حنا بني عمرو

ســـــر ياقلــــم

سر ياقلم واكتب على الطـرس طاروق == اقدح جزيل القاف واحـرق حريقـه
خانوق شعري خانق الـــروح خانـوق == واليا خنقني شيّـب القـاف ريقـه
يشوش راسي واقدح العــز بالشـوق == واشعل فخر مرهب لهايـب بريقـه
حاروق عزي محرق الـــــذل حـاروق == لابـو مسيـر الـذل لابـو لبيقـه
ياهل الوفـــا ماعاقكم بالوفاء عـــوق == انتم غـرام الجـود وانتـم غريقـه
(بقعاء) من اسمه للعدو ماخذه سـوق == اهل الشجاعـه منوّخيـن السبيقـه
حنـا بني عمر والمجد شامـخ الطـوق == الموت للي يعتـرض فـي طريقـه
ربعي على الفزعه براكيــــن وبــروق == تحرق جيوش(ن) قد تعسكر فريقـه
يشـــهد لنــا البارود والرمـح مـزروق == زرق الرماح اللـي تدامـى زريقـه
ماقلتها بمـــطافـق الــــلاش مطفـوق == صـدق المعانـي قلتهـا وا لحقيقـه

صح لسانك يالرافعي أشهد بالله أنها قصيدة جزله لاهنت يالذيب ولا عدمناك ..

أسيــ الظلام ــر

قصيدة رائعة يا رائع ..

لكن من قائل هذه القصيدة ؟!

لا هنت .. ولا عدمناك ..

ربعي على الفزعه براكيــــن وبــروق
000 تحرق جيوش(ن) قد تعسكر فريقـه

الرافعي
سلمت ودمت
وبارك الله فيك
ولاهنت يابعدي

لك أجمل الود
اخووك

والنعم والله والسبع انعام
كلمات رائعه تسلم اخوي