قصه مضحكه

سلام عليكم .

القصه هذي مادري هي موجوده هنا من السابق أو مكرر ولكن ..
أعجبتني من جد لإحساس الصدق في تفاصيلها ,, أسمحو لي بسردها :

وحده تقول :
بنقل لكم قصة أو موقف صار لأبوي وامي أيام زواجهم ,
بقولها لكم مثل ماحكتها امي لنا ...
تقول : تزوجنا أيام الغزو العراقي للكويت وأبوكم ماجلس معي الا أسبوع وطلبوه للحرب لأنه في الحرس الوطني
،،، عروس وشهر العسل اللي يقولونه صار أسبوع .
كتب وصيته وقال لاتفتحونها الا اذا مت . وانا توني صغيره يوم اخذته ولا عرفته زين
أنتقلت كل العائله لمزرعة جدي وجده ( الديره ) طبعاً هو ولد عمي . تخيلو سبع عوائل في مزرعه وحده. في كل زاويه أربعه خمسه وزحمه وحوسه وانا كل تفكيري بزوجي متى يجي ....
والمزرعه بعيده عن المدينه
بعد أربعة شهور جاء زوجي عطوه إجازه يومين ...
ومامعه إلا وقت قليل ويرجع لدوامه . حاول يشوفني وحاولت أشوفه واجلس معه ماقدرنا كل المزرعه يراقبونا
ومافيه مكان ... لازم أقابله وسط الرجال والا يقابلني وسط الحريم .
جاتني أختي الصغيره ومعها ورقه قالت هذي من زوجك . وأخذها واروح اقراها ابي اعرف وش مكتوب فيها .
أول مافتحنها إلا كاتب قابليني في حوش الغنم الساعه عشر .. غنم يالظالم ...
ماعليه ماعليه حرب والعالم قايمه قاعده وادور له عذر ..
وقاعده احسب الدقايق والساعات. لين جات الساعه عشر . وتسحب من بينهم لين وصلت وصلت حوش الغنم . وادخله والقى الحب ينتظرني . وقفنا مقابلين بعض عيوني في عيونه. مستحيه منه ومشتاقه له .
صح ظلام بس النور اللي يجينا كافي .. شوي ماحسيت إلا انا طايرهوزاحفه على وجهي ، وجاني يركض زوجي وشوي ماحسيت إلا وهو يصرخ ومتمدد جنبي . ونلفت وسط الحوش إلا تيس جدي مايخلي احد ماينطحه وهو يركض ورانا وينطحنا .....
بنتدارك الوضع لا ننفضح . ماأمداني أقوم الا وينطحني في راسي . واعطيهم ذيك الصيحه الا وصافرات الإنذار أشتغلت والمزرعه كلها قامت على صراخي وجدي جاي يركض وميت ضحك .
عرف ان التيس رثع فينا لاعاده الله من لقاء رومنسي ..
زوجي قام وقضب الباب بيروح لدوامه وانا من الدوخهاللي في راسي والحياء أبا ادخل البيت ضيعت الدربوصرت الحقه وهويقولإنقلعي وراك لاتلحقيني وانا أقول الدرب وين ... وصرنا على لسان كل اللي فالمزرعه والمزارع المجاوره . وهو غسل يده مني مارجع الا بعد ما أنتهت الحرب
وانا كل يوم اسمع صوت التيس وادعي عليه.الله لايوفقه مثل ماخرب ليلتنا الرومانسيه ...
لا وسمونا انا وزوجي المترديه والنطيحه..!!!!

ههههههههههه


ليته قعد في الجبهه وتكون سلمت الجبهة .


شكرا لك .

المشاركة الأصلية كتبت بواسطة ابوفهد العمري

ههههههههههه


ليته قعد في الجبهه وتكون سلمت الجبهة .


شكرا لك .

ههههههههههه
انشهد انك صادق اخوي ابوفهد .
شكراً لك وتعليقك الشيّق . لاهنت ياعزيزي

قل يالله إن الله لا يوفق هذا التيس
حرام إني لكون ذبحته في حينه ( هب الله يكسر حظه )
بصراحة قصة مضحكة ورائعة جداً بس أظنها والله أعلم مجرد قصة وأيام غزو الكويت
كل الخدمات والبيوت والفنادق مثل اليوم وما فيه ذاك الفرق والبيوت يا كُثرها ..
ما علينا سواء كانت كذا او كذا المهم إن التيس هذا يفقع القلب
لاهنت ولك تقديري ..

هُهُهُهُهُهُهُهُهُهُهُهُهُهُهُهُهُهُهُهُهُهُهُهُهُ هُهُه
هُهُهُهُهُهُهُهُهُهُهُهااااايَ

وربي دوخت ضحگ

الله يعطيك العافية ع النقل

هههههههههه من العواذل عساه ببقعاء...شكرا لك

تزوجت و انا طالب في كليه عسكرية و كل يوم الله لا يوريك
و انا اطامر مع شبك الكليه و لا ارجع الا على صلاة الفجر
و اخوي الكبير يسألني وش عندك طالع قلت مستأذن

ايام العرس الأولى حلوة جدا

قد تبدو القصة مضحكة وفيها نوع من الطرافة
وهذا يدل على ان الامن اذا اختل اختل معه كل شئ
حتى المباحات من مأكل ومشرب وزواج
نسال الله ان يديم علينا الأمن والاستقرار ويثبت علينا الايمان
ويحفظ بلادنا من كل شر وبلاد المسلمين
ولا يعيد ايام الشر