بيتزا نواااااره غيــــــــــــــر ..

يسعد مساكم جميعا ..

جبتلكم اليوم بيتزا بس خطيره ..

اول شي سوي الصلصه الحمرا و لازم تسوينها اول شي عشان يمديها تبرد

طماطم مفروم مره + قليل معجون طماطم + ثوم مفروم + ششششوي فلفل حار مفروم + فلفل اسود مطحون + ملح + زيت زيتون + زعتر

نحطها ع النار حتى تتجانس .

نبدا بسم الله بالعجينه :
كاسة مويه
ملئ فنجال قهوه سكر
ملعقه كبيره خميره
نخلطها مع بعض بالمضرب اليدوي حتى تمتزج جيدا

ثم نضيف :
نص كاسة زيت
ثلاث ملاعق كبيره حليب بودره
و نحرك جيدا حتى تمتزج

ثم نضيف كاسة دقيق فاخر و نخلط بالمضرب اليدوي ثم نضيف كاسه ثانيه ونبدا نعجن بايدنا و زيدي نص كاسه دقيق او حتى تتكون عجينه لينه و طريه .

نتركها تخمر على الاقل خمسه و اربعين دقيقه او نص ساعه

ثم نفردها على شكل دايري و نضع عليها الصلصه الحمرا اللي سويناها

ثم بقية الاشياء اللي تنحط ع البيتزا ..

الشكل الاول :



اول شي دهنت العجينه بالصلصه ثم رتبت البقيه بشكل دايري زعتر ثم جبن كيري ثم فلفل اخضر ثم جبن شدر ثم زيتون .

و هذا الشكل الثاني :



دهنتها بالصلصه ثم قسمتها اربع اجزاء فصلتها بالزيتون و الزعتر و جزء حطيت جبن كيري و جزء جبن ابيض و جزئين فلفل اخضر و شدر < بغيت احط النقانق بس امي ماتحبه ..

و بس و بالعافيه و ان شاالله يعجبكم ..