ملخص محاورة الشيباني - الغراني - الرادار - خالد بن مشرف

البدع (الشيباني)
اسمعوني ياعرب والعنو الشيطان
قبل ما يضحك بكم شب ٍ وشيبان
يا مدير المنتدى الحق على الاخوان
كانوا اصحابٍ وصارو كما العدوان
كل واحد حامين راسه وفي عزما
لين صار اثنينهم في مناشبه!



الرد(الغراني)
السواني والمغرّب لها شِيطان
كيف والمعنى رزم له صبي شيبان !
جعل مافينا حقـودٍ ولا خوّان
وجِعلنا فـ الصف الأول مع العدوان
نارِد العدّ المصفّى وليته عِـز ما
والحكيم أبدى مرامه وناش به



البدع(الرادار)

وش حصل يا اصحابنا في جبل دخان
يوم عادت قوة الجيش في جيزان
والمعابر قفلت من ورا نجران
كن به شيءٍ بعد خافيٍ بيبان
ليه كلٍ عاد من تونا محتزما
والخطاء بين المعلم وطالبه



الرد(بن مشرف)
المواطن ما درى والمورد خان
ضحك عالمفتي وقال انت في جيزان
ما درى انه ينجراقلوبنا نجران
ما يرده لا حكومه ولا بيبان
قالو اسمح والشّيم بالمسامح تزما
والمواطن ملّ والصبر طالبه




البدع (الشيباني)
وارد الامريكي ووارد اليابان
التقو من بعد ما طاحو الافغان
يا مبارك قبل ما تعقد الايمان
اصدر الاحكام على المتهم والجان
نحمد الله صلح جاسر وصلحي تمّا
وانت جالس فوق برج المراقبه



الرد(الغراني)
لا تهدّ السور وأدعيك به يابان
واكفنا الله من هل الشر والليغان
نحمد الله قارَب الكفو الآيمان
يوم دق الزير شفت العرب والجان
الهروج الميّته مالها ميتمّا
والمراقب شلّها والمراقبه




البدع(الرادار)

يا قبيلي زان علمك وعلمي زان
مانبي حلفٍ في المعركة واديان
وانت تعرف منهج الحضر والبدوان
نحتمي دون المواقيف والحدان
نحمد الله عدنا راهيٍ ما نظما
والقراح ايبين من حلق شاربه



الرد(بن مشرف)
يا رفيقي ركّب الحب عالميزان
لا يهمك لو تسيل الدما وديان
دوّر الي يبتدي بالردا بدوان
وانا باجرد للعدا صاطي الحدان
اما في بدع الطواريق واما نظما
من فتل شاربْه بنحلق شاربه




البدع (الشيباني)

من سكن في جده اصبح من الحضران
بعد ما كانت حياته وراء شقصان
اهدر اهدر واكثر الهدر يا سمحان
تاليتك اتعود لاصحابك الشركان
البعير اللي يساوَم بليّا وسما
ما شريته لين وسمّت غاربه



الرد(الغراني)
نبّنا الونعم وجينا مع الحضـــران
وهل الجودات ما آشقصهم شقصان
دام راسي راس والدرب في سمحان
والقصايد لهلها خير ، والشـر كان
فانا لي فـ الشعر رسمٍ وأعدّه بـاسما
لاتُقـل تشرق .. وآرى الشمس غاربه




البدع(الرادار)

الرسايل جات منكم بلا عنوان
قلت بنترجم ولا فيه ترجمان
يابن مشرف عزوتي لا احتمى الميدان
زهّب المحزم وانا بوزن النيشان
الهدف حطّوه لأصحاب تو المرما
مادروا ان من يحكم العلم صايبه



الرد(بن مشرف
قل لمن لا يعرف القصد والعنوان
يحسب ان القوم تومن وترج امان
قله اني في الميادين ياحميدان
مثل بو زيد الهلالي وشاني شان
اترك اللي يوم حطوه تو المرمى
زادت اهمومه وكثرت مصايبه




البدع (الشيباني)
والله انا ونعمٍ نقري الضيفان
وانتمدّح في المحاريف والالحان
ما نغش القوم في سابق الازمان
واما هذا اليوم دولة وفيها امان
ما بتاصل رميتك للهدف وانت اعما
والله ان بعض السواليف عايبه



