وجه الصحيح

ماني بقاطع حق وانتم تعرفون

اللي يعرف الحق مايجهله حد

جار الزمان وصرتم اللي تباهون

والبكره السمرا على الجزر والمد

قد بعتها ومن الغنايم توالون

جربا وهي من ذود لخيار تنعد

ضاعت سنه وانتم على مال قارون

والصبر صبر آيوب سيفاً وله حد

ما ظن يجمعني بكم أي قانون

جار الزمان وصار فيني كمالسد

جارت هقاويكم على ماتمارون

وشد رحايلكم على هقوت الشد

وقصرت أياديكم من اللي توادون

وطلبت طلايقكم على الضد بالضد

هبنا وحنا ما رضينا لكم هون

لا تحسب هذي وهاذيك بالند

رضيت لي مكسب سفيهاً على الشون

وانا رفعتك فوق واعطيتك الود

رميتني واصبح صباحك لهارون

وخليتني ياصاحبي اطعم الصد

صرتوا مع المخطي وصرتوا تناسون

يامنسب الهقوه ويامقرب الجد

حلفت لقطعكم عساكم تولون

واللي يمثلكم ردي وله حد

واللي يجملني وفاء صار عربون

عربوني اللي راح ماله ولارد

واللي يشرفني على هامة الكون

وجه الصحيح وكلمة الحق والجد