قصيدة طلال الرشيد التي تحفظها قبيلته شمر صغارها قبل كبارها

كنت قد وعدتكم في وقتا سابق بموافاتكم بهذه القصيده الرائعه للشاعر العظيم طلال الرشيد التي يعتبرها رحمه الله من اروع القصائد التي كتبها ويعتز كثيرا بها كما احب ان انوه بأن هذه القصيده كتبها في شخص معروف لدى الجميع واكيد انكم تعرفون قصة هذه القصيده جيدا هنيئاً لشمر هذا الشاعر الرائع رحم الله موتانا وموتا المسلمين .

قصيدة طلال الرشيد التي تحفظها قبيلته شمر صغارها قبل كبارها

يا صغيّر ما يكبرني لقب=وما يصغرني إذا انكرني صغير
ما خذينا الصيت من جمع الذهب=ولا نسابة شيخ او قربة وزير
كاسبينه من هل السيف الحدب= الجنايز كان ما جاك النذير
صيتهم نجم ٍ على رأسه لهب= سمعوا الصقهان به واجهر ضرير
بالوفا تاريخ أبيض ينتصب= لا حكوا بالحق حيين الضمير
ضيغمين للسناعيس انتسب= لابةٍ طلنا بها عرش كبير
عند حدك يا كثير الهرج تب= لا تمر النار وثيابك حرير
كان لك عز بذلي فتعقب= والله ألا تبطي وحبلك قصير
احسبنك من صناديد العرب= واثر ساترتك عباتك ياغرير
ما حسب للسوس زراع القصب= والقراده ما درى عنها البعير
ولو حسبنا للحسايف والتعب= ما بذرنا يا العصافير الشعير
عن هللك ابراي لله واحتسب= الرجال اللي مجاراهم عسير
من قريش المصطفى وابو لهب= والدغالب ما غشت عذب الغدير
للرجال من الرجاجيل العتب= والزكاة تحل في حال الفقير
لعنبو وقتٍ غدينابه حطب= تحرقه نار يثورها اجير
ما ألومك والزمن سوى العجب= هو بقى غير الكرامه بالجفير
ما أذل وراسي يشم المهب= لو بقى من شمر طفلٍ غرير
ما اهاب ولا يزلزلني غضب= الشجاعه ورث العاقل عزير
يا صغير ما يكبّر باللقلب= غير من هو كان من دونه صغير

[/poem]