![]() |
|
|
التسجيل | التعليمـــات | التقويم | مشاركات اليوم | البحث |
عطر الكلمات (خاص بالمنقول) |
|
أدوات الموضوع | انواع عرض الموضوع |
#1
|
|||||||
|
|||||||
![]()
الشاعر محمد بن جاري العمري
وقصيدة طلب العفو يخبرنا الشاعر عن مناسبة القصيدة فيقول: هذه قصيدة كان مرتب لان تكون طلب من زملاء الاخ محمد بن عبدالله بن بشير المسردي القحطاني في طلب العفو عنه من حد القصاص وموجهه للشيخ محمد ابن عجيم المسردي القحطاني . ولكن سبق الشيخ ابن عجيم بعفوه قبل ان يأتي مجال هذه القصيدة وبسابقة لم يكن لها مثيل في كيفية العفو فبيض الله وجه ابن عجيم في الدنيا والاخرة وابن بشير يستاهل العفو طبعا كانت القصيدة قبل ان يعفو ابن عجيم وبعد لقائيي بالاخ محمد بن بشير في السجن بدينا باسم عـلام السرايـر منـزل الفرقـان ومحي الناس جامعهم نهار الحشـر عريانـي عليم الجهر والخافي وكلّش عنـده ابميـزان لطيف الحكم واقداره علـى شايـب وشبانـي ولانجزع من اقداره لو انْهـا شيبـت غلمـان وراضينن بمكتوبـه معـا حمـدن وعرفانـي ولو ينحاش من ينحاش عن تدبيـرة المنـان يجيه اللي كتب له لو تـوزّى خلـف بنيانـي مقاديره تطول اهل الغنـى وتطـاول الفقـران هلك راعي الغنم واهلك كثير المـال هامانـي وكل اللي تَحَت ملكه ومايجري فـي الاكـوان بتدبيـره وتصريفـه ولا لـه حاكمـن ثانـي هنا ياجب على المسلم يسلّم له بماقـد كـان ولا ينفع يقول انـه لـو انـه كـان ماكانـي وذي قـدرة الهيـه وحكمـة واحـدن ديـان ولابه شي من عنـدي ولكـن قـول ربانـي بَعَدْها يا سلام الله على ساس العرب قحطـان أهَل لمجاد والافعـال ولْهـم فالعـرب شانـي واهَل قوة واهَل عزه واهَل منعه واهَل ظفران واهَل وقعن ليا خالط عجـاج الخيـل دخانـي واهَل ذودن ومن هازه يعود بالفلس خسـران لذا ربي جعل قحطان هـم والمجـد تومانـي وابن شري المعرب من خوال وجـد والعمـان سليل العز من قحطـان ليـن الجـد حنفانـي وله بابن مشرّع كـن قصـره مالـه البيبـان تقول القصر ماله حوش لان الباب شرعانـي وله مجلس كرم مشهود له فالحضر والبدوان تقول القصر عدّن صـدّر الضميـان رويانـي بشوش الوجه لا رحب مدسّم شرّب الضيفـان يكرّمـك ابتراحيبـه وكيفـه بـن خـولانـي كريمن ينذكر بالجود لامـن عـدّو الكرمـان شجيعن من تجّور به زبن مـن كـل ديانـي حميد الفعل زين القول دايم مطلـق الحجـان يحل المشكل المعضل وغيـره فيـه بلشانـي ومعْ ذكره يجي ذكر ابن مسرد راس فالعنوان مثل نور الضحى بيّن ولـو نحجبْـه ينبانـي لهم سبْق المفاخر فالعرب من ماضي الازمـان كرم مع طيب مع فعلن نهار الهوش شجعانـي صغير القوم منهم ينطح القايد مـن الفرسـان ومّا كبير القوم ظلّـه هابـو منـه فرسانـي ولا يعوال مسرد جيتكم في طيبكـم عشمـان وذي عاداتكـم مايرجـع الطَّـلاب ندمـانـي وعند محمد ابن عجيم مقدور الطلب والشـان لحيث انه كريم مايخيّـب مـن يجـي عانـي ولا يمحمد ابن عجيم لا يخفـاك ماقـد كـان حصل ماقد حصل والفعل من نزغات شيطاني حريصن دايم الشيطان يغوي