علامه عارضك قد شاب؟؟

حبيبـي والعلاقـة بينـنـا تـدعـو للاستـغـراب=احبـك والمسافـات الطويـلـة بيّـحـت ســدي
احبـك والوصـل فـي مجتمعنـا زلـة(ن) تنعـاب=وعـادات القبايـل حكمـهـا مـاهـوب يـنـردي
صحيح ان روحنا وحـده ولكـن نعتبـر اجنـاب !=وجـدك بالقسـا فـي هالمواقـف يشبـه لـجـدي
وقلبك شاري(ن) قربي .. ودونـي وقفـوا احـزاب=تبيني يوم ابـي وصلـك .. ولكـن عاجـزة يـدي!
ويـدك عاجـزة ايضـا .. ولاتقـدر تـدق البـاب=ولاهي قـادرة تمسـح دمـوع(ن) سالـت بخـدي
أكابر يوم اشوفك واحتفـي بـك ياهـلا مرحـاااب=واقول اصبـر فديتـك مالنـا غيـر الصبـر بيـدّي
ولانـي ناويـة قلبـك بلـوم وشرهـة(ن) وعتـاب=احـاول آتصبّـر واحبـس همـومـي ولا أبــدّي
وانا اللي فاهمة وضعك.. وانا اللي عارفة الاسبـاب=وانا اللي بالمصايـب مـا فٍ هالدنيـا احـد قـدي
وانـا مانـي أنانيـة .. ولـو قلبـي بحـبـك ذاب=وانا ادري حظي الاقشر وقف من دونـك وضـدي
ولان التضحيـة بالحـب ماهـي دردشـة والعـاب=نويـت اضحـي بحبـي لاجـل سعـادة مــودّي
رجيتـك تبتعـد عنـي وقلـت ارحـل ولا ترتـاب=خلاص اليوم ترسيم الحدود .. وذاااك هـو حـدي!
وابيّن قـوة العاشـق واشيـل السـاس والأطنـاب=واقول من الهوا جزنا.. مع انـه صـدق مـاودي!؟
ورحت بعيد عن عيني وزولك عـن عيونـي غـاب=وانا عقبك ما غير ابكـي والـوم الحـظ المصـدي
صبرت وضاعت الحيلة.. خيالك ساكـن الاهـداب=وطيفـك كنـه موصًّـى يمـر القلـب ويـعـدي
زبنت النت من بعدك.. دخلـت بمنتـدى الاغراب =عسانـي انشغـل عنـك وازيـد بقسوتـي وصـدي
وصرت اكتب لهـم عنـك قصايـد كلهـا اعجـاب=وهـم ماقصـروا فينـي عجبهـم شعـري وعـدي
وكم قالوا لي ابدعتي.. وكـم صفـوا لـي الالقـاب=ومع ذلك عجـزت اسلـى وجرحـي دوم يشتـدي
وانا والمنتـدى صـارت علاقتنـا كمـا الاصحـاب=احسه يفـرح لفرحـي.. وفـي همـي لـي يهـدي
وفي لحظة ضعفت وجابنـي لـك شوقـي الغـلاب=سبب بعض الهجوس اللـي تجيـب الهـم وتـودي
وشلت بداخلي روح(ن) تبيك وخافـق(ن) منصـاب=لقيتـك جاينـي والـحـال متغـيّـر و مـتـردي؟
علامك هيكل(ن) محني؟؟؟ علامه عارضك قد شاب؟؟=سألتـك وانتظـر منـك جـواب(ن) كافـي وردي
بعادي هو سبب همـك؟؟ جعـل يفدونـك الاحبـاب=تعـال وشرهتـك عنـدي وبـاب البعـد ينـسـدي
تعال وخل احاسيـس الغـلا فـي خافقـي iتنسـاب=ترا ما اقدر على بعدك .. انا احاكيـك مـن جـدي
خلاص اليوم ماني حاسبة لاحـدن سـواك حسـاب=ماعاد ابعـد عـن عيونـك ولـو هالكـون ينهـدي
خلاص اليوم.. لاحيرة.. ولا لوعة.. ولا ستغـراب=انا اتحدى البشر لاجلـك ولاجلـي انـت متحـدّي

كنت بنام بدرى ولكن قصيدة البندرى سهرت عينى لك احلى تحيه