اذا كـــانت المراة عيب ..!! فهي اجمل عيوب الدنيـــا

ااذا كانت المرأه عيب فهي اجمل عيوب الدنيا (( لازم عنوان يلفت )))
وياليت لو كان هنا قسم اسمه همومي ومشاكلي .. كان انسب اني اطرح هالموضوع فيه

لا تكتبين هاذا الشي في المنتدى ..عيب ...
لاتنزلين هاذي الابيات في المنتدى .. عيب ..
لا عاد تعلقين بهاذا الاسلوب عيب > جتني برساله
ماراح تدخلين الطب .. عيب ..
ماراح تروحين عند صحباتك وحدك ..عيب
ماراح تقابلين صديقاتك في أي مكان .. عيب

عيب ... عيب ... عيب..
كل يوم اسمع هالكلمه لين مليت منها وبدل مااسوي اللي هم يبونه صرت اسوي عكسه
لمتى واحنا مانقدر نقرر ونتحكم في الاشيا اللي تخصنـــــا لمتى واحنا فكل شي نسويه مراقبين من اهلنا حتى قرارات ومصير حياتنا اهلنا اللي يقررون فيه
.,.,.,.,.,.,. بالنسبــــــــــــــــــه لــــــــــي .,.,.,.,.,.
ماعطوني حريتي حتى في المنتدى اكتب اللي ابي وانزل كتاباتي اللي انا محتاجه لتطويرها من نقد الاعضاء
والسبب كله كتاباتك ماتصلح انك تنزلينها لانها رومنسيه وهالشي .. عيب
ادخل في اليوم النت وانا متاكده مليون بالميه ان ابويه داخل من جهازه وفاتح على مشاركاتي ويشوف كل كلمه اكتبها
هاذا من غير القوانين واللي وعدته اني مااخالفها لما سجلت هنا ... وانا الين الحين ماشيه عليها ومستحيل اخالفها ابدا
اوكـــــــــــــــــــــــــــــــــــــــــــــــ ــي كل هاذا عاـــــــــادي
بس انا انسانه ولي الحق اني اختار مستقبلي زي ماحب ولي الحق اني اقرر في مصيري زي مااحب
انا صرت ناضجه بشكل يخليني اقدر اتخذ قراراتي فكل شي
حلمي ... طموحي ... امالي ... كلها ضاعت بكلمه يمكن ان الامر كان عادي بالنسبه لهم لاكن انا تحطمت نهائيا لما منعوني من اني ادرس الشي اللي هم حببوني فيه من صغري حتى لما كبرت ... واللحين .. ضاع كل شي مني والسبب عيب تدخلين هالقسم
.... اللي راح راح وانتهى وانا قد ماقدر احاول اتناسا الموضوع
لكــــــــــــــــــــــــن ...!!!!!
عيب عيب عيب لمتى بتستمر هالكلمه
مو بس في الاشيا هاذي اشيا كثير ... ومو بس لي انا لا كثير بنات يصير لهم نفس الشي
احنا مانقول خلونا نسوق سياره ولا خلونا نطلع لوحدنا او ماعاد نبي نتغطى
لا ........ نبغى شويه حريه في قراراتنا
وواسلوبنا وشخصياتنا مانبي نصير زي مانتوا تبون



خــــــــــــــاصه لابويه بس غمضوا عندهااا ddfrad")

يمكن هالكلام كان المفروض اني ماكتبه هنا ويمكن انك بتزعل مني يوم تقراه بس انا دايم اللمح لك بهالشي بس انت مافهمتني كتبته يمكن االشي اللي انا ماقدرت اوصله لك غيري بيقدر يوصـــــــــله


.............................
يمكن ان الموضوع كان يحتاج لترتيب للافكار وللكلمات بس انا ماعندي وقت صراحه كتبته بدون تنظيم
اهــــــــــم شي اني اقدر اقنعهم وكلامي ينفهم

.. ضـــيّ العيـــوون
هالاسم ابوي اختاره