ابتدينا عند احبك وانتهينا عند بااااي

لعنبو قصة غرام كل ابوها كلمتين =ابتدينا عند احبك وانتهينا عند بااااي
تونا ماقد مشينا في الهوى لوخطوتين =وانتهى الموضوع كله حتى ما اعرف وش خطاي
وانتهت قصّة حياتي بكل سهوله تحكمين =وين احبك؟وين اريدك؟وين ساكن في حشاي
يمكن انك ماوفيتي يوم جيتي تعشقين =ويمكن انك تحسبيني بتبعك من دون راي
ويمكن اصلا ماعشقتي بس كنتي تلعبين =ويمكن انك ماوصلتي في هواك لمستواي
ويمكن اني ماعرفتك في الحقيقه وش تبين =ويمكن اني خنت نفسي..يوم اعطيتك وفاي
علميني في الهوى ياجاهله وش تعرفين =تعرفين انك غديتي شي يجري في دماي
علميني في العطاء والتضحيه وش تفهمين =لعنبو حيك عشانك بعت اقرب اقرباااااي
كنت احطك في عيوني تسرحين وتمرحين =كنت اشيل هموم قلبك وارمي همومي وراااااي
كنت اطير من السعاده يوم اشوفك تضحكين =كنت ذايب في غرامك مثل سكر وسط ماااااي
كنت نايم في العسل وارسم من الفرحه سنين =كنت اظنك قلب عاشق ماسكن وسطه سوااااي
ماوعيت الاوانتي في خفوقي تطعنين =ماوعيت الاوسيفك بالحشا....رايح وجااااي
وردة ايه والله ورده بس عرفتي تجرحين =كل شي فيني جريح الافخامة كبريااااي
ما تأثرت بغيابك ويش يعني دمعتين !!؟؟ =بكره انسى صدقيني وارجع بكامل قوااااااي
ادري ان حنا افترقنا بس ابفهم حاجتين =علميني وش كسبتي وعلميني وش خطاي
اصلا الموضوع كله ما تعدى كلمتين =التقينا عند احبك !! وافترقنا عند باي

ودمتم بالف خير

صح لسانك يا معانق الغيم ...

قصيده رائعه جداً ...

لا حرمناك يالغالي ...

تقبل خالص تحياتي ...

والسلام عليكم ...