لا تتفوتكم الأحداث المثيره للمسكت والقوبائي داخل الطياره.....

السالفه ذي قبل شهر تقريبا كنت وقتها راجع من الطايف ونزلت مطار

الدمام ولقيت المسكت والقوبائي قدامي المهم بعد السلام الحار منهم

حسيت ان عندهم شي وشفت جوازاتهم معاهم وقلت لهم من وين

جايين الشباب أكيد من برا السعوديه وشكلهم متوهقين ومنحرجين

مني قالو لا حنا جينا الشرقيه يومين بس وراجعين للرياض

قلت والجوازات اللي معاكم <<<<<< صايدهم هههههه قالوا يا ابن

الحلال حنا اول مره نطلع من الرياض ونعتقد ان السفر للشرقيه

لازم بجوازات ورحنا طلعناها بس أستر علينا يا جميل ولا تفضحنا

قلت هين لكم ما تبون ههههههه ما يدرون اني بنشر غسيلهم. المهم

قال المسكت تكفى يا جميل ودنا للرياض نط قوقو ويسوي نفسه ذكي

يا خوي حنا بالطياره بنمشي مع العالم وين ما يروحون نروح معاهم

انا بيني وبين نفسي قلت ( الحمد لله ) امشوا لا بارك الله فيكم وحجزت

لهم وانا معاهم طبعا قلتلهم دسوا الجوازات فضحتوني وانا شخصيه

مرموقه ومعروفه المهم ركبنا الطياره وكانوا الشباب اول مره يركبون

الطياره أول ما قرو دعاء السفر والشباب صن ما يرددون مع الدعاء

أقلعت الطياره وبصوت خفيف أسمع القوبائي يقولي يابو محيا هذي

رساله عطها الوالده قلت العلم ياولد وشفيك واطالع بالثاني الا هو

متلطم وحاط الشماغ بين أسنانه واسنونه تصك صك قلت انا لله وانا

اليه راجعون وكنا وقت المسا وجابو لنا عشى وكان العشى أختياري

لأني مركبهم بالدرجه الأولى الله لا يخسر ما ودي أقول ما كان معاهم

فلوس. المهم مالكم بالطويله عازه جت المضيفه وبكل لطافه شو بدكم

العشا يا شباب وأسمع العربجي اللي على يساري المسكت يقول( يا

ويل حالي) جاك القوبائي يعني مهذب وأتيكيت وراعي سفرات وله بها

العلوم الراقيه وبصوت متحشرف <<<< متحشرف والله مدري

وشي المهم قال لو سمحتي ( انا قلت لا ذا يعجبك ) عندكم مطبق مالح

>> هو قالها بس والعالم ههههههههه يحسبونه ينكت وانا ضايع

وجهي من الفضيحه قلت له بصوت متقطط <<< يعني معصب بس

بصوت خفيف مطبق عنكم في البطحاء هنا ما فيه المهم انا طلبتلهم

نفس الطلب وجاء دور المشروب قبل لا ينتهي العشا أكيد ما فيه الا

عصيرات أو شاي أو قهوه سئلتنا ذيك المظيفه الشقرا الظريفة

الشمائل شو يشربو الحلوين الشباب استحوا والخدود قلبت بنفسجيه

رد المسكت بسرعه ( قصده يسبق قوقو انه يكلمها ) انا أبغى حسوه

ردت عليه المظيفه (( عفوا )) قال هو حسوه حسوه ما تعرفينها

انا برقع الوضع (( بدوه طبق من الحساء )) <<< عاش مرقع.. قالت

لا والله ما عندنا قال طيب اعطيني شوية فرقه (( يعني راقي )) شويه

الله لا يعطيكم العافيه وش هالصدفه البايخه اللي لمتني بكم طلبت عصير

وخلصنا المسكت من كثر العشا نام >> تخبرون الدرجه الاولى وساع

وتتحكم بالكرسي المهم وذاك الشخير وأنواع الفضايح والثاني بالله

جميل خلهم يوقفون ابي دورة المياه انا وقتها وصلت حدي من

الغضب ووديته مع المظيفه المهم راح الحمام وقام يدخن الا

والمظيفين يتراكضون والأنذارات أشتغلت قلت انا على طول والله انه

جاب العيد هالخبل وما يمديني اكمل كلامي الا المظيف جاني وبكل

أدب قال : الأخ جميل المحيا قلت : نعم معاك جميل قال صاحبك

رافض يطلع من دورة المياه الا لما تجون وصحيت المسكت ورحنا

والا وابو الشباب مسوي زحمه ويصيح (( انا في وجه الله يا جميل ))

المسكت قامت الحميه عنده وقال حرام يا رجال يلمسه اني لشرب من

دمه الا والوضع عادي هو لما شرب دخان رنت الأنذارات وجو

المظيفين يقولون له طف السيجاره لو سمحت قال ما عندي والله

الا هالزقيره والله ما أطفيها ودخل الحمام وصك الباب ولا عرف يفتحه

وهم يبغون يفتحون له الباب خايفين انه ينكتم من ريحة الحمام

والدخان وهو خايف يحسبهم بيطقونه فهمتهم الوضعوهديت المسكت

والمسكت يوزع رقم بيجره على المضيفات انواع الغباء

عنده ولما قربنا نهبط بمطار الرياض ربطنا الأحزمه ووصلنا بالسلامه

وفكينا الأحزمه وقلت الحمد لله على السلامه يا شباب قالو الله يسلمك

امش معنا خلك تمسي معنا قلت الله يسلمكم مير اني مستعجل وانا ابي

الفكه منهم ما قلت على الله وحجزت على الدمام ولما جيت بوادعهم

قالو وشرايك تخاوينا ماليزيا ((((( يا ويل امها من جد ))))) هذا اللي

ناقص ورحت من عندهم وغيرت رقم جوالي وحلفت اني ان باقي

شفتهم لأكرشهم ما تسوى علي ذيك التوصيله.

وهذا اللي صار لي مع الشباب وسلامتكم



;tr5s4)