قصيدة / الهاجوس

يا بو محمد سرى في الليل هاجوسي
عزاه يا من سرى في الليل هاجوسه

جمر القوافي غضى و تحوسني حوسي
وانا مع القاف والهاجوس في حوسة

انشد و ما كاني الا بالعٍ موسي
و اثر العنى في خفوقي راكزٍ موسه

احسبني العب على الدنيا بمنكوسي
واثر الزمن لاعبٍ فيني بمنكوسه

في غربةٍ مالها حدٍ ولا قوسي
والبخت بي مايلٍ صوّبني ابقوسه

حزين والحزن في دنياي كابوسي
عزاه يا من يكون الحزن كابوسه

و ونّ ونة غريمٍ بات محبوسي
يخفي المعناة والدمعات محبوسه

من وقتنا اللي يقدّر جيب و فلوسي
و يعينك الله يا من شحّت افلوسه

لو كان قرمٍ و راسه يعتلي الروسي
المال واهله بهذا الوقت هم روسه

في ما مضى اهل الشيم والدين ناموسي
واليوم قلّ الذي في الناس ناموسه

يمشي الخطر حولنا و يدق ناقوسي
والشرّ في كل وادٍ دقّ ناقوسه

يجيك نفع الغريب وفقوها بوسي
ويروح واخر عهود الخشم به بوسة

ولا يجيك البلى ينخر كما السوسي
الا من اقرابك اللي مثلما السوسة

دنيا الفتى كلها تجريب و دروسي
ويعيش ما عاش يتعلم من ادروسه

يالله طلبتك ينير الحظ فانوسي
ونكون ممن ينير الصبر فانوسه

و نكون ساعين للخيرات وعسوسي
للشرّ غلاّقةٍ ما حن من اعسوسه

# ابو فارس #

1440/11/10هـ

صح لسانك
أبيات رائعه
الله يعطيك العافيه

المشاركة الأصلية كتبت بواسطة عــذبــة الـــروح

صح لسانك
أبيات رائعه
الله يعطيك العافيه

الله يعافيك ويصح بدنك

وأشكرك على طيب المرور

صح لسانگ
كلمآت جميله

المشاركة الأصلية كتبت بواسطة عطر الحكي

صح لسانگ
كلمآت جميله

صح بدنك

شاكر لك حسن المرور..

ابدعت
صح الله لسانك شاعرنا

ابدعت ابا فارس صح ألله لسانك .
ابيات من ذهب لا هنت .

آلســلام علــيكم ورحمة الله
ابو فارس صـــــح لسانك
ربما الرد متاخر ومتاخر جدا
ولكن مثلك يعذر
القصيدة جميله وبحرها غريب
اقول ذلك ولست ذا خبرة في المجال
اشكرك ولك التحية

صح لسانك يا بو فارس

اختيار جميل ،،
وذائقهـ رائعهـً،،
صح بوحك يابوفارس..

شيخة

ابو فهد

عذب السجايا

صالح ال سليمان

محمد سالم


اشكركم جميعا على مروركم الغالي

والله يصح ابدانكم جميع،،