين !=تنفع اذا صاروا المطاعم يوطنون ؟؟! ولا اهاجر و آخذ الخبره في الصين ؟=صح العيون صغار .. لكن يقدْرون سؤال يا دار ٍ ..صراحه بترضين ؟=اني اسافر و اطلب الغرب لي عون ؟ و سؤال يا ناس ٍ على الراس و العين=صدق الوظايف واسطه و سير مدهون ؟ اما الجواب الشافي يجيني الحين=و هاتوا تأشيره .. اذا كنتوا ترضون 
جبل حرفه
آخر تعديل المسكت يوم
07-26-2006 في 05:17 PM.
|
|
07-11-2006, 12:13 AM
|
#2 | |
 
|
رد: :: تو .. طين ::
دام الوظيفه عند سوسن و ميسون !
عندي بمطبخ بيتنا خبره سنتين ! الله يعينكم يالشباب هههههههههههههههههههههه والله روووعه سلمت يدينك تقبل مروري ضي العيوون |
|
|
[img]
 [/img]
|
|
07-20-2006, 03:14 PM
|
#3 | |
|
رد: :: تو .. طين ::
جبل حرفه
الله يعطيك الف عافيــــه على المشاركـــه فـــي إنــتـــظــار المزيد من الإبـداع والتميز تقبل أطيب التحايـــا |
|
|
|
07-23-2006, 06:33 PM
|
#4 | |
|
عضو قدير
إنسان ينظر نحو السماء
|
مشاركة: :: تو .. طين ::
لكن سؤاله يوم قلتوا له ( توطين )
يا كيف بيد الغرب توظيفه يكون ؟؟!! شعارهم معروف ( راجعنا بعدين ) و باين من التأجيل .. انهم يخافون اذا معك خبره .. يا اهلين و سهلين و اذا شهاده بس .. عنك يصدون ما عندنا شاغر .. و بطلنا تعيين ولو تحرق الهاتف ترى ما يردون ! من وين اجيب الخبره ؟ من وين من وين ؟ دام الوظيفه عند سوسن و ميسون ! عندي بمطبخ بيتنا خبره سنتين ! تنفع اذا صاروا المطاعم يوطنون ؟؟! ولا اهاجر و آخذ الخبره في الصين ؟ صح العيون صغار .. لكن يقدْرون سؤال يا دار ٍ ..صراحه بترضين ؟ اني اسافر و اطلب الغرب لي عون ؟ و سؤال يا ناس ٍ على الراس و العين صدق الوظايف واسطه و سير مدهون ؟ اما الجواب الشافي يجيني الحين او هاتوا تأشيره .. اذا كنتوا ترضون صح الله لسسسسسسسسسان من قال هالأبيات وهذا والله الحاااصل بس من يسمع للشبااب العاطلين والطلاب الخريجيين وبالأخص الجامعييييييين ... الله يعطيك العافيه أخوي جبل حرفه.. أخوك أبو مانع .. |
|
|
اللهم اغفر لوالدي وأرحمه برحمتك
اللهم أجعل قبره روضة من رياض الجنه..
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
