آه ياضمتك لي ساعتين الغروب

أحبتي : انقطعت عنكم سنوات لظروف خاصة وقد تستمر .. وها أنا أرجع لكم ولا أدري هل يتذكر البعض هذا الاسم أم انه اندثر تحت غبار الزمان وأحداثه المتوالية
عدت اليكم وكلي شوق وحنين لنستعيد بعضا من ذكريات الماضي .. اتمنى ان يكون الجميع بخير وبصحة وعافية




مما راق لي .. مشاركة اتمنى ان تنال إعجابكم

المشاعر خطاوي والمواصل دروب =والمعاذير بلسم والمعاتب غلا
تندثر في عتاب العاشقين الذنوب =وينكسر في شفاه الشامتين البلا
صادق الحب ما يجدي معاه الهروب =وذكريات المنادم صعب عنها سلا
علمتك المشاعر كيف تقدر تذوب =وعلمتني الحراوي قدر كلمة هلا
جيتني عقب غيبة مغتشيك الشحوب =وفي شفاتك معاذير(ن) تكفّي ملا
آه ياضمتك لي ساعتين الغروب =اروت اقصى ضلوعي لين جادت كلا
وهمسة الشوق ياهي في حلاة الهبوب =وكلمة احتاج لك ياهي تنقط حلا
ليت لك الف زلة لاجل عنها تتوب =واحتري من وراء اعذارك معانق غلا
بس تدري ترى الغيبة عذاب القلوب =ونار تصلى معاليق آدمي مبتلا