●• النصب في النقل الجماعي والبآصات ↔ ( تعالوا شوفوا قصتي !!)↔

بسم الله الرحمن الرحيم

الـسَسًلآم عليكِـم ورحمةُ اللًـه وبَركَـاته


كِـحً كِـحً طبعآ الموضوع انا اللي كاتبه مو منقول ولا شيءً

رآح ابدا معآكم بالقصًه اللي صارتلي واللي عشانها كاتب الموضُووؤع


خبر عاجل وضرور ولازم ع طول اروح عالرياض وانا في الطايف وقتها ., ع طوول قمت فتحت النت >> طبعا رحله جويه ماحاولت اصلا مافيه أمل هع

فتحت النت وأدور عن النقل الجماعي واسعارها وأماكنها ~

ولقيت طبعا من الطآئف لجـده السعر 110 والوقت 9 ساعات والموقع كذا كذا

رحت وحجزت طبعا كل ساعه نقل على الرياض وذا شيء حلو

جلست بالانتضار وكان باقي نص سآعهـ تقريبا ع رحلتي

شفت ع يميني محلات كذا وبوفيه قلت خلني اقوم اكل شيء عشان آخبز امها نومه في البآص >> متأمل خير

مالكم بالطويله جات رحلتي

ركبت الباص وهنا بدأ مسلسل النصب والقرف الحقيقي ~!!

جلست بالكرسي رجلي ماقدر احركها من الضيق وجنبي واحد هندي وعلى يمين اثنين ابو بنقله

قلت في نفسي عز الله لو قعدت هنا خست من الريحه

قعدت شوي شفت مكان فاضي قدامي وفيه ناس عرب قلت خلني اروح قدام بسس القى احد اسولف معاه شيء >> ثرثار بالحيل

رحت قدآم وليتني مارحت

لقيت شخص من دوله عربيه معينه

أنا : السلام عليكم كيف الحال

الشخص : بخير انت كيفك

أنا : والله تمام ماشاءالله اجل رايح عالرياض

الشخص : اخخخخخخخخخخخ بسسسسسس اخخخخخخ بسسسسسسس

أنا : بس صراحه جو الطايف ماودك تروح منه .!!

الشخص : اخخخخخ بسسسسس اخخخخخ بسسسسس

~ > ابووووك يالولد مامدانا تنام

طبعا الله وكيلكم طول الرحله يرفسني ويشخر وكرهني في حياتي

يعني مو كافيه كرسيـًه يتمدد وحالته حاله

على يميني كان فيه اثنين شباب انا احسبهم سعوديين اثرهم بخاريين او افغانيين

وذولا بعد سالفتهم سالفه كانوا نايمين قبل الفجر واول ماصلينا الفجر شفتهم شروا بطاقات شحن عشره موبايلي >> هذا اللي شفته

لكن الصبح كله وهم يكلمون

وازعاج مره ماقدرت انام


حفظت كلامهم وربي احس صار عندي لغه افغانيه خخخ

طبعا الكل نايم الا انا ماقدرت ابدا ابدا رغم اني اكثر واحد تعبان فيهم

مره ماقدرت ., طبعا مشى الباص ووقفنا عند محطة وكان باقي نص ساعه او اكثر عالأذان

رحت عنده السواق قلتله ليش توقف باقي نص ساعه عالأذان شكلك فاضي انت ؟

قال باقي خمسه دقيقه

انا سكت

قلت اكيد انه ادرى مني

طبعا لما نزلنا عالمحطه كانت الكارثه

انا كنت جالس عند باب الباص واطالع بالسواق الأرتيري

الا اشوفه رايح عند ناس من ربعه افارقه

وتكى معهم وسوالف وفله

جيت دخلت البقاله بالمحطه شريتلي برينقرز وحمضيات وجالكسي ومدري وش اشياء بسيطه

كم الحساب ؟ يقولي 30 انا قلت طيب ليه الا هو يحسب البيبسي بريالين

والبرينقيرز الصغير بـ6 ريال

وربي يا اخوان حتى العلك على ريال يحسبه

بسكوت ابو ولد باربعه ريال

انا قلتله على كيفك انت تزود الاسعار كذا ؟؟

قال ماتبغى روح مو لازم تشتري

قلتله لا مو على كيفك انا بابلغ الشرطه عنك يا نصآآب >> صدق اني قوي

طلعت من البقآله

واتجهت للمطعم :~ وش عندكم ؟

صاحب المطعم : ساندويشات شكشوكه كبده دجاج ؟

انا :~ بكم طيب الساندويش ؟ ( انا مو ناوي اشتري بس اسأل )

صاحب المطعم : 8 ريال

انا :

انا وقتها عرفت ان الوضع استغلالي وإن هالسواق الإرتيري اللي ما يخاف ربه

متفق مع هالمحطه يوقف عندها بشكل دائم وما يوقف غيرها

طبعا انت لما ما يكون ما عندك غيرها راح يستغلك زي ما يبغى والناس وش تسوي ؟؟

المهم صلينا الفجر ورجعنا الباص

ومازلت احاول انام وماعرفت واللي جنبي يرفسني وهو نايم ويشخر >> ابو الحاله يا شيخ

ويجي هالأرتيري -طبعا في مكان مخصص للنوم -

شفته انا جا من قدام على الباب وفتح شي كذا من الجدار ودخل !!!!!

انا استغربت !! وين راح هذا .؟

قعد ثلاث ساعات جوا بعدين طلع

انا طبعا حاقد على هالأرتيريري وقلت والله لا اشوف وين كان داخل

رحت نفس المكان واطالع لقيت زي الحفره الصغيره كذا ضغطتها الا تنفتح والقالي ذاك السريــر والبطانيه وشي يحبه القلب


وأنا متعذب 7 ساعات ماقدرت أنام

فكرت ادخل ولا مادخل ادخل ولا مادخل

أخيرا قررت الدخول وبكل شجاعه دخلت رآسي بس ........


..... شميت الريحه انصفق عقلي ورجعت على كرسي حقي وانا لسان حالي يقول للنشبه اللي جنبي يازين ترفيسك ويازين شخيرك يا شيخ هههههههههه

وعلى هذا الحال الين ما وصلنا



~ ^ ~ ^ ~

الحين يا شباب ابي اسألكم هذي الباصات وغيرها من مسؤول عنها ؟؟

معقوله كذا يتصرفون على كيفهم بدون أي حسيب ولا رقيب ؟؟

الحين لما يكون متفق مع محطه معينه وهالمحطه تستغل الاشخاص فيه بشكل غير طبيعي ؟؟

طيب .. ليه مايكون فيه باص للسعوديين مثلا مستقل تؤيدون أو لا ؟

اسئله كثيره ولكن في النهايه

من سيتحرك ؟

من سيحاسب هذا السواق الأرتيري النصاب ؟

الجواب ...

انتضر اجوبتكم وآرائكم وتعليقاتكم

لأني تاعب عالموضوع

الله الله بالردود السنعه

تحياتي

وقبل انهي موضوعي جايبلكم موقع وهو هديتي لكم

http://www.haraj.com.sa/?gclid=CJP5l...FQiX2AodiUIXnw

اخوكم ومحبكم

الذيــب M