ياوجودي ..

ياوجودي كل مـا هـب نسنـاس الشمـال ... وجد من حده زمانـه علـى إللـى مايبيـه
وياوجودي كـل ماضحـت ثمـال الظـلال... لاغفـت عينـي ولاذقـت شـي مشتهـيـه
وجد من جفا وهو فـي رجـا كلمـة تعـال... التفت من عقب ما جفا ولا أحـد لـد فيـه
ياعذابي لادنـى الليـل مـن روس الجبـال... وإنتهى يوم من العمـر مـا عـاد أرتجيـه
وإنتي أبعد من سما الحلم وإوصالك محـال... يابعد من هـل دمعـي ضحـى الفرقا عليـه
ياغناتـي لاتحسبيـن دمعـي اليـوم سـال... ضعـف وإلاخـوف وإلا كـذاوإلا كـذيـه
والله إني مـن رجالـن يضـدون الرجـال... لاكن الحظ الردي ساق دمعي وكـل مابيـه
والله إنـي كـل مـادار حوليـك الجـدال... قمت كن الموت يأشر على قلب قبري بديـه
والله إنقدلي وانـا أصـد لا جالـك مجـال... صدت ألـي لا تضايـق تذكـر قبـر أبيـه
ومن سألني قلت مدري وإذا عـاد السـؤال... قلت له تكفى تـرى سؤالـك ماهـو وجيـه
وشتبيني أقول عن من ترى ذبحـي حـلال... والخطـا منهـاعلـيـا صــرت أحـبـه وأهتويه
عذرها لوما تعذر مثل وإضرب مثال ... واحد مـايعـرف الحـر الأشقـر يشويـه
وإن رجعـنـا للتواصـيـف لله الكـمـال... لا إنتهـى ليـل المزاييـن جاتـك تبتـديـه
كلهـا غفـل مـع البـدو طاويـه الحيـال ... مايميز وصفـه إلانبيهـن مـن نبـي نبيـه
واهنيه مـن وصلهـا وذاق إمـن الـزلال... رشفه مع غفلـة النـاس مـن فيهـا إبفيـه
وعزتي للي سواتـي عشـق مـالا يطـال... ويوم طاله ضيع الحلـم بيـن أمـه وأبيـه
ياأول أحلام الطفولـه علـى حـد الخيـال... الرجا بالي حمل بيـت مـن حملـت بريـه
حال دونك سيف عنتروتاس بحـول بحـال... بأثر حولن حال دونك وأنا أدعي هيـه هيـه
هيه يالي غرك الحسـن وأطغـاك الجمـال... والله إني أموت ما شفت لأوصافـك شبيـه
لويسـام الحسـن بالتيـه بجنيـه وريــال... مابقى في سـوق غيـرك إريـال ولاجنيـه
كيف أهدك للمقاديـر وإنتـي راس المـال... راس مال ومـال المـال مايعطـى السفيـه
حافظك حفظي لعيني ورمشي لـك إجـلال ... وإنتي إتشحين بالمـاء وأنـا شفـي إمويـه
شايفن ظلمك وساكت وطـال الليـل طـال... لاتركتي طعن قلبـي وأنـا مـا قلـت ليـه
لو بقى للهيل صبـرن علـى فـوح الـدلال... مابقى للقلـب صبـرن علـى شـي يجيـه
كنت أحسب إن الغـلا زال وأثـره لايـزال... فـي الحشـا ماكنـه إلادخيلـن فالوجـيـه
ساقني حبك على المـوت وسنينـي هـزال... والظروف أقسى من الظلم للعرض النزيـه
وأنتي أتسوقين عقلـي علـى حـد الإهبـال... تحسبيـن إن بغـا شـي يقـدر يشتـريـه
وإلا أنا يا ود حالـي إبوجـودن مـا يقـال... ود مـن ضحـى بغاليـه يرضـي والديـه
ويا وجودي ياأول العمر قبل ألبـس إعقـال... وجد من باع آخـرالعمـر يارغبـة ذويـه
وياوجودي كل ما هب صوتك مـن شمـال... وجد من حده زمانه علـى اللـى مـا يبيـه