نبض دمي ... (( إهداء خاص لها وحدها ))

مع السلامة نبض دمي .. ودعتكي والله معي

وإن شا الله .. بارد لك .. عقب السفر من غربتي

القلب دقاته تزيد .. والعين هلت مدمعي

ساعة ندهتي بالوداع .. زوّد وداعك كربتي

ما هو بشفّي النوى .. والله ما هو مطمعي

لكن حدتني دنيتي .. إني أفارق تربتي

إني أفارق من أحب .. صوته صدى في مسمعي

لوما ذكرتك في الملا.. أذكرك حزّت رهبتي

أذكرك .. لى من زاد جوعي .. وصار جوعي مشبعي

توني أحس بْوحشتك .. لا ذقت زادي وشربتي

يا كثر أفضالك عليّ .. يفوق طرحك مجمعي

ومهما أقول إني عملت .. لا ما تعلى رتبتي

مع السلامة .. يدْك أمي .. لا تحزني والله معي

في ذمتي لو هو بْيدي .. ما قلت هذي كتبتي

إبنك ... المنصاب