[[[غلطانـــــه اللـي تعشـق اليـوم رجـال]]]

غلطانه اللـي تعشـق اليـوم رجـــــــال
مهما حلـــف بالـــــود يبقـــــى انانــــي


اليوم لك ثانــــــي مـــــع راحـــة البـال
وانا بعـد همـــي لـه اليــــــــــوم ثانـي


اليـــــــوم تاركنـي اناظـــــــر بـالاطـلال
صورة,, رساله ,,حلم ,,جرح وامانــــي


ليلي قضيتـه بيـــن هــــــــــمٍ وغربـال
واقول في نفســــي حبيبـي نسانــي


غنيت انا عقبــــــــك من الضيـق مـوال
يومك تسمـــــــــــع للطـرب والاغانـي


لي دمعةٍ مــــــن فوق الاوجـان تختـال
يومـــــك تلاعــــب مترفـــــات المبانـي


وبي عبــــــــرة منهـا المخاليـق تهتـال
ياعبرتــــــــــي لاتفضحينـي عشـانــي


ياعبرتــــي خلـــــي لـك الصـدر منـزال
لاهـــــــــوب بـك داري ولاهـوب عانـي


مشغــــول له فـــــي ترفة حالهـا حـال
ماهوب فاضـــــــي لعبرتـي او جنانــي


في يوم واحــــد نستــــه كـل الامــــال
وش عــــــاد لو يدري بشـوق غشانــي


ماهوب مثــــــــل اول هذاك الغـــلا زال
عـــــــــــزاه كيـف الــــــود زال بثوانـي


اربــــع سنينٍ طـــــــــوال ياكيف تنـزال
وتحـــــــــــط في قلبك هنـوف مكانــي


ماكنت اظنــــــــــك تجحـد الـود لا طـال
اثرك علــــــــى طريـف وتبينـي اعانـي


قـد قالـوا ان البعــــد والصــــد قتـــــال
وانـا اشهــــد انـــه علــــــة بالمحانـــي


يومــــــــي اشوفك لابس بشت وعقال
والشـــــارب الاســـود وزول سبانــــي


وعروستك مــــــن الحيا ترخـي الشـال
وترســــل لهــــا بسمـه تزيـد امتحانـي


دمعــــي بلا علمي على وجنتي سـال
اشتقت لـك ليتـك تحــــــــــس بحنانـي


ليتك تشوف الحــــــــال يامتلـف الحـال
بس التفت لــــــي شـوف شالله بلاني


نصيتهــــا تضحـك لهــــــا لاهـيٍ سـال
واقــــــــــول ياليتــــه حبيبـي نصانـي


الله يادنيـــــــــــــا التعاسـه والاهــوال
الله يستـــر وش يخبـــــــــــي زمانـي


غلطانـــــه اللـي تعشـق اليـوم رجـال
مهمــــا حلـف بالــــــــود يبقـى انانــي


وقلب الرجل مابه من الحـب مثقـــــال
والبنـت ترفــــــــــــه قلبـهـا مايـدانــي