زين اتصل ولا اتصل.......

من الوله كنت انتظر جية السبت=عشان اشوفك يا حبيبي وآروقي
وتأجل الموعد ومن لهفتي ذبت=لكن عزاي انك هنا في خفوقي
تحظر معي ما يوم عن خاطري غبت=والقاك تجري في مجاري عروقي
على لِساني كل ماارددّك طبت=وشلون ابوصف لهفتي لك وشوقي
مثل المطر وصلك وانا كني النبت=وارضي تحن لراعدك والبروقي
ومثل الصبا شوفك وفي غيبتك شبت=أتوق لك ليتك سواتي تتوقي
يومين ما شفتك ومنها تعذبت=دمي نشف والدمع في حجر موقي
وان قلت لارددت طاريك انا طبت=اكذب على نفسي وياكبر عوقي
الوضع بغيابك وصل قمة الكبت=زين اتصل هذا من ابسط حقوقي