أيام التسدح عند القناة الأولى رووعه ...

صباحكم ومساكم سكر يأحلى أعضاء في الدنيا


خارج نطاق العيد!!!



موضوعنا اليوم عن القناة الأولى وما ادراك ما القناة الاولى

ياحبي لها بالتلفزيون السعودي ايام الطفولة والبراءة



يوم كنت فرفوره صغيرة كنت مغير اتسدح عند التلفزيوون قبل ماتفتح القناة الأولى اشووف الألوان :::


أجلس احتري القــرآن يخلص

واذا بدا الكرتووون أرووح فيها وتبدأ العوووون تتفتح وأدخل جوووووووو

المهم وبما اني مدمنه افلام كرتون ايام الطفووله ولي ذوقي الخاص

اخترت لكم بعض الافلام اللي حفظتها صم من كثر ما شوفها

<<<<== شكلها للحين تتسدح عليها





(( الكابتن ماجد ))




مدري وشلون يتشقلب في الهوا كم قلبه وبعدها يسدد الهدف
ويطيح عالارض ومايجيه شي ماشاء الله
كل ماجلست اتفرج على اخوي وهو يلعب كوره وبيتشقلب مثله مايمديه يرفع رجله الا وهو هابد على الارض
والا حركة التوأم منير وأنور اللي كأنهم قروود ههههههه<<<=استغفر الله العظيم بس
بس احلى شيء اننا عارفين انه فايز فايز بالمباراه حتى لو بأخر ثانيه يسجل ثلاث اهداف المهم يفوز
بس والله كنت اتحمس معه تحمس مهوب طبيعي واقعد اشوت اللي قدامي ونطلع نطبق في الحوش هههههههههه


نشرت أحد الصحف بأن تسمية الكابتن ماجد بهذا الاسم ..
هو على اللاعب الآسيوي الأول ماجد عبدالله فلم يجدوا من يستحق أن يسمى عليه أكثر من هذا اللاعب الفذ
.
.
.
.
.
بشار


هالفاغر اسميه ( بيض عيووون) جابلي الضغط وانا صغيره
على كبر عيوونه امه تمر من جنبه ومايشووفها
واحنا واخواتي من زود الحماس نصيح نقوله امك ياغبي التفت
<<<=== الي يشوفناا يقول بيسمعناا الحين بشااار
والله (90) حلقه وهو يدووووور امه

وتحذير: لاصحاب القلوب الضعيفة

في حشرة خضرة لابسة باروكة قهوية, ايديها زي السيوف ..تخوف .. الحذر الحذر
<<<== ههههههه على اغنيته

((( بشار يا بشار هيا الى العمل اجمع ندى الازهار من روضة الامل )))
.
.
.
.
.
سالي



عاد تجيكم سيدة الشاشه الكرتونيه سالي يافديتهاااا
هالبنت قطعت قلبي حته حته من تبدأ الحلقه لين تنتهي وانا مندمجين واكره شي اذا جو اهلي قالوا تعالوا تغدوا والا ذاكروا
بس كانت تقهررررني بشي واحد يخاصمونها وهي ساااكته ويكرفونها وهي منطمه
والا آنسه منشن والله انا حاقده عليها كرهاااااااا <<<<تحمست هههههه
.
.
.
.
.
.
هايدي

عاد هاذي اللي صدق بعدو عني اذا جت اخش جووو بقووه
هايدي فتاة جبال الألب والعنزااات والخرفااان ياحبي لها هي وبيتر
كلير
<<== المشلوله الحمدلله ابشركم مشت هههههههههه
وجدها الشديد كنت اكرهه لما كان يصيح عليها ويخاصمها بس يوم صار طيب صرت احبه نص ونص
وجدة بيتر العجوز المنتهيه ولا تهون عنزتها ويكي
.
.
.
.
.
.
عدنان ولينا

اكرهه ذا الكرتون كره العمى ولو بيدى لغيته من الدنيا بس كل الناس كانوا يحبونه الا انا



الله يالدنيا الحين كبرنا

<<<== يا حبنا للحش عاد والتقطيييع

الحين القناة الاولى مانقرب حولها

طايحين على سبيس تون وام بي سي 3

المهم مالكم بالطويله بس حبيت اعيد ذكريات الماضي
وايام الطفوله التي لن انساها ولن انسى ابطالها .
أتمنى يعجبكم الموضوع