قصيدة بني عمر

يالله يامنشي وكوم المخايل=تسقي ديار أهل المواجيب بالسيل
وانك تقديني لفعل الجمايل=من شان ابرر موقفي للرياجيل
واسوق غفل الفاردات الذلايل=الإن تشرب من قراح المناهيل
على غواربها الحمول العدايل=واللي تحاديها تنوخ معاقيل
وانخابها ابني عمر بالعز قايل=سلام يأهل الجود ذباحت الحيل
اعداد ماهلت مزون همايل=واعداد ما شلت عذوق المحاميل
ياروس قوم في اللقاء من الأوايل=لا قامت الهيجاء ورود مداقيل
لاما دعي منهم حد ما تمايل=ولايتسمع من هروج المطابيل
اقولها وأثبت لكم بالدلايل=واشرح لكم تاريخكم بالتفاصيل
من قرية القوباء الى ام الذوايل=والحد راسي من ورا وادي الغيل
يوم كان عند الحد يشعل فتايل=والسيف شومان المحنا على الخيل
تاريخنا في الترك يضرب مثايل=ويثبت إنا في المواقف حلاحيل
نصمد ولا نهاب الجيوش الهوايل=بوجه ناوين المغازي مقابيل
خضنا المعارك واحتمينا الحمايل=في قمة المطلا قبسنا القناديل
لين ارتوت م الدم بيض المسايل=وبان نور الحق في ظلمة الليل
والى نصاهم ناخي من القبايل=زاموا وقاموا بالسيوف المصاقيل
مادوروا متقى وعذر وتحايل=دوس الصعايب لانووها تساهيل
ولا حقروا مطلوب ناصي وسايل=ولا اصنتوا في علم تباعت القيل
افعالهم تشفي الجروح العلايل=متوارثين الجود جيل بعد جيل
نسل الشيوخ معربين السلايل=اهل الحكم وأهل العلوم المناويل
مجلاسهم يزهى بصفر المهايل=ويدل راعي الطيب مد الفناجيل
والبر يشهد في متون الثمايل=عز الله إنه من خيار المحاصيل
وختامها عصم المعاني تهايل=من شاعر يحما القوافي من الميل
من روس قوم منهم الشك زايل=اهل الكرم والجود زبن المداخيل