صوت وصدى ( عبدالله طالع + علي القحطاني )

كيف حالكم اخواني واخواتي الطيبين

هذه قصيدة من العميد / عبدالله طالع العمري

( من قرية السهوة )

موجهه للشاعر علي بن محمد القحطاني :

لك من عميد الحرب والضرب والنار = اجمل تحية يا عميد القصايد
حاولت ابكتب يا علي فيك الاشعار = والمشكلة نظم الشعر فيك كايد
لانّك كما غيم(ن) بالابداع مدرار = وسيدّ ولك شعر(ن) على الشعر سايد
بس الوكاد انّي من ايّام محتار = يا ويش ابكتب وانت نبع الفرايد
ان قلت شاعر زاد للشعر مقدار = وان قلت رايد فانت مخلوق رايد
انجبك ديوان العرب شيخ شعّار = مثل الكرم يوم انجب الشيخ زايد
تبقى وغيرك لا مضى وقت ينهار = تاج الشعر ما لمّعتك الجرايد
مشكور يا مطنوخ وان صار ما صار = شفني على يمناك وقت الشدايد

جواب شاعر الجزيرة / علي القحطاني

هلا هلا مليار يضرب بمليار = يا صل صدى صيته جميع البدايد
حيّيت يا رمز الشيم حرّ الاحرار = ليث الوغا الوثّاب يوم الوقايد
هامة بني عمرو عريضين الاشبار = شهد لها التاريخ قبل الشهايد
انتم هل المعروف والطيب والكار = والجود وعهود الوفا والعوايد
ولدتوا انصار(ن) ولا زلتوا انصار = مشايخ الجنّة حماة العقايد
جتني بيوت(ن) كنّها لول محّار = صفّوه صافي للغواني قلايد
لو غير عبدالله وقف غير مختار = لكن تطيع المبدعين العنايد
تنصاع له تقدير واصغت له اكبار = تعرض عليه المفردات الجدايد
واقبل تحيّة من شذا غضّ الازهار = طلّت عليها الشمس بعد البرايد

ارجو ان تنال القصيدتان على اعجابكم


وتلامس ذائقتكم



ودمتم يا بني عمرو