الرد(بن مشرف)
والله انا نبخص النقص والضيفان
يوم حان الوعد في اليوم لول حان
والنمر يلزم سنام الجمل لزمان
لا تمثل تو فرعون ياهامان
والله ان تتعب وتحفى القدم وان تعمى
وانت ما جيت النمر في شعايبه




البدع(الرادار)
انت تبني البيت ماله صبر وبطان
والعصيم اتقرّبه ما معك خلان
يمكن ان قصدك تبي اتخالف العمدان
لكن احذر يا ادمي تضحك العربان
بيتك اللي تحسبه بالحبل ملتزما
لو تهب الريح تقطع نسايبه



الرد(بن مشرف)
الكفو عند المصايب وسيع بطان
والخطل لا جيت عند المداخل لان
والسوالف جات بالقصد والعمدان
لاكن اللي في سكاكا وعرعر بان
لا تحسّب كل بو لحيةٍ ملتزما
دقن راعي الغش تقطع نسايبه




البدع (الشيباني)
ما بنينا الا على جامد السيسان
افصح افصح واحكم القول والقيفان
هبتني في غبة السيل والفيضان
ليه تحرجني مع الربع والصدقان
والله اني صرت محتارٍ ومنصدما
من هروج امبارك ومن كتايبه



الرد(الغراني)
يابو مشيْب عامل القوم بالسيسان
ليش تقسى .. وجه بعض العرب قيفان
وأنا عندي مشترى ذود وألفيضان
يوم أزكّـيها تبارك مع الصدقان
وإن نصينا بعضكم شفت فـ المنصى دما
ما نهاب (استيف) حُقنا كتايبه




البدع(الرادار)
مانويت احرجك يا نجل بن ريعان
وانت من روس القبيلة ومن لعيان
شاعرما تقبل الجور والنقصان
مير لازم تتّبع منهج السلطان
والله لو يصدر عليك امرنا والحكما
ماتشافا ضربةٍ فيك غايبة



الرد(بن مشرف)
عند مدح اهل الوفا نجلب الريعان
والثمن نوفيه لو كان من لعيان
الوفي ما يعرف الغدر والنكصان
والله اللي يعطي المال والسلطان
خل عنك الباصرة صنها والحكما
كيف تحكم واكة الحكم غايبة



البدع (الشيباني)
و الله منزل طه والكهف والفرقان
اني اعدّك زميلٍ ولك مكان
وانت حاكم نحسبك حاكمِ بطران
مير تالي الظلم والجور بالخسران
صفنا واحد وانا على الوعد منتظما
خل عنك الفلسفه والمشاغبه



الرد(الغراني)
لا تفّرقنا وما بيننا فـرقان
لجل مانعطيك بالكف لكمكان
كنّك تعدّ العتابة كما المطران
ياوجودي شفت أنا " بيعة الخسران "
صاحبك ظامي ، وهيهات له وأنت أظما
إن مشى في النور كنه مشى غبه




البدع(الرادار)
اسمعوا ما اقول في السر والاعلان
مانفرّق لا خوال ولا عمّان
حتى لو جاء فـ اللقاء بيننا عتبان
والمقاصد بيّنه واللسان احصان
حاكمٍ من بينكم مايحب الظلما
مايحط العين من فوق حاجبه

الرد(بن مشرف)
اسمعوا يا قوم عندي خبر واعلان
ما بنعلن لجل صنعا ولا عمان
كلنا ابني عمرو ما بيننا عتبان
منهو اللي حط للمفسدين إحصان
الملك يبغا السفر ما يحب الظلما
والبلا في مستشاره وحاجبه


ـــــــــــ

بيّض الله وجهك ووجيه الشعراء ..

لدي ملاحظة بسيطة من شان بعض الأخطاء حال النقل ، وياليت تتعدّل وهي الملونة باللون الأزرق :

لا تهدّ السور وأدعيك به يابان
( توضع هنا مسافة بين الياء و كلمة بان فتصير هكذا : يا بان)
واكفنا الله من هل الشر والليغان
نحمد الله قارَب الكفو الآيمان
( تُكتب هكذا : الكفّ و الآيمان )
يوم دق الزير شفت العرب والجان
الهروج الميّته مالها ميتمّا
والمراقب شلّها والمراقبه

بيضآن وجيه ... وفآآلكم البيض كلكم