سؤال صعب والإجابة عليه أصعب

سد الوادي
البنت ممكن يبيعها ابوها وممكن هي تبيع نفسها هم خلهم على جنب
انا اسأل عن شخص انتهى عمره الافتراضي واصبح مثل السياره القديمة اذا مشت يدرون الناس انها في الطريق من كثر الاصوات اللي تطلع منها
هو يكون كبير عنده ضغط وسكر وروماتيزم واشياء اخرى لايصح ذكرها
ثم يتزوج ! بحجة ان زوجته منتهية الصلاحية
وكأن الزمن يمر عليها هي أما هو فالزمان يستحي منه وخلاه من عيال امس

ما احد جاوبني وش اللي يخليه يغير ؟
اعطوني سبب من داخلكم ايها الرجال ولا تلصقونه بالمرأه لان رجل يعيش مع زوجته اربعين سنه وأكثر ثم ( ينكبها ) في اواخر عمرها بأخرى صغيره والعذر جاهز : صبرت عليها اربعين سنه !
حسبي الله عليك وهي ماصبرت والا هي آلة بوشت نرميها !!!

اقول من عندي ان السبب الحقيقي هو مراهقه متأخره مع شوية فلوس فقعت قلبه عساها بحرامي لايبقي ولايذر .


سد الوادي
الموضوع ازعجني كثيرا لان من بداية السنة الى الان سبعة (مكحكحين سمعت عنهم تزوجوا وتنكروا للاولى بشكل مؤسف ومؤلم .
يعطيك العافيه شكرا لمرورك .