محاورة قمة بين شعراء قمة

هذه المحاورة اقيمت بين الشعار: صالح بن عزيز وسعيد بن هضبان ضد عطية السلطاني وعبدالله الذبياني في حفلة احد ابناء بللحمر في جده وهي مميزة جدا وفيها شقر وبناء بيوت جميــــــــــــــــــــــــــــــل جدا اعرض مقتطفات منها.

البدع (عطية):

اهلين يالشاعر اللي ماتعدى النظام=
يعرف لبدع القصايد والحكم والنشيد=
شيخ ومقدر ومعروف ومن رووس قوم=
من دون نقصان في اصحاب الحكم والفنون=
صالح بن عزيز حي الشاعر الدندنة=

الرد(عبدالله):

والله لنحيا نظيم اهل الفتن ما نظام=
نهدم بيوت العدا لكن حنا نشيد=
ياما وياما سقينا الخصم مر وسقوم=
لاعميت الناس نوني ينحسب بالف نون=
ماغيرتني زلاف الربع والدندنة=

البدع(صالح):

عظيمنا الرب والباقين تحت العظام=
والمشكلة لو يصير الدم فوق الجليد=
معروف معروف وانت التاج حول النجوم=
عطية الي من فروع المجاني يجون=
ما شلت في القلب له ضيقة وشي كرهنة=

الرد(سعيد):

والله والله مادام المخ تحت العظام=
انا نغامر في الدنيا بصبر وجليد=
يالضابط اللي هب التيجان حول النجوم=
خلك وكيل على التجار واللي يجون =
شيك تحيله على التاجر وشيك ارهنه=

البدع(عطية)

انا عيوني تشوف البحر والفيض لام=
وانا اعرف احب مثل الناس وابغض واكيد=
واطا برجلي على بيت الحنش والسموم=
واللي حليل امهم مادري متى ينصحون=
ماني مربى على التعويل والدلعنة=

الرد(عبدالله):

ياسعيد لاتسرقونا في جناح الظلام=
مابغى الكلام المزيف هات علم وكيد=
لي نظرة فيكم اقوى من اللظى والسموم=
كفي نظيفة وزادي في متاين صحون=
وكل ما مر ذكر ابليس ود العنه=

البدع(صالح):

الجمر لو يحرق الجالس وصل للقيام=
تحذروا ياهل المحدار واهل الصعيد=
الحين يا حضرة الجمهور حان الهجوم=
ابارفع السعر عالتجار والهابطون=
ماعاد في القلب لا صبر ولا رحمنه=

الرد(سعيد):

جنب عن الزير والعرضة وصل القيام=
وابعد عن البدو والتهمان واهل الصعيد=
الليلة والبارح في صعدة دفاع وهجوم=
للفتنة ايدين ولها رووس ولها بطون=
والمعتدي لافتح باب ولا راح منه=

البدع (عطية):

الصف واحد ولابه خلة وانقسام=
تسمع القول واسمع راي شاعر سديد=
احنا وقيف الحجر تاريخنا للعموم=
يوم جا احمد الباشا يبغىشر وتلافتون=
خشوم الاتراك سوينا لها فركنه=

الرد(عبدالله)

بعض البضايع لها تجار في شرق سام=
بالله ياهل القصا لاتبحثون السديد=
صدام خانه جنوده واخوته والعموم=
ماذل في المشنقة والقوم يتلافتون=
كيف اجهل اسما مشيد به وكيف اركنه=

البدع(صالح):

ماقلت غير الحقيقة واستمع للكلام=
اللي ذكر فعل جده وش معه من جديد=
حنا في الاردن وسوريا فركنا الخشوم=
جنود شامير من قواتنا راجفون=
في مظلمات الخنادق بطحنة بطحنة=

الرد(سعيد):

حنا شبابه ولا منا ولامنك لام=
نعتز بالمدح والقاله بجد وجديد=
والى دعا الشيخ يمكن دعوة الشيخ شوم=
مادام عينك ترى نظرات وترى جفون=
الحب الى ساس لا اكيله ولا بطحنه=

ان شاء الله تكون اعجبتكم واوعدكم بالمزيد
تحياتي