شاركونا بافكار لزيادة الدخل

بسم الله الرحمن الرحيم


الكل يعرف انه هذه الايام لايكاد الراتب يكفي الشخص إلى نهاية الشهر وهذا بسبب الغلاء الفاحش الذي نعيش فيه
فالبعض منا لايزال اعزب والثاني بدون بيت والثالث يدوب يوفر المعيشه لعائلته وغيرها من الاحتياجات التي لايغطيها الراتب

فأحببت أن اطرح هذا الموضوع لكي نضع افكار لزيادة الدخل

ولا احد يجي يقول ابني لك عماره ولا اشتر فله ولا يطرح مشاريع تكلف اكثر من 100 الف ريال لا هذا يبعد عن الموضوع هههههههههههههههههههههــ

بانتظاركم

كلمتين ورد غطاها

(هب عينك مع يدك)
وخل التبذير

المشاركة الأصلية كتبت بواسطة الخيال....

كلمتين ورد غطاها

(هب عينك مع يدك)
وخل التبذير

بس مو كل الناس مبذرين يا خيال !!!

من لايكفيه راتبه لنهاية الشهر فهو مبذر
ويأخذ أشياء هو في غنى عنها وليست من مقومات الحياة . شوف أنت وضعك الحالي تحصل جوالك اخر مديل
وسيارتك اخر مديل وكل يوم تتغدى كبسه أوتتعشى
والعشاء في أغلب أيام الشهر من برى والخساره
شغلة التميس والنواشف هذي لها ميزانيه لحالها
بغض النظر عن الأكلات الاخرى التى تطلب من المطاعم
وغيرها كثير من اسواق وملابس وخرابيط تتبع الموضه وفلان عنده أو فلانه وانا ماعندي وفلانه راحو وانا ماتوديني ولكن هذا من جهة ( الراتب لايكفي الحاجه ).

أما زيادة الدخل فحسب ميولك وسيولتك ممكن يزيد الدخل
وأرضى بالقليل يأتيك الكثير
ويارب يكون رصيدك أثنين مليون أخر السنة 1435هـ
وتعطيني بس 100 الف خخخخخخخخ

المشاركة الأصلية كتبت بواسطة الخيال....

من لايكفيه راتبه لنهاية الشهر فهو مبذر
ويأخذ أشياء هو في غنى عنها وليست من مقومات الحياة . شوف أنت وضعك الحالي تحصل جوالك اخر مديل
وسيارتك اخر مديل وكل يوم تتغدى كبسه أوتتعشى
والعشاء في أغلب أيام الشهر من برى والخساره
شغلة التميس والنواشف هذي لها ميزانيه لحالها
بغض النظر عن الأكلات الاخرى التى تطلب من المطاعم
وغيرها كثير من اسواق وملابس وخرابيط تتبع الموضه وفلان عنده أو فلانه وانا ماعندي وفلانه راحو وانا ماتوديني ولكن هذا من جهة ( الراتب لايكفي الحاجه ).

أما زيادة الدخل فحسب ميولك وسيولتك ممكن يزيد الدخل
وأرضى بالقليل يأتيك الكثير
ويارب يكون رصيدك أثنين مليون أخر السنة 1435هـ
وتعطيني بس 100 الف خخخخخخخخ

ههههههههههههههههههههههههــ ماااباقي ياخيال الا تتكلم عن ملابسي

أنا وبكل صدق لست كما وصفتني والكثير مثلي

ولكن انت الظاهر انك عايش في نعمه فالله يزيدك ان شاء الله

واشكرك على مروركـ

موضوعك جميل يا خويلد وهو حديث المجالس .
انا اقول لنزيد دخلنا :
اولا : نمد ارجولنا على قد اللحاف ونبتعد عن تقليد الاخرين .
ثانيا : نرمي الغترة والعقال وننزل السوق فوالله ان فيه خير كثير .
اعرف كثير من الجيران على قولتهم نطقطق في الحراج مرة حراج السيارات ومرة حراج الغنم ومرة حراج المواد المستخدمة واللي معه دباب اربع كفرات يسرح الصباح قبل الفجر ولا يحين وقت دوامه الا معه خير وبعد الظهر يمراصحاب المزارع ويحمل من عندهم خضار وخضروات طبخ ويبيع .
لاحظت شباب لهم علاقات في السوق جميلة ونظيفة يذهبون لأصحاب المحلات ويتفاهمون معهم حول احتياجاتهم ويوفرونها لهم وقد نجحوا كثيرا .
ويا ربي لك الحمد مبسوطين وخيرهم وافر .
ثالثا : يجب ان نعمل لا ان نفكر كيف نعمل .
هذا مالدي وسلامتك .

