في خاطري

فـي خـــاطــــري

ذا اليوم انا شخص غير
مختلف عن كل يوم
اليوم ادري به مثل امس
واللي كان قبل امس بكثير
اليوم اشرقت شمس وطلع نهار
وغرد العصفور
ومال على الغصن ورد وزهر
اليوم ابتسم طفل
ولاح النور في وجه شيخ كبير
كل شي مثل امس واللي قبل امس بكثير
الا انا
في داخلي جرح
في قلبي نزف والم
جرح قديم كنت احسب انه برا
[فـــي خـــاطــــري
ليت الزمان يعود
ليتني ارجع صغيره
ارجع لذيك السنين
يوم انا كنت بغره وضفيره
همي لعبتي والوان
وكراسه صغيره
ارسم ورده وفراشه
واكتب خواطر قصيره
دنياي لونها وردي
وديانها خضرا نضيره
ماها سلسبيل
ووردها ينشر عبيره
زمان مضى
وسنين كنت انا فيها اميره
تؤمر وتنهي
تطاع لو هي صغيره
سنين مضت
كم سنه ؟ماهي كثيره
مرت مثل حلم قصير



فـــي خـــاطــــري

وين من كانوا معي
وين اللي كان يمسح مدمعي
وين اللي صوته يناديني
ويقول اسمعي
وين احلى قصيد
وين احلي نغم
وين اللي ردد اسمي
قصيد وابيات من الشعر
وين اللي شنف بصوته مسمعي
وين راحت ايامه
وين انا ووين هو
ليه يادنيا حرمتيني
وحرمتيه مني ومعي
في خاطري

جرح قديم
مابرا
كنت احسب اني نسيته
واحسب الايام
تخفي ماجرا
طويت حزني
نسيت همي
مسحت دمعي
حرقت اوراق
وصور
وصرت اليوم شخص جديد
ماللذكريات في يومي مكان
اشرقت شمسي وغابت
وكل شمس تشرق
لازم تغيب
وبعدها يوم جديد
يغشاه نور ونهار
ويبتسم طفل
ويغرد العصفور
والورد يملا الفضا
بروح العبير
ونبدا سوا يوم جديد

وجرحي بدفنه"
وفي خاطري


انساه
وانسى معه

ذكريات

واشخاص

وصور