ابن فطيس وخلف المشعان الى اين.....؟؟؟ تغطيه شامله

تغطيه بسيطه لاخرماحدث في شاعر المليون واخر المستجدات
ابن فطيس

العام أخذت البيرق وصدت العقـاب=يوم الرجال حلوقها مـن دون ريـق
أسرجت شعري والجماهير الزهـاب=وسنادي بلاد وولـد عـم وصديـق
وحولت في الوادي وهو دونه ضباب=مدري ورى الوادي مطر ولا حريق
كم فارسٍ وده يحـول غيـر هـاب=يستوحش الماخوذ لا شاف المضيق
اقدمت والفرسـان ترتـاب وتهـاب=أجـري الهيـاب وأقـز الطـريـق
ومثلـت داري بالقصيـد وبالجنـاب=من الشمال الى العديد الـى العريـق
ترابهـا بالحـس ماحسـه تــراب=وحزومها تسوى الزمـرد والعقيـق
ومثلت راية من تليـن لـه الرقـاب=صليب راي وكفو وحجاجـه طليـق
ممشـاه للعليـا ذهـاب بـلا إيـاب=الشيخ ابو مشعل حمد علـمٍ دقيـق
ومثلت كل الشعب من شايب وشـاب=بدو وحضر تاريخنـا عـزٍ عريـق
ومثلت ربعٍ في الوغا مخلب ونـاب=مريـةٍ تاريخنـا مـاهـو لفـيـق
حن مزبن اللي لا يجـار ولا يثـاب=وحن فزعة اللي ذودهم راحت وثيق
أقدامنـا جبـال وعمايمنـا سحـاب=وأمجادنا تشبه سهيـلٍ لهـا بريـق
ومثلـت يـام بكبرهـا والانتسـاب=الـى همـدان نجـمٍ لـه شعـيـق
الله خلقنـا سيـلٍ متونـه هضـاب=كل السـدود نحطهـا حـبٍ دقيـق
شاركت متوكل على منشي الحقـاب=وحزامي من الشعر والعـده يضيـق
وطرقت بيبان القوافـي بـاب بـاب=وقدمت ماشفتوا جميـع انـه يليـق
وحشمت اذانيكم عن سقاط الخطـاب=ورقيت بإيديكم علـى قمـة طويـق
ووعدت داري بالفخر قبـل الكتـاب=ووفيت بأمـر الله بالعهـد الوثيـق
وسترت بأفعالـي مزينـة الخضـاب=وقهرت عدواني ونومسـت الرفيـق
ولطم بعيري شـوط واحـد للركـاب=يقوم راس وينتهـي ماهـو زريـق
ومن كف ابو خالد تسلمت النصـاب=من كف من عينه على القمه تويـق
شيخٍ يروم المجد ويـروم الصعـاب=خلا الشعر من نومة الغفلـه يفيـق
واليوم لا والله شفت القـاف شـاب=صار الشعر كوره وكـلٍ لـه فريـق
وضاع الهدد بين الحديـه والغـراب=وضاع الصهيل مكرمين من النهيـق
إلا الرجال اللـي قصايدهـم عـذاب=اللي لها معنـى بهـا حـسٍ رقيـق
لاتشعل الفتنـه ولا تطـرد سـراب=ولا يرقـع مـا نقصهـا بالزعيـق
بس العرب ما عاد تدري بالصـواب=ما ميزوا ويش الزفير من الشهيـق
من جاب ضيعه قل شوفوا ويش جاب=انا اشهد انه جاب له معنـى عميـق
الذيب كانـه ذيـب يـدرع فالذيـاب=يخلـي الخرفـان للضبـع العويـق
ماجيت انافس جيت دعـمٍ للشبـاب=وفوزي دمه عاده على القمه يريـق

القصيده كأن المقصود فيه خلف المشعان وقت يقول


ايه الشجاعه تغلب الكثرة وانا اعطيك الدليل *** الذيب يدرع بالغنم ولا يحسب حسابها


وربي أعماها ابن فطيس المعروف ان الذيابه ماتترك احد يدرع بها لو انه ذيب ولاغيره والضبعه العرجاء حدها الفطايس الميته ..

.
.

الكل يعرف ان ابن فطيس طعن بالظهر ماقال القصيده الا لما طلع خلف المشعان من شاعر المليون يعني ( مايقدر يرد عليه من نفس المنبر )

وطبعا مايخفى على الكل الظلم الي بدر من لجنة التحكيم وماخفي اعظم من اداراة البرنامج للشاعر خلف المشعان..

وخلف المشعان معروف من قبل شاعر المليون ليس كابن فطيس الذي لولا الله ثم شاعر المليون محد درى عنه ..



وهذي قصيدة خلف المشعان رد على ابن فطيس :

ماني بمن ياتي على شان يدرون=انا اللذي يدرون به قبل ياتي
نجمي سطع من غير بيرق ومليون=قليل في جيلي يسوي سواتي
ماجيت اهايط بس لا زم تعرفون=مازعزعت بعض السوالف ثباتي
لو شلت في قلبي مثل مايشيلون=ماكانت الطيبة من ابرز صفاتي
يامحمد ابن فطيس وش فيك مشحون=مااخطيت يوم اني حسبتك لقاتي
ابي اطفي الفتنه وابي انشدك وشلون=اسلم من الضيعه واجمع شتاتي
الناس معها عقل ولسان وعيون=وقدامهم كزيت.... يمك .........وصاتي
ماجيتك ببيت مع الشعر مدفون=جيتك علىوضح النقا .....ياغناتي
ماني من اللي في قفا الناس يحكون=عيب على ألحق خويي حصاتي
اللي لياقفيت عنهم....... يهدون=ماهم بكفو لرجعتي والتفاتي
سكرت اذاني عن وكالة يقولون=وذكرت لي بيت يفسر سكاتي
الله يجيبك من بعيد ن اليا دون=والله يحطك باللقا من تلاتي

وذا رد ابن فطيس المري الاخير

يالله يا آمر وناهي علـى الكـون= يامن لأجله خاشعٍ فـي صلاتـي
يامرسل طـه وعسـى وذانـون =ياعالم فـي سيتـي وحسناتـي
يامقدر مثلي على قـول متكـون= يامن بعفـوه ماتشتـت جهاتـي
اعوذ بك من كل حاسد ومفتـون=خناس نـاس للخطـأ ماتحاتـي
اعقلهم اللي في تلباس مجنـون=يكشف خفايا سوءته لا سواءتـي
يكفيني أني فوق ماهـم يظنـون=نبّحاهـم ماهـز خرقـة عباتـي
أنا غديق الغيث في غصن زيتون=تشهد فلسطين علـى مكرماتـي
أنا الرهيف اللي على الحد مسنون=كلن عرف في ماقفي وعطياتـي
أنا محمد زبـن جايـع ومديـون=مانا تمدح ليـن تظهـر لهاتـي
ماني من للي في لحضاير يقاقون=ولا شفت نفسي عنترة والزناتـي
ياخلف بن مشعان ماهي بهالون=تزم راسك وأنت حسب شوهاتـي
تجر قيفانك على البست بلحـون=وأنا كريـم ماسجعـت أغنياتـي
لانتبع الغاوي ولا نـزغ ملعـون=نبراس فكري من يقود اخطواتـي
ياخليف بن مشعان بتهون بتهون=جري معك والله ماهـو شهاتـي

ان شاء الله يروقلكم

لاني جلست ابحث عنها وحاولت اطلعها باخراج جيد
ان شاء الله اشوف ردودكم