بصراحة يا خويلد أنشبتنا !
تقول كيف نحسن الدخل بس مشاريع كبيرة لا . طيب وش نقول أكثر من التوفير الذاتي ..
والتوفير الذاتي أجاب عليه الخيال وأبو فهد وما عاد به زود على كلامهم ..
إذا كان قصدك أن نقول يقوم بعمل كذا وكذا ( أعمال تجارية صغيرة بدائية ) فما أعتقد بأن هناك ميول
كبير للقيام بها من قبل الكثيرين والله أعلم ..
تقديري ..

موضوع منتاز جدا ً وبعيداً عن تعليقاتي المعتادة أقول هناك فرص كثيرة و سريعة ومنها :

البنات / مقاصف المدارس تتفق ثنتين او ثلاث من البنات ولو معهم شغالة يكون احسن ويروحون يلفون المدارس اللي ويمسكون المقاصف واخوانهم يدعمونهم بالمقاضي ثم كل وحده تمسك مدرسة بدل قعدة البيت "ولازم تكون شخصية البنت قوية ولا تقعد في البيت"
2. فطور يومي للمعلمات يلفون المدارس الحكومية او الخاصة واللي لها قريبة تساعد في الدعاية ويكون قيمة الفطور 50 ريال+ خمس مدارس =250 ريال × 20 يوم =12,500 اثنى عشر الف ريال
هذي اسرع الطرق لان يبدأ الواحد فيها من بكرة ويحصل فيها يومياً بين 200 و500 ريال × 20 يوم = بين 4000 اربعة الاف و10,000 الاف ريال شهرياً

الرجال 1. سيارة ليموزين / المطلوب رخصة عمومي فقط واذا كنت عسكري يامكانك تاخذها عن طريق احد الاقرباء.
2. سمسرة مكاتب العقار / تروح تلف بذا الشوارع اذا حصلت ارض او بيت دق على صاحبها للبيع ايه للبيع بكم طيب بكذا تنقز على طول لاي مكتب وتعرضها عندهم وتلف هلى المكاتب لين تدوخ لان فيها 2ونص بالمية
3. يوم الجمعة عب موترك من اسواق الخضار وخل العيال يبيعون عشان الاحراج " ما فيها شي" العيب انك تتسلف .

لكن المشكلة على قولة الفيران " من يعلق الجرس " تذكرونها القصة هذي .. لكم التحيـــــــ@

موضوع رائع بل أكثر من ذلك بكثير ...
أتمنى من الإدارة تثبيت هذا الموضوع ليقدم كل من لديه فكرة أو إقتراح لفائدة الجميع ...
موضوع مهم أخي خويلد وأحسنت الإختيار ...
تقديري ...

عندي أفكار كثيرة بس بالأول ممكن أعرف بعض الأمور


أولا :

1- ماهي مواهبك أو أشياء تجيدها وتحب تسويها

2- كم شخص أنت مسؤول عنه وممكن يتعاون معك وش مواهبه أو الأشياء اللي يحب يسويها

ثانياً :

1- كم معك مبلغ أدنى شيء ممكن تفكر فيه أنك تزيد دخلك

2- كم راتبك (( السؤال اجابته مخير بها ولست مجبر )

ثالثاً :

يجب تكون دقيق في الإجابة حتى أكون دقيقة في الأفكار الناجحة بإذن الله


تقديري

الله يوفقك. ياخويلد ويرزقك ومن مثلك من واسع فضله
حقيقة قدم الآخبر والآكبروالآفضل مني توجيهاتهم ولابزيد عليهم
الآ باكون متابعه ومستفيده .. تقديري للجميع..

مشاريع تكلف حول 100 ألف
ممكن تفتح مغسلة ملابس او مكتب تاجير خادمات او سواق توصيل مشاوير وتعطيه باص صغيرون او فان يوصل بنات المدارس والجامعات واحسب على الرأس 500 اذا كانت طالبة مدرسة و 800 او زيادة اذا كانت طالبة جامعة او معلمة وممكن مشروع منزلي مثل تجهيز ولائم وحلويات منزلية وتسويقها عبر مواقع التواصل مثل تويتر وانستقرام