تناقضات عجيبه اريد رأيكم !

بسم الله الرحمن الرحيم
السلام عليكم ورحمة الله وبركاته

ندخل في الموضوع بدون مقدمات وارجو لا احد يزعل او ينكر ذلك فهو موجود وهذا رايي :

يقول ما اقدر احج في حمله بـ 3500 .
والصيفيه تكلفه عشرين الف ريال .

يقول ما اقدر اشتري اضحية بـ 1600 ريال في السنه .
ويذبح في السنه اكثر من ثلاث او اربع للمجاملة .

يقول ما اقدر اقصر الثوب الى فوق الكعب استحي سيقاني ما تساعد .
وعلى البحر وفي الاستراحات بالبرمودا مع ربعه .

يقول ما اقدر اربي اللحيه تأكلني دائم اهرش فيها .
وتجد السالفه الى نصف الخد وتحت الشفة السفلى نقطة سوداء وربما يدق السكسوكه .

يقول ما اقدر اصلي عند فلان يطول في القراءة وانا اتعب من الوقوف .
وفي الحفلة يقف بالساعات ولا يتعب .

يقول ما اقدر احضر المحاضرة الفلانية مشغول .
وتجده في السوق يدوج بدون فائده .

يقول ما اقدر اتابع الشيخ الفلاني في التلفزيون .
وتجده يتابع المباراة حتى تنتهي والمسلسلة حتى تنتهي وربما يسب ويلعن ويشتم بدل الاستغفار .

يقول ما اقدر اصل رحمي ايا كانت ولو بالاتصال مشغول .
وتجده مع اصدقاءه من مكان الى اخر والاتصال بينهم بالساعات .

وتجده يقول ويقول ويقول ويعمل خلاف ذلك .

هذا ما يخص الرجل وللمرأة مقال اخر باذن الله .

رايكم فيما سبق يهمني شكرا لكم مقدما ..