شايـب وشبـان ويشعل طافي الفتنـه ولـه اسلـوب فتانـي يزيّن خيّب وايضـا يخيّـب كـل ماهـو زان ولا يسلم من اشروره بعيـدن كـان او دانـي ومتولـج عبـاد الله بقـدرة واحـدن ديـان مشتت شمل خلق الله مفـرق بيـن لخوانـي وكل انسان قد يخطي ولاكانت فـي الحسبـان وتتفاوت خطاياهم مبيـن انسـان وانسانـي ترى البلوى توقّع ماتشاور مع هـل الاذهـان تحـلّ ابعيـد وقريّـب تهبّـد هبـد عميانـي عسا الله يرحم الميت وجعله مع هل الرضوان وجعله في نعيم الخلد تحْت اضـلال لغصانـي بعد روّح من الدنيا بسبّـة نزغـة الشيطـان بلحظه طاش فيها العقل بموقف غير عقلانـي فلا لوّل تحملهـا وخلاهـا عثـور احصـان ولا الثاني تلافهـا وشـال حمـول زومانـي مصيبه وقعها كايـد ولكـن كتبـة الرحمـن وبلوى تبغي اتبيـن قـوي الصبـر بايمانـي ترى اللي راح محزنا ولكن من ورى القضبان خوه اللي على فعله نثـر مكنـون الاعيانـي يويق ابعين في عفوك ولخرى توَهـا شامـان مكبل بالحديد ايديـه مـع رجلـه بمرسانـي وراه من البَهَم طفلين تطلب رحمـة السجـان عليهم هلت ادموعـه وعـاده حـي يتمانـي رحل واحد وباقي واحدن كانو سـواة اخـوان فقدنا واحدن منكـم ولا تلحـق بـه الثانـي خبرتك مبطي امسامح وفعلك ذا الزمان ايبـان على عادتْك يالطيب تسامح منـك صفطانـي وذكرك يرتفع عند الله وخلقـه كمـا طوعـان عفا عن قاتل الاثنين وابـرى ذمـة الجانـي هني اللي قدر واعفا يحوز ابمكسب الغفـران فرص للمسلم اللي يطلـب الجنـة وغفرانـي ولايصعب عليك الطيب حيثك طيّب السيسـان ورثت الطيب غصب وطيب من خالن وعماني بجاه الله وبْرسْلـه ومنـزل معجـز القـرءآن وجاه المصطفى الطاهر وخيرة نسل عدنانـي وجاه الحي والميت من آل عجيـم والحنفـان وجاه اعوال ابن مسرد وجاه اعموم قحطانـي وجاه اللي طلب عفوك من العربان والشيخان وقدر المصحف وطيبـه وبيـت الله ولركانـي وباسم الحاكم العادل مليك الـدار والاوطـان وباسم النايـب الاول ولـي العهـد سلطانـي وباسم النايب الثاني وحاكـم نجدنـا سلمـان وامير المنطقه فيصل وكـل طـوال ليمانـي طلبنا تعتق الجاني ولاتكسـح هـل الطلبـان ولالك عاده اتخيب طلـب شيخـن وعربانـي ونرفع رايتن بيضا في الشاهق على العمـدان ولخرى ما هي ابقسمك بعيده عنك ومصانـي ترى المطلوب في كلمه وطُلق الوجه له عنوان جـاه الله تطلقهـا ووالله مـنـت ندمـانـي وصل الله على اللي بعثته بالخيـر والفرقـان شفيع الخلق لا جمعو نهار الحشـر عريانـي تقبلوا أطيب التحايا
![]() ![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
الشاعر عبد المجيد بن محمد العمري | وطن عمري | عطر الكلمات | 4 | 12-13-2012 09:28 PM |
الشاعر محمد بن ضيف الله العمري | الاعسري | الشعر الجنوبي للطرح الذاتي | 16 | 02-16-2011 08:32 PM |
ياسر الكنعان وقصيدة للمقدم سعيد محمد العمري | ابو وسيم | الشعر الجنوبي للطرح الذاتي | 2 | 12-24-2009 05:23 PM |
الشاعر/محمد بن صالح العمري | ابوسعود | الشعر الجنوبي للطرح الذاتي | 8 | 01-05-2007 02:24 PM |