{{عذبت حالي}}

السلام عليكم
أرجو أن تسمحوا لي بهذه القصيدة النبطية
وأعذروني لأن القصور بها حاصل.





يالله يامـن لـه عبيـده يلـبـون
ترفق بحالي وانجنـي مالتهالـك
الشعر له هاجس خيالٍ ومضمـون
يبحر بها الأفكار من غير مالـك
مايملكه حضـر وبـدو يشـدون
هذي عطايـا الله تبلـغ وصالـك
شاعرواوثّق مانظرتـه بكربـون
واساجلك بالشعر وما احلى سجالك
يامن يناظرنـي بعينـه ومفتـون
عذبت حالـي عـذّب الله حالـك
تشبح بعينك كنّهـا لـول مكنـون
يازين نظراتـك وياطيـب فالـك
من لامني في العين ياناس مجنون
أجمـل عيـونٍ تفتديهـا بمالـك
اصبر واجامل لكن الناس يـدرون
يدرون عينك موت وانـا باسالـك
بأسأل سؤال اللي من الزين مغبون
مغبون لجلك وانـت ولا طرالـك
بأسألك كم من عاشق لك ومسجون
أبغى الحقيقة والإجابة حلالـك
ياليتني لك ابـن عمـك وممنـون
ممنون أنا حتى ولو ابـن خالـك
قد تبت أنا مالحب وياكم به اطعون
لكن لعينك صرت عاشق دلالـك